हिब्रू 7:18 - राना थारु नयाँ नियम

¹⁸ काहेकी पुरानो मोशाको नियम कानुन कुछ नाए करपान बारो और काम नाए लगन बारो होनके कारणसे खारेज करोगओ हए।

परमेस्वर को सच्चो वचन

¹⁸ तौ पुराने नियम की आग्या कै छोड़ दौ जाथै, काहैकि जौ कमजोर और बेकार रहै।

हिब्रू 7:18 Խաչաձեւ Հղումներ

प्रेरित 13:39

येशू ख्रीष्टमे बिश्वास करन बारे सब पापसे छुटकारा पाएके परमेश्वरके अग्गु ठिक ठहिरत हएं। जा छुटकारा मोशाको नियम कानुनसे तुमर ताहीं सम्भब नाए रहए।

रोमियों 3:31

तओ का, हम नियम कानुनके बिश्वासके द्वारा बेकामको बनात हएं? नाए! बिरकुल नाए! बल्कि हम नियम कानुनके प्रमाणित करत हएं, कि जा परमेश्वर मोशाके द्वारा दइ रहए।

रोमियों 8:3

काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।

गलातियों 3:15

हे मेरे बिश्वासी ददाभइयओ, मए साधारण जीबनसे उदाहरण दइ रहो हओं। जब दुई आदमी एक समझौता करत हएं, और बे जाको प्रमाणित करत हएं। तओ अइसो कोइ फिर नाए हए, जो बो समझौताके बदल पाबए।

गलातियों 3:17

जौन बात मए तुमके कहान चाँहत हओं बो जा हए, कि परमेश्वर अब्राहामके सँग प्रतिज्ञा बाँधनके चार सओ तीस साल पिच्छु मोशाको नियम कानुन दइ, बो प्रतिज्ञाके प्रमाणित करनके ताहीं जो परमेश्वर करी रहए। पर हम जा नाए कहे सकत हएं, काहेकी अब मोशाको नियम कानुन हए। जहेमारे परमेश्वरको प्रतिज्ञाको कोइ मोल नाए हए। परमेश्वरको बो प्रतिज्ञा अभौफिर बलियो हए, और परमेश्वरके जाके पुरा करनके हए।

गलातियों 3:21

का जाको अर्थ जा हए, कि मोशाको नियम कानुन प्रतिज्ञनके बिरुद्ध हए? कभी फिर नाए! काहेकी नियम कानुन हमके कभी फिर नाश नाए होन बारो जीबन देत हुइतो कहेसे हमके जाके पालन करके परमेश्वर सँग धर्मी ठहिराए जाए सकत रहएं।

गलातियों 4:21

और तुम, जो मोशाको नियम कानुनको अधिन होन चाँहत हओ! मेरी बात सुनओ! मए तुमके बतामंगो, कि मोशाको नियम कानुनको किताबमे का लिखो हए।

गलातियों 4:9

जबकी परमेश्वरके सँग तुमर सम्बन्ध हए, और परमेश्वर हमके अपनो लौंणाके रुपमे स्वीकारलै हए। तहुँफिर तुम कमजोर और गैर कामके गुरुको कमैया बननके ताहीं काहे लौटरहे हओ? का तुमके दुबारा उन्हींनको कमैया बननके इच्छा हए?

1 तिमोथी 4:8

काहेकी शरीरको तालिमसे थोरी दिनके ताहीं फाइदा होत हए, पर भक्तिपूर्ण जीबन सब बातके ताहीं फाइदा होत हए, काहेकी जा जीबनमे और आन बारो जीबनमे तए बहे जीबनके पाबैगो, जोको वादा परमेश्वर करीहए।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

हिब्रू 7:19

काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।