यूहन्ना 5:17 - राना थारु नयाँ नियम

¹⁷ जहेमारे येशू बिनसे कही, “मिर दौवा हबएतक काम करीरहोहए, और मए फिर काम करीरहो हओं।”

परमेस्वर को सच्चो वचन

¹⁷ जौ बात मैं ईसु उनसे कही, “मेरो दऊवा हबै तक काम करथै, और महुँ काम करथौं।”

यूहन्ना 5:17 Խաչաձեւ Հղումներ

मत्ती 10:29

का एक पैसामे दुई गरगओटा नाए बिकेहएं? अगर बे मैसे एक धर्तीमे गिरैगो और मरैगो कहेसे तुमर दौवाके जाके बारेमे पता होबैगो।

यूहन्ना 14:10

का तुम बिश्वास नाए करत हओ, कि मए दौवामे हओं और दौवा मोएमे हए? मए तुमसे जे बात अपनएसे नाए कहो हओं पर दौवा मोएमे रहिके बहे करत हए, जो दौवा चाँहत हए।

यूहन्ना 5:16

जहेमारे बो दिनसे यहूदी समुहके अगुवा येशूके सतान लागे, काहेकी येशू बो कामके पबित्र दिनमे करी रहए।

यूहन्ना 5:18

तभीमारे जब येशू जा बात कही तओ यहूदी समुहके अगुवा औ जद्धा येशूके मारनके बिचार करन लागे, काहेकी बा पबित्र दिनको नियमके तोणी रहए, और परमेश्वरके मेरो दौवा कहिके अपनएके परमेश्वरके बराबर मानत रहए।

यूहन्ना 9:4

जौन मोके पठाइ हए, मोके जल्दीयए बाके द्वारा सौँपो गओ कामके पुरा करनके हए। बो रात आन बारी हए, जोमे कोइ फिर काम नाए करपाबैगो।

प्रेरित 14:17

तहुँफिर बा कभु फिर असल और भलाइको काम करन नाए छोडी हए। बा स्वर्गसे पानी बर्षाएके ठिक समयमे उबज्नी करबाए देतहए। प्रसस्त खानी चीज जुटाएके आदमीनको हृदयके खुशीसे भरदेत हए। अइसे परमेश्वरके काम बाको गवाही देत हएं।”

प्रेरित 17:28

काहेकी बा हमर सँग हए जहेमारे हम जीइत हएं और चल्त फिरत हएं और हमर अस्तित्व हए। ठिक उइसीयए तुमर जनै कबि फिर कही हए, ‘नेहात्तओ हम बहेक सन्तान हएं।’

1 कोरिन्थी 12:6

परमेश्वरके हम्रे जीबनमे काम करनके अलग-अलग तरिका हएं। पर जा बहे परमेश्वर हए, जो सबएके मध्यमसे काम करत हए।

कलस्सी 1:16

काहेकी जा ख्रीष्ट रहए, जौन सब चीज परमेश्वरके सँग मिलके सृष्टि करी रहए, बादर होए या पृथ्वी, देखन बारी होए या नाए देखन बारी, चहुँ सिंहासन होए या राजा, चहुँ प्रधानता होए या अधिकार जे सब ख्रीष्टद्वारा और ख्रीष्टके आदर देनके ताहीं बनाए गए हएं।

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।