इफिसियों 1:21 - राना थारु नयाँ नियम

²¹ बो ठाउँमे सब मेलके शासन, अधिकार, शक्ति और राज्य उपर, और जा युगको इकल्लो नाए पर आन बारे युगके फिर जित्ने नाउँ हएं, बे सबके उपर अधिकार करनके ताहीं ख्रीष्टके धरी।

परमेस्वर को सच्चो वचन

²¹ हुँआँ मसीह सब स्वर्गिय सासक, अधिकारी, सामर्थ्य और सेठन के ऊपर राज करथै; बाको ऐसो नाओं है बाके पास जौ युग मैं और आनबारी युग मैं अधिकार के सबै खिताब से स्रेस्ठ एक उपाधि है।

इफिसियों 1:21 Խաչաձեւ Հղումներ

मत्ती 12:32

कोइ आदमीको लौंणाके बिरुद्धमे कुछ कही कहेसे बो क्षमा हुइजएहए, पर कोइ पबित्र आत्माके बिरुद्धमे बोलैगो कहेसे बो जा युगमे और आन बारो युगमे फिर क्षमा नाए हुइहए।”

प्रेरित 4:12

और येशू बाहेक औ कोइमे मुक्ति नाए हए, काहेकी येशूको नाउँ बाहेक बादर तरे औ कोइ नाउँ नाए दइ हए, जौनके द्वारा हम मुक्ति पान सकएं।”

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

कलस्सी 2:10

और ख्रीष्ट सब शक्ति और अधिकारमे सबसे बडो हए। तहिमारे अगर तुम ख्रीष्टमे हओ, कहेसे तुमके कोइ फिर चीजको कमी नाए हुइहए।

कलस्सी 2:15

ख्रीष्ट येशू प्रधानतनके और सब अधिकारके शक्तिनके हराए दइ हए। और क्रूसमे मरके बा, जा प्रधानतनके और अधिकारके शक्तिनके सबके अग्गु लाज करबाए दइ, और बा इनसे जितिगओ।

हिब्रू 1:4

तभीमारे परमेश्वर अपन लौंणाके स्वर्गदूतनसे फिर बडो नाउँ दइ, जोसे हम जान सकत हएं, कि परमेश्वरको लौंणा स्वर्गदूतनसे औ जद्धा बडो हए।

हिब्रू 2:5

जोको हम बात कररहे हएं, बो नयाँ संसारके परमेश्वर स्वर्गदूतनके अधीनमे नाए धरी, पर प्रभु येशूको अधीनमे धर दइ।

हिब्रू 4:14

स्वर्गमे जान बारो परमेश्वरको लौंणा येशू हए। बा हमर सबको सबसे भारी प्रधान यहूदी पुजारी हए। तभीमारे सब आदमीनके अग्गु ग्रहण करोभओ बिश्वासके थामके मजबुत होबओ।

1 पतरस 3:22

और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।