इफिसियों 4:2 - राना थारु नयाँ नियम

² सदा दिन नम्र, सुधो और धिरज करके एकदुस्रेकी गल्तीन्के स्वीकार करके प्रेम दिखाओ।

परमेस्वर को सच्चो वचन

² हमेसा विनम्र, कोमल और धीर धरन बारे बनौ। एक दुसरे के संग सब कुछ सहत भै अपने प्रेम कै जताबौ।

इफिसियों 4:2 Խաչաձեւ Հղումներ

मत्ती 11:29

मिर जुवा अपने उपर लेओ, और मिर पिच्छु आओ और मोसे सिखओ; काहेकी मए बिनम्र और कोमल ह्रदयको हओं: और तुम अपन प्राणमे बिश्राम पाबैगे।

मर्कूस 9:19

तओ येशू बिनके जबाफ दइ, “ए अबिश्वासी आदमी! मए कहाँ तक तुमर सँग रएहओं? कहाँ तक मए तुमके सहामओं? बो लौंणाके मिर ठिन लियाबओ।”

प्रेरित 20:19

पुरा नम्रतामे आँसु बहात, यहूदीको षड्यन्त्रको परीक्षामे फिर मए प्रभुको सेवा करो।

रोमियों 15:1

सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

1 कोरिन्थी 13:7

प्रेम करन बारे कभी हार नाए मन्त हएं, सब बातको आसरा करत हएं, बे हमएं परमेश्वरमे अपनो बिश्वास बनाए रहानमे सक्षम बनात हएं, कठिनाइ और पीडासे होतए धैर्यसे स्थिर रहात हएं।

गलातियों 6:2

हम मैसे जो फिर दु:खमे होए, तओ एक-दुस्रेके मदत करन चाहो, और अइसियए हम ख्रीष्टको नियम कानुनके पालन करत हएं।

इफिसियों 1:4

संसारको सृष्टिसे पहिलीयए, ख्रीष्टके सँग हमर एकताके कारण परमेश्वर हमके अपने होनके ताहीं पहिलीएसे चुनलै हए। ताकी हम बाके अग्गु पबित्र और बिना दोषके हुइपामएं।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

1 तिमोथी 6:11

पर हे तिमोथी, तए परमेश्वरको सेवा करन बारो आदमी हए, तोके जे सब चिजनके करनसे बचनके हए; पर तए परमेश्वरके अग्गु ठिक ठहिरन बाली बातमे, भक्तिमे, बिश्वासमे, प्रेममे, धिरजमे, नम्र होन बारो बातमे अपनो मन लगा।

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

याकूब 1:21

जहेमारे सब खराब बात और सब दुष्टसे दुर होबओ। नम्र हुइके तुमर मनमे धरो भओ परमेश्वरको बचनके अपनो बनाओ, काहेकी तुमर प्राणके जहे बचन बचाबैगो।

1 पतरस 3:15

बरु तुम ख्रीष्टके अपनो जीबनको प्रभुके रुपमे आराधना करओ। और हम सबए बिश्वासी साझेदार होन आसराके बारेमे कोइ पुछीं कहेसे, बोके व्याख्या करनके रोजए तयार रहाओ।

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।