प्रेरित 2:38 - राना थारु नयाँ नियम

³⁸ पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

परमेस्वर को सच्चो वचन

³⁸ पतरस उनसे कही, “पछताबौ और तुम सब अपने पापन की माफी के ताहीं ईसु मसीह के नाओं से बपतिस्मा लेयौ, तौ तुम पवित्र आत्मा को दान पाबैगे।

प्रेरित 2:38 Խաչաձեւ Հղումներ

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 3:6

और अपन गलत काम स्वीकार करत यर्दन नदीयामे बिनसे बप्तिस्मा लेन लागे।

मत्ती 4:17

बहे समयसे परचार करत येशू कहानलागो, “पाप करन छोडके परमेश्वर घेन घुमओ काहेकी स्वर्गको राज्य ढिँगै आइगओ हए।”

मर्कूस 1:15

येशू कही, “परमेश्वर जौन समय तोकी रहए, बो ढिँगै आइगओ हए। पाप करन छोडके परमेश्वर घेन घुमओ, और अच्छो समाचारमे बिश्वास करओ।”

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

लूका 3:10

और आदमी बप्तिस्मा देन बारो यूहन्नासे पुछीं, “तओ हम परमेश्वरको दण्डसे बचनके ताहीं का करएं?”

प्रेरित 10:43

सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”

प्रेरित 10:48

जहेमारे जो कर्नेलियसके घरमे जमा भए रहएं सबके “येशू ख्रीष्टके नाउँमे बप्तिस्मा लेओ” करके पत्रुस आज्ञा दइ। तओ फिर बे पत्रुसके कुछ दिनतक अपने सँग बैठन बिन्ती करीं, और जहेमारे बो कुछ दिनके ताहीं रुकिगओ।

प्रेरित 13:38

जहेमारे प्यारे बिश्वासी ददाभइया, तुम जानलेओ, कि येशूके द्वारा पाप क्षमाको अच्छो समाचार तुमके दओ जात हए।

प्रेरित 16:15

और बिश्वास करके, लिडिया और बोके घराना बप्तिस्मा लैं। तओ फिर बो हमके अपने घरमे बैठन अनुरोध करके कही, “अगर तुम मोके नेहात्तओ प्रभुमे बिश्वास करीभइ बहिनीया सम्झत हओ कहेसे हमरे घरमे आएके बैठदेबओ।” अइसे बो हमके बोके घरमे जानके कर लगाइ।

प्रेरित 17:30

जहेमारे अन्जानमे होत पेती नाए जानके करोभओ कामके परमेश्वर वास्ता नाए करी। पर अब परमेश्वर सबए आदमीनके ‘पाप करन छोडके परमेश्वर घेन घुमओ’ कहिके आज्ञा दइ हए।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

प्रेरित 22:16

तए अब काहे देर करत हए? उठ और बप्तिस्मा ले, और अप्नो पापको क्षमा पानके ताहीं बाको नाउँ ले।’

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

प्रेरित 26:20

पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो।

प्रेरित 3:19

जहेमारे पाप करन छोडके परमेश्वर घेन घुमओ, ताकी तुमर पाप क्षमा करे जाएं, तओ परमेश्वरके तरफसे आत्मिक समर्थको समय आबैगो।

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

प्रेरित 8:12

जब आदमी परमेश्वरको राज्य और येशू ख्रीष्टको नाउँमे अच्छो समाचारमे फिलिपको सन्देशको परचार सुनके बिश्वास करीं, तओ सबए लोग और बैयर बप्तिस्मा लैं।

प्रेरित 8:20

तओ पत्रुस कही, “तए और तेरे रुपैया नाश होएं, काहेकी तए परमेश्वरको बरदान रुपैयासे किनन्के बिचार करो।

रोमियों 6:3

हम जानत हएं, कि जब हम ख्रीष्ट येशूमे बप्तिस्मा लए तओ हम एक तरिकासे बाके सँग मरिगए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

तीतुस 3:5

परमेश्वर हमके हमर पापके दण्डसे बचाइ, और जा हमर अपनो धार्मिक कामके कारण नाए, जो हम करे रहएं, बल्कि बा हमर उपर दया दिखाइ, और बा पबित्र आत्मा दइके हमके बचाए लइ। जौन हमरे पापनके धोइ और हमके एक नयाँ जीबन और ब्यबहार करनके एक नयाँ तरिका दइ।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।