गलातियों 6:2 - राना थारु नयाँ नियम

² हम मैसे जो फिर दु:खमे होए, तओ एक-दुस्रेके मदत करन चाहो, और अइसियए हम ख्रीष्टको नियम कानुनके पालन करत हएं।

परमेस्वर को सच्चो वचन

² तुम एक दुसरे को बोझ उठाबौ, और ऐसे करकै मसीह के नियम कै पूरो करौ।

गलातियों 6:2 Խաչաձեւ Հղումներ

मत्ती 8:17

यशैया अगमबक्तनको बोलो अगमबाणी पुरा होनके रहए, जहेमारे अइसो भओ रहए। “येशू अपनए हमर दुर्बलता लइ, और हमर रोग उठाए लैगओ।”

लूका 11:46

येशू कही, “हे नियम कानुन सिखान बारे पुजारी, परमेश्वर तुमके दण्ड देहए! काहेकी बोक नाए मिलन बारो बोझ तुम बक उपर लाददेत हओ, पर तुम अपनए एक उँगरीसे फिर बो बोझ नाए छुत हओ।

यूहन्ना 13:34

“अब मए तुमके एक नयाँ आज्ञा देत हओं: तुम एकदुस्रेके अपनए कता प्रेम करओ। जैसी मए तुमके प्रेम करत हओं, उइसियए तुम फिर एकदुस्रेसे उइसी प्रेम करओ।

यूहन्ना 15:12

“मिर आज्ञा जहे हए, कि जैसी मए तुमके प्रेम करो हओं, तुम फिर एकदुस्रेसे उइसी प्रेम करओ।

रोमियों 15:1

सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

रोमियों 8:2

काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

1 कोरिन्थी 9:21

उइसीयए, जब गैर-यहूदीनके सँग काम करत हओं, तओ मए एक गैर-यहूदी कता रहात हओं। ताकी उनके जीत पामओं। लेकिन मोके पता हए, कि मए परमेश्वरको नियम कानुनके बिना रहे करत रहओं। काहेकी मए ख्रीष्टको नियम कानुनके पालन करत हओं।

गलातियों 6:5

काहेकी हम मैसे सब जनै अपनो ब्यबहारको जिम्मेदार अपनए हएं।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

याकूब 1:25

पर बो आदमी जो परमेश्वरको सिद्ध मोशाको नियम कानुनके ध्यानसे पढत हए। जो मोशाको नियम कानुन आदमीनके पापसे स्वतन्त्र करबात हए। और जो बो सुनी हए, बोके बो नाए भुलत हए। पर उइसी करत हए, जैसे मोशाको नियम कानुन बोके सिखात हए। जहे कारणसे परमेश्वर बोको सब काममे बोके आशिष देहए।

याकूब 2:12

बे आदमी हानी बोलओ और ब्यबहार करओ, जौनको न्याय नियम कानुनके अनुसार होबैगो, जो हमके स्वतन्त्र करत हए।

याकूब 2:8

अगर तुम नेहात्तओ “अपनो परोसीसे अपनए कता प्रेम करियओ,” करके लिखो भओ पबित्र-शास्त्रको सबसे महत्वपूर्ण नियम कानुनके पालन करत हओ कहेसे तुम ठिक काम करत हओ।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

2 पतरस 2:21

मिर कहाइको अर्थ जा हए, ख्रीष्टके कभी स्वीकार नाए करोभओ आदमीसे जद्धा, ख्रीष्टके त्यागन बारे आदमीनके परमेश्वर कडा दण्ड देबैगो। अगर बे, धर्मी जीबन बितानको डगरको अर्थ का हए कहिके कभी पता नाए पैते तओ बहे ठिक रहए। अब बिनके पता हए, कि का चीज ठिक हए, पर बे चुनेभए चेलनके द्वारा सिखाओ गओ परमेश्वरको आज्ञनके इन्कार करी हएं।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

1 यूहन्ना 4:21

और येशू प्रभुसे हमएं, जा आज्ञा मिलो हए, कि जोकोइ परमेश्वरसे प्रेम करत हए, बो अपने सँगी बिश्वासीसे फिर प्रेम करए।