हिब्रू 12:25 - राना थारु नयाँ नियम

²⁵ होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

परमेस्वर को सच्चो वचन

²⁵ चहाचीते रहबौ, और बौ कहनबारे से मोहों मत मुरकाबौ, काहैकि लोग जब धरती मैं के चितौनी देनबारे से मोहों मुरकाए कै नाय बच सके, तौ आपन स्वर्ग मैं से चितौनी देनबारे से कैसे बच पांगे?

हिब्रू 12:25 Խաչաձեւ Հղումներ

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

मत्ती 8:4

तओ येशू बोसे कही, “कोइसे मत् कहिए, कि मए तोके अच्छो करो। तए जा और अपनएके यहूदी पुजारी ठिन दिखा, और मोशा आज्ञा करीअनुसार भेँटी चढा, और सब आदमी पता पामएं कि तए शुद्ध भओ हए।”

प्रेरित 7:35

जौन मोशाके बे जा कहिके इन्कार करी रहएं, ‘तोके कौन हमर उपर राजा और न्यायधीश बनाएके पठाइ हए?’ बहेके परमेश्वर राजा और बचान बारो ठहिराएके, बोके स्वर्गदूतके द्वारा पठाइ, जौन बोके झाडीमे दर्शन दइ रहए।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

2 तिमोथी 4:4

और बे सच्चो कहानीके नाए सुनंगे, पर झुठी कहानीके सुनन चाहंगे।

हिब्रू 1:1

प्राचीन कालसे हमर दौवा पुर्खनके सँग अगमबक्तनसे बहुत चोटी और कैयौं मेलसे परमेश्वर बोली रहए।

हिब्रू 11:7

बिश्वाससे नोआ नाउँ करोभओ आदमी कभीनाए देख भओ बहियाके बारेमे परमेश्वरसे चेतावनी पाएके बाको बडो आदरके साथ आज्ञापालन करके अपनो परिवारके बचान बारो पानीजहाज बनाइ। और नोआ बिश्वाससे पहिले, और संसारके बिश्वास नाए करन बारे आदमी दोषी ठहिरे और बिश्वाससे परमेश्वर नोआके धर्मी घोषित करी।

हिब्रू 12:19

बे त फुँको भओ तुरही और एक बडो अबाज सुनी रहएं। अइसो अबाज सुनत पेती बे अब फिरसे बो अबाज सुनन नाए पणए कहिके बिन्ती करी रहएं। काहेकी बे बहुत डराइगए रहएं।

हिब्रू 3:12

हे मेरे बिश्वासी ददाभइयओ, होश करओ, तुम मैसे कोइमे भओ दुष्ट और अबिश्वासी ह्रदय, तुमके जिन्दा परमेश्वरसे दुर नाए लैजाबए।

हिब्रू 3:17

चालीस वर्षतक परमेश्वर बे आदमीनसे दिक्कनो रहए, जौन पाप करी रहएं। और बे जंगली इलाकामे मरीगए।

हिब्रू 8:5

जे पुजारीनके करन बारो काम स्वर्गमे भओ महापबित्र ठाउँको नक्कल और छाहीं इकल्लो हए, पर स्वर्गमे भओ जैसो नाए। काहेकी जब मोशा तम्भु बनात रहए, तओ परमेश्वर मोशाके चेतावनी दइ रहए, “पहाडमे तोके दिखाओगओ ढाँचा अनुसार तए सब चीज बनैए।”

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

प्रकाश 19:10

जब मए जा बात सुनो तओ मए बो आदमीके अग्गु घुपटा पणो, जौन मोके जे बात बतानडटो रहए। काहेकी मए बाकी आराधना करन जानडटो रहओं। बा मोसे कही, “मिर आराधना मत् कर। तोके परमेश्वरएको आराधना करन पणैगो, काहेकी मए फिर तेरेकता परमेश्वरको दास हओं और येशू ख्रीष्टके प्रभुके रुपमे स्वीकार करोभओ तोही कता बिश्वासी ददाभइया हओं। बो सत्य, जो येशू प्रकट करी रहए, बो सत्य आदमीनके परमेश्वरको बचन परचार करन लायक बनातहए।”

प्रकाश 22:9

पर स्वर्गदूत मोसे कही, “देख, मिर आराधना मत् कर। काहेकी मए त तोही कता एक सेवक और बिश्वासी ददाभइया और अगमबक्ता और जा किताबमे भओ बचन पालन करन बारे सबए बिश्वासी भइया कता हओं। परमेश्वर इकल्लो एक हए, जोके तोए आराधना करनके हए।”