प्रेरित 28:20 - राना थारु नयाँ नियम

²⁰ जहे बात बुझानके और तुमर सँग भेँट करनके ताहीं मए तुमके हियाँ बुलाओ हओं। हम इस्राएल देशको आसरा, जोकी ख्रीष्ट हए, बहेके ताहीं मए अइसे साँकरसे बँधो हओं।”

परमेस्वर को सच्चो वचन

²⁰ जहेमारे मैं तुमकै देखो और तुमसे बातचीत करन के ताहीं कहो। बास्तव मैं, मैं बाके ताहीं जौ तरहन से जंजीर मैं बंधो भौ हौ, जोके ताहीं इस्राएल के लोग आसा करथैं।”

प्रेरित 28:20 Խաչաձեւ Հղումներ

प्रेरित 10:29

जहेमारे जब मए बुलाओ गओ, तओ बिना कुछ कहे हियाँपर चलो आओ। अब मए पुँछत हओ, कि मोके कौन कामके ताहीं बुलाए हओ?”

प्रेरित 10:33

तओ मए तुरन्त तेरे ठिन आदमी पठाओ। और तए जा अच्छो करो, कि हियाँ आइगओ। अब परमेश्वर तोके आज्ञा करोभओ बातके सुननके हम सबए प्रभुके अग्गु इकट्ठा भए हएं।’”

प्रेरित 21:33

तओ बो सेनापति ढिँगै आएके पावलके पकणीं और दुई साँकरसे बोके बाँधनके हुकुम दइं। जा कौन हए? और जा का करीहए? कहिके बो पुछीं।

प्रेरित 23:6

पर जा यहूदी सभाघरमे कुछ सदुकीनको समुह और कुछ फरिसीनको समुहके हएं, कहिके पता पाएके पावल जोणसे कही, “ददाभइयओ, मए फरीसी समुहको आदमी हओं और फरिसीनको समुहके सन्तान हओं। मिर मुद्दा चलरहो हए, काहेकी मए आसरा करत हओं कि परमेश्वर मेरे आदमीनके फिर जिन्दा करैगो।”

प्रेरित 24:15

मए परमेश्वरमे आसरा करत हओं, कि धर्मी और अधर्मी दुनौके, मरे भए मैसे परमेश्वर फिरसे जिइ उठात हए कहान बारी बात जे अपनए स्वीकार करत हएं।

प्रेरित 26:29

पावल जबाफ दइके कही, “चहुँ थोरी समय या बहुत समय, मए परमेश्वरसे प्राथना करत हओं, कि आज मिर बात सुनन बारे तुम सब मेरी कता ख्रीष्टियन हुइजाओ।”

प्रेरित 28:17

तीन दिन पिच्छु पावल, रोम सहरमे बैठन बारे यहूदीनको अगुवनके बुलाइ। जब बे इकट्ठा भए तओ पावल कही, “हे ददाभइयओ, मए हमर जाति और हमर पुर्खासे चल्तए आओ रितीरिबाजके बिरोधमे कुछु नाए करेसे फिर यहूदी ददाभइया मोके यरूशलेम सहरमे पकणके रोमी सरकारको जिम्मामे सौँपदइ हएं।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

इफिसियों 6:20

जाके ताहीं मए साँकरसे बँधो एक राजदूत कता सेवा कररहो हओं। प्राथना करओ, कि जैसे मोके मस्कन चाहो, उइसीयए बिना डरसे अच्छो समाचारके परचार करपामओं।

फिलिप्पी 1:13

हियाँतककी रोमको महाराजाको दरबारके सबए सिपाही और सबए आदमीनमे जा प्रकट हुइगओ हए, कि मए जेलमे हओं, काहेकी मए ख्रीष्टको एक सेवक हओं।

कलस्सी 4:18

मए पावल, तुमके नमस्कार करनके ताहीं चिट्ठीको जा हिस्साके अपने लिखावटमे लिखरहो हओं। याद करओ, कि मए जेलमे हओं, और मेरे ताहीं प्राथना करओ। परमेश्वरको अनुग्रह तुमरमे होतए रहाबए।

2 तिमोथी 1:10

पर अब हमर मुक्तिदाता ख्रीष्ट येशू आइगओ हए और हमके अपनो अनुग्रह दिखाइ हए। बा मृत्युकी शक्तिके नाश करदइ हए। और हमके दिखाइ हए, कि अच्छो समाचारके द्वारा कभी फिर नाश नाए होन बारो जीबनके ताहीं एक डगर हए और हम बो शरीरमे अनन्तकालके ताहीं जिन्दा रहमंगे जौन शरीर कभु नाए सणैगो।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

फिलेमोन 1:10

मए ओनेसिमसके ताहीं बिन्ती करत हओं, जो मेरे लौंणाके बराबर हए। जब मए जेलमे रहओं, तओ बो ख्रीष्टमे मिर लौंणा बनिगओ।

फिलेमोन 1:13

मए ओनेसिमसके मिर मदत करनके ताहीं रखान चाँहत रहओं, जबकी मए येशू ख्रीष्टके बारेमे अच्छो समाचार सुनानके कारण जेलमे हओं। बो हियाँपर मोके मदत करनके ताहीं तेरो ठिहा लए सकत रहए। काहेकी मए जानत हओं, कि तए मिर मदत करन चाँहत हए।