कलस्सी 2:4 - राना थारु नयाँ नियम

⁴ जा मए जहेमारे कहात हओं, कि कोइ आदमी तुमके अपनो झुठो शिक्षामे नाए फसाए पाबए।

परमेस्वर को सच्चो वचन

⁴ जौ मैं जहे ताहीं कहथौं कि कोई इंसान तुमकै लुभान बारी बातन से धोका नाय देबै।

कलस्सी 2:4 Խաչաձեւ Հղումներ

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 24:4

तओ येशू बिनके जबाफ दइ, “होसियार रहियओ, कोइ तुमके बहकाए नाए पाबए।

मर्कूस 13:22

काहेकी झुठे ख्रीष्ट और झुठे अगमबक्ता अएहएं, चिन्हा और चमत्कारको काम दिखए हएं और हुइ सकत हए, कि जौनके परमेश्वर चुनी हए बेहीं आदमीनके धोखा देनके ताहीं अएहएं।

प्रेरित 20:30

हियाँतककी तुमर अपने बिश्वासी समुह मैसे भणकान बारी बात मस्कन बारे आदमी आमंगे। और बे चेलनके अपने पिच्छु लैजामंगे।

1 कोरिन्थी 2:4

मिर शिक्षा और मिर परचार आदमीनको ज्ञानको चलाँख बोलीसे नाए रहए; पर पबित्र आत्मा तुमके एक सामर्थ्य तरिकासे दिखाइ, कि जो सन्देश मए तुमके बताओ बो सच्चो रहए।

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

इफिसियों 4:17

जहेमारे बो अधिकारके साथ जो प्रभु मोके दइ हए, मए तुमके जा बतात हओं, कि जैसे अबिश्वासी आदमी अपन मनको बेकारको रितिमे चल्त हएं, तुम अबसे उइसो मत् जीइबओ।

इफिसियों 5:6

कोइके फिर तुमके जा सुझाब दइके धोखा देन मतदेओ कि बास्ताबमे परमेश्वर बे आदमीनके दण्ड नाए देइगो जो अइसो पाप करत हएं।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

कलस्सी 2:8

ध्यान देओ, कि बेकम्मा और झुठी बातसे कोइ तुमके नाए फसाए पाबए, जौन ख्रीष्टके अनुसार नाए हुइके आदमीनको परम्परा और संसारकी शिक्षामे अधारित रहात हएं, और जौनके कारण हम आदमीनको दौवा भओ, जो शिक्षाके पिच्छु चलन नाए चाँहत हएं, बो कारण जहेहए।

2 तिमोथी 2:16

पर अधर्मी और फाल्तु बात करनसे बचो रहो; काहेकी व्यर्थ बातके मत् सुन, जो परमेश्वरसे कोइ सम्मान नाए देतहए। अइसे मेलके बात आदमीनके परमेश्वरसे और जद्धा दुर जानको कारण बानत हए।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

1 यूहन्ना 2:18

हे बलकाओ, ख्रीष्टके लौटके आनके ताहीं जा अन्तिम समय हए। और जैसे तुम सुने हओ, कि ख्रीष्टके बिरोधी आन बारे हएं, बाके अनुसार अभौफिर बहुतसे ख्रीष्टके बिरोधी आइगए हएं; जासे हम जानत हएं, कि जा अन्तिम समय हए।

1 यूहन्ना 2:26

मए तुमके बे आदमीनके बारेमे चेतावनी दइ रहो हओं। जो झुठी शिक्षाके द्वारा तुमके धोखा देनके कोसिस करनडटे हएं।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

प्रकाश 20:8

और बो जाति-जातिके आदमीनके धोखा देनके ताहीं बाहिर आबैगो जो सबए संसारमे फैलेहएं। जे देशनके गोग और मागोग कहोजात हए। शैतान बे सबके एक ठाउँमे इकट्ठा करैगो जहाँ बे लणंगे। हुवाँ समुन्दरको रेता कता इतनो जद्धा होमंगे, कि कोइ फिर बिनके गिन नाए पामंगे।