गलातियों 1:13 - राना थारु नयाँ नियम

¹³ तुम सुनडारे हओ, कि मए यहूदी धार्मिक नियमके अनुसार जीइत रहओं; और मए परमेश्वरको मण्डलीके बिश्वासीनके बहुत सताओ और बोके नाश करनके कोसिस करत रहओं।

परमेस्वर को सच्चो वचन

¹³ यहूदि मत मैं जो अग्गु मेरो चाल-चलन रहै, तुम बाके बारे मैं सुन चुके हौ। मैं परमेस्वर की कलीसिया कै भौत सतात और उजाड़त रहौं।

गलातियों 1:13 Խաչաձեւ Հղումներ

प्रेरित 8:1

शाऊल स्तिफनसको हत्यामे पुरो रुपसे सहमत रहए। बहे दिनसे यरूशलेम सहरमे भए मण्डलीके बिरुद्धमे बहुत भारी सतावट सुरु भओ, और येशूसे चुनेभए चेला बाहेक बे सब यहूदिया परदेश और सामरियाके परदेश घेन छिदर-बिदर हुइगए।

प्रेरित 8:3

तओ शाऊल घर-घरमे घुसके मण्डलीके सतान लागो रहए। बो बिश्वासी लोग और बैयरनके घिसियात लैजाएके जेलमे डारत रहए।

प्रेरित 9:21

तओ सुनन बारे सब अचम्मो मनके कहीं, “का जा बहे आदमी नाए हए जो यरूशलेम सहरमे उनके मारत रहए जो ख्रीष्ट येशूमे बिश्वास करत रहएं? और का हिना फिर जा जहेमारे नाए आओ रहए, कि उनके बाँधके मुखिया यहूदी पुजारीके ठिन लैजाए?”

प्रेरित 9:26

यरूशलेम सहरमे पुगके शाऊल चेलनके सँग मिल्जानके उपाय करी पर चेला बोसे डरात रहएं, काहेकी बो नेहात्तओ प्रभुको चेला हए कहिके बे बिश्वास नाए करपाइं।

1 कोरिन्थी 10:32

मए सबके खुसी करनके कोसिस करत हओं, मए एकको भलाइके बारेमे नाए सोँच रहो हओं, बल्कि सबको भलाइके बारेमे सोँच रहो हओं, ताकी उनके बचाओ जाए सकए। उइसीयए तुम फिर अइसियए रहाबओ, ताकी यहूदी या ग्रीक भाषा मस्कन बारे या परमेश्वरके मण्डलीके ताहीं कोइ मुस्किल नाए होबए।

1 कोरिन्थी 15:9

काहेकी मए चुनेभए चेला मैसे सबसे कम महत्त्वपूर्ण हओं, और चुनो भओ चेला कहानको फिर लायक नाए हओं, काहेकी मए परमेश्वरको मण्डलीमे बिश्वासीनके सतात रहओं।

फिलिप्पी 3:6

उत्सहाके बारेमे अगर कहाओं तओ, मण्डलीके सतान बारो, और यहूदी नियम कानुनके पालन करनमे मए एक धर्मी आदमी रहओं, काहेकी मए बे सबके पालन करो।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

1 तिमोथी 1:14

हमर प्रभु लगातार मिर उपर बहुत जद्धा अनुग्रह, बिश्वास और प्रेम दइ, काहेकी मए ख्रीष्ट येशूके सँग एकजुटमे रहओं।