हिब्रू 9:10 - राना थारु नयाँ नियम

¹⁰ काहेकी बे आदमीनको खानो और पिइनो और आदमीनके बाहिरी रुपमे शुद्ध बनान बारो बहुत मेलके पुरानो चलनके हँदानके बारेमे इकल्लो कहात हएं। जे रितीरिबाज बिनके परमेश्वरको नयाँ करार सुरु नाए भएतक पालन करन पणैगो।

परमेस्वर को सच्चो वचन

¹⁰ काहैकि जे खाली खान-पीन बारी चीज, और तरह-तरह के हंदान के नियम के मुताबिक सरीर के नियम हैं, जो सुधार के समय तक के ताहीं ठहराए गै हैं।

हिब्रू 9:10 Խաչաձեւ Հղումներ

मर्कूस 7:4

बजारसे आएके बे आदमी, खानु खानसे पहिले हमेसा अपनी रितीरिबाजके अनुसार हात धोत रहएं। बिनको पुर्खनको औ फिर कित्नो रिति रिबाज हएं, जौननके बे मानत रहएं जैसे कि कटोरा, पानीको बरतन और काँसोके बरतन धोनो-माँजनो।

गलातियों 4:9

जबकी परमेश्वरके सँग तुमर सम्बन्ध हए, और परमेश्वर हमके अपनो लौंणाके रुपमे स्वीकारलै हए। तहुँफिर तुम कमजोर और गैर कामके गुरुको कमैया बननके ताहीं काहे लौटरहे हओ? का तुमके दुबारा उन्हींनको कमैया बननके इच्छा हए?

इफिसियों 1:10

जब जा योजनाके पुरा करनको समय आबैगो, तओ परमेश्वर बादर और पृथ्वीके सबए चिजनके ख्रीष्टके अधिनमे करैगो ताकी ख्रीष्ट सबए चिजनको मालिक होबए।

इफिसियों 2:15

अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।

कलस्सी 2:16

जहेमारे कोइ तुमके धोखा नाएदेबए, और कोइ तुमके न्याय नाए करए, या पबित्र दिनके बारेमे तुमर कोइ फैसला नाए करए।

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

हिब्रू 2:5

जोको हम बात कररहे हएं, बो नयाँ संसारके परमेश्वर स्वर्गदूतनके अधीनमे नाए धरी, पर प्रभु येशूको अधीनमे धर दइ।

हिब्रू 6:2

बहुत मेलके बप्तिस्माके बारेमे शिक्षा, कोइके उपर हात धरनो, मरे आदमीनके फिरसे जीइ उठानो और कभी फिर अन्त नाए होन बारो दण्ड जैसो बातमे इकल्लो लागके, विश्‍वासको जग फिरसे बैठान बारी शिक्षामे लागे नाए रहामएं।

हिब्रू 6:5

बे अनुभव करीं, कि परमेश्वरको सन्देश अच्छो हए और बे भबिष्यमे आन बारो समयको शक्ति अनुभव करी हएं।

हिब्रू 7:12

काहेकी जब पुजारी बदलत हएं, तओ मोशाको नियम कानुन फिर बदलन पणत हए।

हिब्रू 7:16

कोइ खास आदमी अर्थात् लेबीको बंश हुइके नियम कानुनको कारण येशू पुजारी नाए बनो। पर बो अपनो जीबनको शक्तिके कारण पुजारी बनो, जौनको कब्ही अन्त नाए होत हए।

हिब्रू 9:1

पुरानो करारमे आराधना सम्बन्धि कानुन इस्राएल देशके आदमीनके ताहीं रहए, और आदमीनको बनाओ भओ आराधना करनके ताहीं एक तम्भु फिर रहए।