हिब्रू 9:11 - राना थारु नयाँ नियम

¹¹ जहेमारे ख्रीष्ट अब हियाँ भए सब असल चीजके उपर प्रधान यहूदी पुजारी हुइगओ हए। येशू स्वर्गमे भओ बहुत महान और सिद्ध तम्भुमे प्रबेश करीहए, जो आदमीनसे नाए बानो हए और जा संसारको फिर नाए हए।

परमेस्वर को सच्चो वचन

¹¹ लेकिन जब मसीह आनबारी अच्छी-अच्छी चीजन को बड़ो-पुजारी हुईकै आओ, तौ बौ औरौ बड़े और सिद्ध तम्बु से हुईकै जो हाथ को बनाओ भौ नाय है, मतलब दुनिया नाय है।

हिब्रू 9:11 Խաչաձեւ Հղումներ

मत्ती 11:3

“का आन बारो येशू तुमही हओ, जौन येशूके पठानको बाचा परमेश्वर करी रहए। कि हम दुस्रेके आसरा करएं?”

मत्ती 2:6

‘ए! यहूदिया परदेशके बेथलेहेम सहरके आदमीयओ! तुम यहूदा परदेशके सासकसे बहुत बणे हओ, काहेकी तुमसे एक आदमी आबैगो जौन सासक बनैगो, बा मिर प्रजा इस्राएल देशको एक बकरेहेराके जैसो रेखदेख करैगो।’”

मर्कूस 14:58

“जाके अइसे कहात हम सुनेहएं, ‘आदमीको बनाओ भओ जा मन्दिर मए उजाड देमंगो, और तीन दिनमे मए दुस्रो मन्दिर बनाए देमंगो।’”

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 4:25

बो बैयर येशूसे कही, “मए जानत हओं, कि मसीह आबैगो, जौनसे ख्रीष्ट कहोजात हए, और जब बा आबैगो; तओ बहे हमके सब बात बताए देबैगो।”

प्रेरित 7:48

पर परमप्रधान हातको बनो भओ मन्दिरमे नाए रहात हए, जैसेकी यशैया अगमबक्ताके किताबमे लिखो हए,

2 कोरिन्थी 4:18

हम दिखान बारी बातके नाए, बल्कि नाए दिखान बारी बात देखत हएं, काहेकी दिखान बारी बात क्षणिक होत हएं, पर अदृश्य बात अनन्ततक रहात हएं।

2 कोरिन्थी 5:1

काहेकी हम जानत हएं, अगर पृथ्वीमे हमर सँग भओ अस्थायी शरीर नष्ट भओ कहेसे स्वर्गमे अनन्ततक रहान बारो परमेश्वरको दओ भओ हमर घर हए, जो हातसे नाए बनाओ गओ हए।

कलस्सी 2:11

जब तुम ख्रीष्टमे बिश्वास करे, तुमर खतना आदमीनसे नाए करोगओ, जैसे यहूदी आदमीनके करत रहएं। पर बो खतना ख्रीष्टके माध्यमसे भओ, जो तुमर पापी स्वभाबके काटके दुर करे जैसो हए।

हिब्रू 10:1

मोशाको नियम कानुनमे भओ पुराने नियम, आन बारो समयको छहीं इकल्लो हए, ख्रीष्ट हमरे ताहीं करोभओ अच्छो चीजको वास्तबिकता नाए हए। पुरानो नियममे बलि घरि-घरि और साल-सालमे चढान पणत रहए, पर बे परमेश्वरको आराधना करन आएभए आदमीनके पुरा रुपसे शुद्ध नाए करपात रहए।

हिब्रू 12:27

“एक और चोटी” कहान बारो बचन जा दिखात हए, कि सृष्टि भए सबए हलाओ जाबैगो और मिटाओ जाबैगो, ताकी हलाए नाए पान बारे चीज स्थिर रहामएं।

हिब्रू 13:14

काहेकी जा संसारमे हमर स्थायी सहर नाए हए, बल्कि पिच्छु हम आन बारो दिनको घरको आसरा करत हएं।

हिब्रू 2:17

जहेमारे हर बातमे येशूके दुस्रो आदमी कता बनन पणो। उइसीयए बा परमेश्वरको दयालु और बिश्वासयोग्य प्रधान यहूदी पुजारी बनो। ताकी बाको बलिदानसे आदमी अपनो पापसे क्षमा पाए जामएं।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।

हिब्रू 7:1

मल्‍कीसेदेक शालेमको राजा और सर्वोच्च परमेश्वरको प्रधान पुजारी रहए। अब्राहाम चार राजनके, लडाइमे हराएके घुमत पेती मल्कीसेदेक बोके भेँटके आशिष दइ।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।