प्रेरित 13:25 - राना थारु नयाँ नियम

²⁵ और जब बप्तिस्मा देन बारो यूहन्ना अपनी सेवा पुरा करनमे रहए, तओ बो कही, ‘तुम मोके का सम्झत हओं? मए ख्रीष्ट नाए हओं! पर देखओ, मेरे पिच्छु एक आन बारो हए, बो मोसे बहुत जद्धा महान हए जो कि मए बाको पाउँको जुताको तनी खोलनको लायक फिर नाए हओं।’

परमेस्वर को सच्चो वचन

²⁵ और जब यूहन्ना अपनी सेवा पूरी करन बारो रहै, तौ बौ कही, ‘तुम मोकै का समझथौ? मैं बौ नाय हौं! जोको तुम इंतजार कर रै हौ। लेकिन सुनौ! मेरे बाद एक आनबारो है, और जोके मैं पाँव के जूतन की तनी भी खोलन के लायक ना हौं।’”

प्रेरित 13:25 Խաչաձեւ Հղումներ

मत्ती 3:11

जौन मोसे पिच्छु आबैगो, बा मोसे बहुत शक्तिशाली हए, और कमैया बनके लोहोकके बाको जुत्ताको तनि खोलनको लायकको मए नाए हओं। मए तुमके पानीसे बप्तिस्मा दओ हओं। पर बा तुमके पबित्र आत्मासे बप्तिस्मा देबैगो और आगीको बप्तिस्मा देहए।

मर्कूस 1:7

बो अइसे परचार करी, “जौन मोसे पिच्छु आबैगो, बा मोसे बहुत शक्तिशाली हए। हियाँतक, कि मए बाके अग्गु जा लायकको फिर नाए हओं कि मए बाको अइसो नोकर बनपामओं, जौन जुताको तनी खोलनको काम करत हए।

यूहन्ना 1:29

दुस्रे दिन बप्तिस्मा देन बारो यूहन्ना येशूके अपन घेन आत देखी और कही, “देखओ, अपनएके बलिदान करके सारा संसारके पापसे छुटकारा देन बारो परमेश्वरको थुमा!

यूहन्ना 1:34

और मए देखो हओं, और मए तुमसे फिर सच्चो कहात हओं, कि बहे परमेश्वरको लौंणा हए।”

यूहन्ना 1:36

और बो येशूके जात देखके यूहन्ना कही, “देखओ, बहे परमेश्वरको थुमा हए!”

यूहन्ना 4:34

येशू बिनसे कही, “मिर भोजन कहोक परमेश्वरकी इच्छाके पालन करनो हए, जौन मोके पठाइ हए, और मोए बाको कामके पुरा करनके हए, जौन काम बा मोके सौँपी हए।

यूहन्ना 7:18

अपनो बातसे मस्कन बारो त अपनो प्रसंसा ढुणत हए। पर जौन अपनएके पठान बारोके प्रसंसा ढुणत हए, बो आदमी इमान्दार होतहए, और बोमे थोरी फिर बेमानी नाए होत हए।

प्रेरित 13:36

जा बात दाऊद अपनो बारेमे नाए कही रहए काहेकी परमेश्वरको इच्छामे काम करके राजा दाऊद मरिगओ और अपनो पुर्खनके सँग गणोगओ रहए। जहेमारे हम जानत हएं, कि राजा दाऊद अपने बारेमे नाए मस्कनडटो रहए।

प्रेरित 19:4

तओ पावल कही, “बप्तिस्मा देन बारो यूहन्ना पाप करन छोडके परमेश्वर घेन घुमनके ताहीं बप्तिस्मा दइ। पर बो त ‘मोसे पिच्छु आन बारोके उपर बिश्वास करओ’ कहिके इस्राएल देशके आदमीनसे कही। यूहन्नाके पिच्छु आन बारो येशूए रहए।”

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

2 तिमोथी 4:7

जैसे एक अच्छो सिपाही युद्धमे कभी फिर हार नाए मानत हए उइसीयए मए फिर ख्रीष्टके ताहीं कर्रो मेहेनत करनके कभु नाए छोडो, मए सब काम पुरा करडारो हओं जौन काम करनके ताहीं येशू ख्रीष्ट मोके दइ रहए। ख्रीष्ट उपरको मिर बिश्वास कभु फिर नाए बदलैगो।

प्रकाश 11:7

जब दुई साक्षी परमेश्वरके सन्देशके परचार करडारंगे, तओ बो राक्षस जो गहिरो कुण्डा मैसे निक्रैगो, बो बे दुई आदमीनके सँग लणैगो, उन्हएं हराए देबैगो और उन्हएं मार डारैगो।