यूहन्ना 6:63 - राना थारु नयाँ नियम

⁶³ जीबन देन बारो परमेश्वरको आत्मा हए, शरीरए कुछु फाइदा नाए होत हए। जौन बचन मए तुमरे सँग मस्कनडटो हओं बो आत्मा और जीबन हए।

परमेस्वर को सच्चो वचन

⁶³ आत्मा तौ जिंदगी देन बारो है, सरीर से कछु फायदा नाय है। जो बातैं मैं तुमसे कहो हौं बे आत्मा हैं, और जिंदगीयो हैं।

यूहन्ना 6:63 Խաչաձեւ Հղումներ

यूहन्ना 5:21

जैसे दौवा मरे भए आदमीनके फिरसे जिन्दा करत हए और उनके जीबन देतहए, उइसीयए मए फिर जौनके चाँहत हओं बहेके जीबन देत हओं।

यूहन्ना 6:68

सिमोन पत्रुस जबाफ दइके कही, “हे प्रभु, हम काके ठिन जाएं? तुमरसँग कभी फिर नाश नाए होन बारो जीबनको बचन हए।

प्रेरित 5:20

“जाओ और मन्दिरके आँगनमे ठाणके सब आदमीनके जा अनन्त जीबनके बारेमे सुनाओ।”

रोमियों 10:17

जहेमारे बिश्वास तब्ही आतहए जब तुम सन्देश सुन्त हओ, और जा सन्देश ख्रीष्टके बारेमे बचन हए।

रोमियों 2:25

मए तुमसे कुछ कहानके चाँहत हओं। तुमर खतना करोजानको मोल केवल तब्ही इकल्लो हए, जब तुम नियम कानुनके पालन करत हओ। पर अगर तुम बो नाए करत हओ जो ब्यवस्था कहात हए, तओ तुम खतना करेभए यहूदी आदमी बेहीं आदमी कता हओ, जो यहूदी नाए हएं और जौनको खतना नाए भओ हए।

रोमियों 8:2

काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

1 कोरिन्थी 15:45

पबित्र-शास्त्रमे फिर जा लिखो हए कि, “पहिलो आदमी, अर्थात् आदम, जीवित प्राणी बनो” और आखरी आदमी जोकी ख्रीष्ट हए, बा बहे हए जो अनन्त जीबन देतहए।

गलातियों 5:25

काहेकी परमेश्वरको आत्मा हमके एक नयाँ जीबन दइ हए, जहेमारे आओ, हम अपने जीबनके सब क्षेत्रमे आत्माको अगुवाईमे जिमएं।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

गलातियों 6:15

काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

1 तिमोथी 4:8

काहेकी शरीरको तालिमसे थोरी दिनके ताहीं फाइदा होत हए, पर भक्तिपूर्ण जीबन सब बातके ताहीं फाइदा होत हए, काहेकी जा जीबनमे और आन बारो जीबनमे तए बहे जीबनके पाबैगो, जोको वादा परमेश्वर करीहए।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।