याकूब 3:6 - राना थारु नयाँ नियम

⁶ जिभ एक आगी हानी हए, जा शरीरको बो भाग हए, जो बहुत दुष्ट हए, और जा एक आदमीको पुरो शरीर नाश करदेत हए, जा नरककी आगीसे लैके हमर पुरो जिन्दगिमे आगी लगाए देतहए।

परमेस्वर को सच्चो वचन

⁶ जीभ एक आगी है; जीभ हमरे अंगन मैं एक अधर्म की एक दुनिया है और पूरे सरीर मैं कलंक लगाथै, और भवचक्र मैं आगी लगाए देथै और नरक कुंड की आगी से जलत रहथै।

याकूब 3:6 Խաչաձեւ Հղումներ

मत्ती 12:24

तओ जा सुनके फरिसीनको समुह कहीं, “जा आदमी भुतनको मालिक, शैतानसे भुतनके भजात हए।”

मत्ती 5:22

तओ मए तुमसे हियाँ कहात हओं, कि जौन कोइ अपन भइयासे क्रोध करैगो, परमेश्वर बोके दण्ड देबैगो, और जौन अपन भइयाको अपमान करैगो, बो यहूदी सभाघरमे दण्डको लायक होइगो; और जौन कोइ भइयासे कएहए ‘तए मुरख हए’ बो नरकके आगीकी भट्टीमे जानके खतरामे हए।

मर्कूस 7:15

अइसो कोइ बात नाए हए जो बाहिरसे आदमीके भितर घुसके अशुद्ध करैगो, पर जो बात आदमीनके हृदयसे बाहिर निकरत हए बहे बात आदमीनके अशुद्ध करत हए।”

लूका 16:24

और बो धनी आदमी जोडसे चिल्लाएके कही, ‘हे दौवा अब्राहाम, मिर उपर दया करके लाजरसके पठाएदेओ, ताकी बो अपन उगंरिको पोरा, पानीमे डुबाएके मिर जिभके जुणो बनाए देबए, काहेकी मए जा नरकको ज्वालामे गजब कष्ट पाएरहो हओं।’

प्रेरित 20:30

हियाँतककी तुमर अपने बिश्वासी समुह मैसे भणकान बारी बात मस्कन बारे आदमी आमंगे। और बे चेलनके अपने पिच्छु लैजामंगे।

प्रेरित 5:3

तओ पत्रुस कही, “ए हननिया, जौन शैतान तेरे मनमे पबित्र आत्मासे झुठ मस्कन बारो बिचार डारी हए और तए जो जमिन बेँचो हए बहे दामको एक भाग अपने ताहीं धरलओ हए।

प्रेरित 6:13

हुवाँ बे झुठी गवाही देन बारोके ल्याइं, जौन स्तिफानस उपर जा आरोप लगाइ रहएं, और कहीं कि, “जा आदमी, पबित्रस्‍थान और मोशाको नियम कानुनके बिरुद्धमे बदनाम करन नाए छोडत हए।

तीतुस 1:11

जे अइसे आदमीनके शिक्षा देनके अनुमति मतदिए। काहेकी जब जे बे बातनके सिखात हएं, जो बात नाए सिखानके हए। तओ बे बहुत परिवारनको बिश्वासके नाश करदेत हएं। जे अइसे जाकेमारे करत हएं, ताकी बे धनसम्पति पाए सकएं।

याकूब 2:7

बे आदमी बेहीं हएं, जो येशू ख्रीष्टके असल नाउँके बिरुद्ध खराब बात मस्कत हएं, जौनसे तुम सम्बन्ध धरे हओ।

याकूब 3:7

आदमी सब जंगली जानबर या घिसटन बारे जन्तु और समुन्दरके जीवजन्तुनके तहा लागए सकत हए, और तहा लगाए फिर हए।

2 पतरस 3:3

सबसे जरुरी बात, तुमके जानन हए कि अन्तिम दिनमे ख्रीष्ट दुबारा लौटके आनसे पहिले कुछ आदमी तुमके गिल्ला करंगे, काहेकी तुम बिश्वास करत हओ, कि ख्रीष्ट लौटके आबैगो। बे अपनो बानीके कारणसे गलत काम करंगे, जौन बिनके खुसी बनातहए।

3 यूहन्ना 1:10

जहेमारे अगर मए आमंगो, तओ तुमर अग्गु बोके द्वारा करेगए सब कामके स्पष्ट करदेमंगो, अर्थात् खराब-खराब शब्दके प्रयोग करत हमर उपर लगाएगए सब दोषके; इत्कए इकल्लो नाए, बे आएभए बिश्वासी ददाभइयनके स्वागत नाए करत हएं, और बिश्वासीनके स्वागत करनके रोकत हएं, और हियाँतककी बे उनके मण्डली मैसे बाहिर निकार देत हएं।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

प्रकाश 18:23

फिरसे कभी फिर आदमी तोएमे एक दियाको उजियारोके चम्कत नाए देखंगे। फिरसे कभी फिर बेहा होन बारे एक लोग और बैयरकी अबाज नाए सुनंगे। हुवाँके ब्यपारी पुरे संसारमे सबसे शक्तिसाली रहएं। और संसारके सब जाति हुवाँके जादुगरनसे छले गए।

प्रकाश 19:20

तओ बो राक्षस और बोके सँगमे दुस्रो राक्षस फिर पक्णोगओ, बो झुठो अगमबक्ता राक्षसको तरफसे अचम्मोके चिन्हा दिखाइ और सबए आदमीनके धोखा दइ, जौन राक्षको छाप लगाए रहएं, और जौन बोको मूर्तिके आराधना करे रहएं। जे दुनौ आगी और गन्धकको कुण्डामे जिन्दए फेँकेगए।