हिब्रू 9:12 - राना थारु नयाँ नियम

¹² ख्रीष्ट स्वर्गमे भओ महापबित्र ठाउँमे एकए चोटी सदामानके ताहीं प्रबेश करी। बा अपने सँग बक्रा और बछ्रनको खुन लैके नाए गओ। बाको बलि बाको अपनो खुन रहए, और जासे बो हमके पापसे सदाके ताहीं छुटकारा करदइ हए।

परमेस्वर को सच्चो वचन

¹² और बकरन और बछड़न के खून के जरिया नाय, लेकिन अपने ही खून के जरिया एकै बार पवित्र जघा मैं घुसो, और अनंत छुटकारा पाबौ।

हिब्रू 9:12 Խաչաձեւ Հղումներ

मर्कूस 3:29

पर पबित्र आत्माके बिरुद्धमे बदनाम करन बारेनके कभी फिर क्षमा नाए करैगो, पर बो हमेसाके ताहीं गलत कामको दोषी ठहरैगो।”

लूका 1:68

“धन्य हए प्रभु, इस्राएल देशको परमेश्वर! बा अपने प्रजाके ठिन आओ हए, और बिनको उद्धार करीहए।

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

कलस्सी 1:14

बाको लौंणाको बलिदानसे परमेश्वर हमके छुटकारा दइ हए, अथवा हमर पाप क्षमा करीहए।

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

हिब्रू 10:19

जहेमारे हे बिश्वासी ददाभइया और दिदिबहिनियओ, येशू हमर ताहीं अपनो जीबन खुनको बलिदान करके कारणसे हम स्वर्गको महापबित्र ठाउँमे सहाससे घुस पातहएं।

हिब्रू 13:12

जहेमारे, येशू फिर आदमीनके अपने खुन द्वारा पबित्र करनके ताहीं यरूशलेम सहरके बाहेर बो दुख उठाइ और मरो।

हिब्रू 5:9

मल्‍कीसेदेक यहूदी पुजारी भओ कता परमेश्वर येशूके प्रधान यहूदी पुजारी बनाएके सम्मान दइ। और जब येशूके परमेश्वर पुरा रुपमे सिद्ध बनाएडारी तओ बामे बिश्वास करन बारे आदमीनके ताहीं बा सदाकालको मुक्तिको मुल हुइगओ

हिब्रू 7:27

और हारूनको बंशके प्रधान यहूदी पुजारीन कता येशूके फिर रोजदिन बलि चढान जरुरी नाए हए। बा प्रधान पुजारीनके अग्गु अपन पापके ताहीं, और बोके पिच्छु दुस्रे आदमीनको पापके ताहीं बलिदान चढाइ। येशू अपन बलिदान दइके जा कामके सदादीनके ताहीं पुरा करदइ।

हिब्रू 9:13

मोशाको नियम कानुनको चलन अनुसार बक्रा और बर्धाको खुन और होमबलि चढाओ भओ बछराको भुवा रितीरिबाज अनुसार अशुद्ध आदमीके उपर छर्कत रहएं। अइसो करनसे बे बाहिरी रुपसे रितीरिबाज अनुसार शुद्ध होत रहएं।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

हिब्रू 9:19

तभीमारे मोशाको नियम कानुनको किताबको हर आज्ञा आदमीनके अग्गु कहिके, बो बछरा और बक्राको खुन लैके पानीमे मिलाए दइ। बो लाल ऊनको हिसपको पेणके हँगामे बाँधके और जाके बो खुनमे डुबाएके मोशाको नियम कानुनकी पुस्तकमे और सब आदमीनमे छिँटी।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

हिब्रू 9:7

पर वर्षमे एक चोटी इकल्लो प्रधान यहूदी पुजारी महापबित्र ठाउँमे जात रहएं। जब बे भितर जात रहएं, तओ बे अपने सँग जानबरको खुन लैके जात रहएं। बे बो खुन अपने पाप क्षमाके ताहीं, और आदमीनको अन्जानमे करोभओ पापके ताहीं परमेश्वरके बलि चढात रहएं।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।