कलस्सी 1:18 - राना थारु नयाँ नियम

¹⁸ जैसे आदमी अपन मुणसे शरीरके नियन्त्रण करत हए, उइसी ख्रीष्ट अपन मण्डलीके नियन्त्रण करत हए, बहे सुरु हए, और मरे भए मैसे जीइ उठन बारो मैसे पहिलो हए, ताकी सब बातमे बहे बडो होबए।

परमेस्वर को सच्चो वचन

¹⁸ बौ अपने सरीर को मुखिया है, मतलब कलीसिया को मूड़; बहे तौ सरीर की जिंदगी को स्रोत है। बौ पहलोठो लौड़ा है। जहे मारे बाकै मरन से उठाओ गौ रहै। ताकी बौ सबै चीजन मैं पहली जघा पाबै।

कलस्सी 1:18 Խաչաձեւ Հղումներ

मत्ती 23:8

पर कोइ तुमसे ‘महान गुरु,’ नाए कहामएं, काहेकी तुमर महाट्टर एकए हए, और तुम सब बिश्वासी भइया-बहिनियाके बराबर हओ।

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

यूहन्ना 1:1

जा पुरो संसारको सृष्टि होनसे पहिले एक जनै रहए जोके बचन कहोजात हए, और बचन परमेश्वरके सँग रहए, और बचनए परमेश्वर रहए।

यूहन्ना 1:16

पर बाको अनुग्रहको पूर्णतासे हम एक अनुग्रह उपर दुस्रो अनुग्रह पाएहएं।

प्रेरित 26:23

अगमबक्ता कहिडारी रहएं, कि ख्रीष्टके दुख भोगके मरन पणैगो, बा मरे भए मैसे जिन्दा होनमे सबसे पहिलो होबैगो और बा यहूदी और गैर-यहूदीनके परचार करैगो कि बे मुक्ति पाए सकत हएं।”

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

1 कोरिन्थी 11:3

पर मए चाँहत हओं, कि तुम एक बात जानलेओ, कि हर आदमीको अगुवा ख्रीष्ट हए, एक बैयरको अगुवा बोको लोगा हए, और ख्रीष्टको अगुवा परमेश्वर हए।

1 कोरिन्थी 12:27

जहे परकार, तुम सब मिल्के ख्रीष्टको शरीर हओ, और तुम मैसे सबए बाके हओ, बाके शरीरके अंगके समान हओ।

1 कोरिन्थी 15:25

काहेकी ख्रीष्टके राजाके रुपमे शासन करन चाहो। जबतककी परमेश्वर बाके सब शत्रुन्के बाके अधिनमे नाए करदेए।

इफिसियों 1:10

जब जा योजनाके पुरा करनको समय आबैगो, तओ परमेश्वर बादर और पृथ्वीके सबए चिजनके ख्रीष्टके अधिनमे करैगो ताकी ख्रीष्ट सबए चिजनको मालिक होबए।

इफिसियों 5:23

काहेकी लोगा बैयरकी शिर हए, जैसेकी ख्रीष्ट मण्डलीको शिर हए; और ख्रीष्ट अपनए मण्डलीको उद्धारकर्ता हए, जोकी बाको अपनी शरीर हए।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

1 यूहन्ना 1:1

हम बा आदमीके बारेमे लिखरहे हएं। जो जीबनको बचन हए, जा पुरो संसारको सृष्टि होनसे पहिले बचन रहए, जौनके हम सुने, और जौनके अपनी आँखीसे देखे, और जौनके हम ध्यानसे देखे और हातसे छुए।

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

प्रकाश 11:15

जब सातौँ स्वर्गदूत अपन तुरही फुँकी, तओ मए स्वर्गमे बडो अबाजके पुकारत सुनो: “संसारमे अब औ कोइ नाए हए, जो राज्य करए। सिरफ हमर प्रभु परमेश्वर और बाको चुनो भओ ख्रीष्ट हए। और बा हमेसा-हमेसाके ताहीं राज्य करैगो।”

प्रकाश 21:6

बा मोसे कही, “अब सब खतम हुइगओ। महीँ हओं जौन सब चिजनको सुरुवात करो, और महीँ हओं जो सब चीजके खतम करंगो, सुरु और अन्त महीँ हओं। जोकोइ फिर प्यासो हए, बोके मए बहे पानीको भकभकासे सेँतएमे पानी पिइनके देमंगो जौन कभी फिर नाश नाए होन बारो जीबन देतहए।

प्रकाश 22:13

महीँ हओं जौन सब चिजनको सुरुवात करो, और महीँ हओं जो सब चीजके खतम करंगो, पहिलो और अन्तिम, सुरु और अन्त महीँ हओं।

प्रकाश 3:14

येशू मोसे जा फिर कही, “लाउडिकिया सहरके मण्डलीके स्वर्गदूतके जा सन्देश लिख: मए बहे हओं जौनके आमेन कहोजात हए, काहेकी मए बिश्वासयोग्य हओं और मेरे द्वारा परमेश्वरके बारेमे कहीभइ सब बात सत्य हएं। जो कुछ फिर बा सृष्टि करीहए मए बे सबको स्रोत हओं। जो मए तोसे कहात हओं बोके सुन: