प्रेरित 28:23 - राना थारु नयाँ नियम

²³ तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

परमेस्वर को सच्चो वचन

²³ तौ बे पौलुस के ताहीं एक तारीक छाँटी, और बौ दिन बड़ी संख्या मैं लोग बौ जघा मैं आए जहाँ पौलुस रहेत रहै। भोर से लैकै रात तक बौ उनकै परमेस्वर के राज्य के बारे मैं अपनो संदेस समझाई, बौ मूसा के नियम और भविस्यवक्तन की किताबन से उनकै ईसु के बारे समझान की कोसिस करी।

प्रेरित 28:23 Խաչաձեւ Հղումներ

मर्कूस 4:34

बा भिडके कहानीसे इकल्लो शिक्षा देत रहए, पर अपने चेलनके बा गुप्तमे सब कहानीको अर्थ खोलदेत रहए।

लूका 16:28

काहेकी मिर पाँच भइया हएं, लाजरसके जान देओ और बो बिनके चेतावनी दइदेबए, कहुँ अइसो नाए होए, कि बिनके फिर जा कष्टके ठिहामे आनके पणए।’

लूका 24:44

और येशू बिनसे कही, “जब मए तुमर सँग रहओं, तओ मिर कहो बचन जहे रहए, कि जितनो बात मोशाको नियम कानुन, अगमबक्ता और भजनके किताबमे, मिर बारेमे लिखेहएं, बे सब बात पुरा होन जरुरी हए।”

यूहन्ना 4:34

येशू बिनसे कही, “मिर भोजन कहोक परमेश्वरकी इच्छाके पालन करनो हए, जौन मोके पठाइ हए, और मोए बाको कामके पुरा करनके हए, जौन काम बा मोके सौँपी हए।

प्रेरित 1:3

येशूके दुख उठान और मरनके बाद बहुतसे पक्को प्रमाणसे अपनएके जिन्दा हओं कहिके दिखाइ। और चालिस दिनतक बा अपनो चुनेभए चेलनके दिखाइ देत रहो, और परमेश्वरकी राज्यकी बात करतए रहो।

प्रेरित 18:28

काहेकी बो पबित्र-शास्त्रको बचनसे, येशूए ख्रीष्ट हए कहान बारी बात साबित करके यहूदी दलके नेतनके, सबके अग्गु बिरकुल बिना जबाफको बनाए दइ।

प्रेरित 18:4

पावल हरेक पबित्र दिनमे यहूदीनको यहूदी सभाघरमे जाएके यहूदी और ग्रीक देशके, येशू ख्रीष्टमे बिश्वास करनके ताहीं सम्झानके कोसिस करत रहए।

प्रेरित 19:8

तओ पावल यहूदीनको यहूदी सभाघरमे गओ और तीन महिनातक नाए डराएके आदमीनके शिक्षा दइ। बो परमेश्वरके राज्यके बारेमे उनके सँग हिम्मत करके बहस करत बिनके सम्झात रहए।

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

प्रेरित 24:14

पर जा मए तुमर अग्गु स्वीकार करत हओं, कि मए ख्रीष्टके डगरमे नेँगके मिर पुर्खाको परमेश्वरको आराधना करत हओं, जौनके यहूदी अगुवा झुठो कहातहएं। पर मए नियम कानुनमे भओ बात और अगमबक्तनको किताबमे लिखेभए सब बातमे बिश्वास करत हओं।

प्रेरित 26:6

आज मए परमेश्वरद्वारा हमरे पुर्खनके दओगओ प्रतिज्ञाको आसराको कारण हियाँ दोषीके रुपमे खडा हओं।

प्रेरित 28:31

बो बिना डर और बिना कोइ रुकावटसे परमेश्वरको राज्यको परचार करतए प्रभु येशू ख्रीष्टके बारेमे सिखातए रहो।

प्रेरित 8:35

तओ फिलिप मस्कनके सुरु करके पबित्र-शास्त्रको बहे भाग लैके येशूसे मुक्ति मिल्त हए कहिके अच्छो समाचार परचार करी और जहेमारे बो अधिकारी बुझी और येशूमे बिश्वास करी।

फिलेमोन 1:2

और हमरी बिश्वासी बहिनीया अप्फिया और हमर बिश्वासी सँगी अर्खिप्पस, जो एक योद्धाके जैसो परमेश्वरको सेवा करत हए, और बहे मण्डलीमे जो तुमर घरमे इकट्ठा होत हएं।

फिलेमोन 1:22

एक औ बात, कि मेरे ताहीं अपन घरमे एक कोठा तयार कर, काहेकी मोके आसरा हए, कि परमेश्वर तिर प्राथनाको जबाफ देबैगो, और परमेश्वर मोके जेलसे छुटाबैगो, और मए आएके तोके फिरसे देखनके पामंगो।