हिब्रू 9:16 - राना थारु नयाँ नियम

¹⁶ उदाहरणके ताहीं, अगर एक आदमी कोइके इच्‍छापत्र लिखनके बिन्ती करैगो, और बो अपनो सम्पतिको हक कोइ एक आदमीके देहए तओ, इच्‍छापत्र लिखन बारो आदमी मरके पिच्छु इकल्लो बो आदमीको सम्पतिको हक पान सिकैगो।

परमेस्वर को सच्चो वचन

¹⁶ काहैकि जितै वाचा भाँदी गई है हूँना वाचा भाँदन बारे की मौत कै समझ लेनो भी जरूरी है।

हिब्रू 9:16 Խաչաձեւ Հղումներ

रोमियों 5:12

जहेमारे एक आदमीके द्वारा पाप संसारमे आओ अर्थात् आदमके द्वारा। बो पहिलो आदमी रहए जोके परमेश्वर सृष्टि करी, और आदमको पापके कारण बोको मृत्यु भओ और अइसियए सब आदमीमे मृत्यु आओ काहेकी आदममे, सब आदमी पाप करीं।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

1 कोरिन्थी 15:22

एक आदमी अर्थात् आदमके पापके कारण सबए मानब जातिके मरन पणो। उइसीयए एक आदमी अर्थात् येशू ख्रीष्ट जो करी बोके कारण, सबए मेरे मैसे फिरसे जिन्दा करो जामंगे।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

हिब्रू 9:17

काहेकी सम्पतिको मालीक जिन्दा होनतक बो इच्छापत्रको कोइ महत्त्व नाए होत हए। बो आदमी मरजाबैगो तब्ही इकल्लो बो इच्छापत्रको महत्त्व होत हए।

याकूब 2:10

काहेकी जौन फिर एक आज्ञाके तोडत हए, पर बाँकी सब नियम कानुनके पालन करत हए, तहुँफिर बो दोषी मानो जाबैगो