हिब्रू 2:17 - राना थारु नयाँ नियम

¹⁷ जहेमारे हर बातमे येशूके दुस्रो आदमी कता बनन पणो। उइसीयए बा परमेश्वरको दयालु और बिश्वासयोग्य प्रधान यहूदी पुजारी बनो। ताकी बाको बलिदानसे आदमी अपनो पापसे क्षमा पाए जामएं।

परमेस्वर को सच्चो वचन

¹⁷ जहेमारे बाकै जरूरी रहै, कि सब बातन मैं अपने भईय्या-बहेनियन के जैसे बनै; जोसे बौ बे बातन मैं जो परमेस्वर से जुड़ी भइ है, एक दयालु और बिस्वास के लायक बड़ो पुजारी बनै ताकी लोगन के पापन के ताहीं पछताबै।

हिब्रू 2:17 Խաչաձեւ Հղումներ

रोमियों 15:17

जहेमारे मए येशू ख्रीष्टके कारणसे परमेश्वरको सेवामे गर्ब करत हओं।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

इफिसियों 2:16

क्रूसमे अपनी मृत्युके द्वारा ख्रीष्ट दुई समुहके अलग करदइ और उनको मेलमिलाप परमेश्वरके कर्बाएदइ, अइसियए यहूदीके समुह और गैर-यहूदीनके बीचमे भओ दुस्मनाइ खतम करदइ।

कलस्सी 1:21

एक समय तुम परमेश्वरसे दुर रहओ। खराब चीज सोँचके खराबए काम करके तुम परमेश्वरके दुश्मन रहओ।

हिब्रू 10:21

और परमेश्वरके आदमीनमे राज्य करन बारो हमर सँग एक जनै महान पुजारी भओके कारणसे,

हिब्रू 2:11

काहेकी पापसे शुद्ध बनान बारो और पापसे शुद्ध भए सबएनको दौवा अर्थात्, परमेश्वर एकए हए। जहेमारे येशू बिनसे, बिश्वासी भइया-बहिनीया कहानमे शर्मात नाए हए।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

हिब्रू 2:16

काहेकी नेहात्तओ प्रभु येशू स्वर्गदूतनके नाए, पर अब्राहामको सन्ताननको वास्ता करत हए।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

हिब्रू 3:2

येशू परमेश्वर द्वारा दओगओ सब काम करी, अइसियए मोशा परमेश्वरद्वारा दओगओ सब काममे बिश्वासयोग्यतासे पुरा करी।

हिब्रू 3:5

मोशा परमेश्वरको घरको सब आदमीनसे बिश्वासयोग्य भओ। और पिच्छु, मोशाको करोभओ काम भबिष्यमे परमेश्वरके बोलन सच्चो बातको सच्चो उदाहरण रहए।

हिब्रू 4:14

स्वर्गमे जान बारो परमेश्वरको लौंणा येशू हए। बा हमर सबको सबसे भारी प्रधान यहूदी पुजारी हए। तभीमारे सब आदमीनके अग्गु ग्रहण करोभओ बिश्वासके थामके मजबुत होबओ।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।

हिब्रू 5:1

परमेश्वर इस्राएल देशके आदमीन मैसे हर प्रधान यहूदी पुजारीनके चुनी, और बा हर प्रधान यहूदी पुजारीनके आदमीनके घेनसे पापके क्षमाके ताहीं भेँटी और बलिदान चढानके नियुक्त करी, ताकी परमेश्वर आदमीनको पाप क्षमा करए।

हिब्रू 5:2

काहेकी प्रधान यहूदी पुजारी अपनए फिर कमजोर आदमी हएं। जहेमारे बे अन्‍जान और डगर बिरान बारेनके नम्र हुइके सम्‍झाए सकत हएं।

हिब्रू 5:5

ख्रीष्ट सम्मान पानके ताहीं अपनए प्रधान यहूदी पुजारी नाए भओ। पर परमेश्वर बाके बो सम्मान दइ, और कही, “तए मिर लौंणा हए, आज मए घोषणा करत हओं, कि तए मिर लौंणा हए।”

हिब्रू 6:20

हमरे ताहीं येशू हमसे अग्गु जा ठाउँमे जाएके बैठिगओ हए। मल्‍कीसेदेक पुजारी कता, बा सब दिनके ताहीं प्रधान यहूदी पुजारी भओ हए।

हिब्रू 7:26

येशू हमके चाहो भओ प्रधान यहूदी पुजारीको राजा हए। बा पबित्र, निर्दोष, और शुद्ध हए। और परमेश्वर बाके पापी आदमीनसे अलग करके सबसे जद्धा आदरसे स्वर्गमे बैठाइ।

हिब्रू 7:28

काहेकी मोशाको नियम कानुन कमजोर आदमीनके, प्रधान यहूदी पुजारी नियुक्त करत हए, पर मोशाको नियम कानुनसे पिच्छु आन बारो कसम, परमेश्वरको लौंणाके, प्रधान पुजारी नियुक्त करी रहए। और बा सदिमानके ताहीं सिद्ध प्रधान पुजारी भओ हए।

हिब्रू 8:1

अब हमके कहान बारी बात जहेहए: हमर फिर अइसे प्रधान यहूदी पुजारी हएं, जो स्वर्गमे महान परमेश्वरको सिंहासनके दहिना घेन स्वर्गमे उच्च आदरको ठाउँमे बैठे हएं।

हिब्रू 8:3

सबए प्रधान यहूदी पुजारी पाप क्षमाके ताहीं भेँटी और बलिदान चढान नियुक्त भए होत हएं। जहेमारे हमर प्रधान पुजारी ख्रीष्टके फिर पाप क्षमाके ताहीं कुछु चीज चढान जरुरी हए।

हिब्रू 9:11

जहेमारे ख्रीष्ट अब हियाँ भए सब असल चीजके उपर प्रधान यहूदी पुजारी हुइगओ हए। येशू स्वर्गमे भओ बहुत महान और सिद्ध तम्भुमे प्रबेश करीहए, जो आदमीनसे नाए बानो हए और जा संसारको फिर नाए हए।