गलातियों 5:13 - राना थारु नयाँ नियम

¹³ हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

परमेस्वर को सच्चो वचन

¹³ तुमरे ताहीं, मेरे भईय्यौ और बहेनियौ, आजाद होन के ताहीं बुलाए गै हौ। लेकिन ऐसो ना होबै कि जौ आजादी सरीर के कामन ताहीं मौका बनै, बल्किन प्यार से एक दुसरे के गुलाम बनौ।

गलातियों 5:13 Խաչաձեւ Հղումներ

लूका 4:18

“परमप्रभुको आत्मा मिर उपर हए, काहेकी गरीबके अच्छो समाचार परचार करनके ताहीं बा मोके अभिषेक करीहए, कैदीनके छुटकाराको घोषणा करन, और अन्धरन्के दृष्टिदेन, कुच्ले भएनके स्वतन्त्र करान ताहीं,

प्रेरित 20:35

मए सबए बातमे नमुना दओ हओं, तुम फिर अइसियए करके मेहेनत करके कमजोरके मदत करीयओ। प्रभु येशूको बचन याद करीयओ, कैसे करके बा अपनए कही हए, कि लेनसे देनो औ धन्य हए।”

1 कोरिन्थी 8:9

पर होसियार होबओ, अइसो नाए होए, कि तुमर जा स्वतन्त्रता कहुँ कमजोर बिश्वास बारेनके ताहीं बिश्वासके छोडनको कारण नाए बनए।

1 कोरिन्थी 9:19

जाको मतलब जा हए, कि मए आदमीनको आज्ञापालन करनके ताहीं मजबुर नाए हओं। सिर्फ जहेमारे, कि बे मोके तलप देत हएं। तहुँफिर मए हर कोइको नोकर बनिगओ हओं ताकी मए जद्धासे-जद्धा आदमीनके ख्रीष्टमे बिश्वास करनके ताहीं लाओं।

2 कोरिन्थी 12:15

मए तुमर आत्माके ताहीं अपनएके और मेरे सँग भए सब चीज देनके ताहीं खुसी होमंगो, ताकी तुम परमेश्वरको अनुसरण कर्पाबओ। मए तुमके बहुत प्रेम करत हओं। पर अइसो लागत हए, कि तुम मोके थोरी प्रेम करत हओ।

2 कोरिन्थी 2:8

जहेमारे मए तुमसे बिन्ती करत हओं, कि तुम बोके अभौफिर प्रेम करत हओ कहिके पक्का करओ।

2 कोरिन्थी 3:17

अब प्रभु आत्मा हए, और जाहाँ प्रभुको आत्मा हए, हुवाँ नियम कानुनसे स्वतन्त्र होत हए।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

गलातियों 4:22

पबित्र-शास्त्रमे जा लिखो हए, कि अब्राहामके दुई लौंणा रहएं; बोको एक बच्चाको जनम हागारसे भओ रहए, जो एक टाहलुनिया रहए। और दुस्रो बच्चाको जनम सारासे भओ रहए, जो टाहलुनिया नाए रहए।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

गलातियों 5:14

काहेकी सब नियम कानुनको निष्कर्ष एक बचनमे पुरो भओ हए, “तए अपनो परोसीसे अपनए कता प्रेम करिए।”

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

गलातियों 6:2

हम मैसे जो फिर दु:खमे होए, तओ एक-दुस्रेके मदत करन चाहो, और अइसियए हम ख्रीष्टको नियम कानुनके पालन करत हएं।

इफिसियों 5:21

हम ख्रीष्ट प्रती को भक्ति करेके कारण एक-दुस्रेके अधीनमे बैठओ।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 पतरस 2:16

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

2 पतरस 2:19

झुठे गुरु आदमीनसे कहात हएं, कि बे अपना चाहन बारो जो कोइ फिर काम करन स्वतन्त्र हएं। एक हिसाबसे बे अपनए फिर नोकर कता हएं, काहेकी बे अपनुवए पापी स्वभाबसे बिनके पापको काम करन मजबुर करत हएं। काहेकी जौन बात कोइ आदमीके जितत हए बहे बात बोके नोकर बनातहए।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।