2 तिमोथी 3:2 - राना थारु नयाँ नियम

² काहेकी आदमी सिरफ अपनएके माया करंगे, धनको लोभ करंगे, अपनएके बडे सम्झंगे, घमण्डी होमंगे, औरेन्के बदनाम करन बारो शब्द मस्कंगे, अइयादौवाको आज्ञा नाए मानंगे, धन्यबाद नाए देन बारे, अपबित्र होमंगे,

परमेस्वर को सच्चो वचन

² लोग अपनो काम बनान बारे, पैसा से भौत प्यार करन बारे, लालची, घमंडी, और डींग हाँकन बारे होंगे; बे आदर नाय करन बारे, अपने अईय्या-दऊवा को कहनो नाय मानन बारे, कृतघ्न, और अधार्मिक होंगे;

2 तिमोथी 3:2 Խաչաձեւ Հղումներ

मत्ती 15:6

अइसियए तुम अपनो परम्पराके मारे परमेश्वरको पबित्र-शास्त्रके बेकामको करेहओ।

लूका 12:15

येशू बिनसे कही, “होसियार रहाबओ, सब किसिमके लालचसे बचके काम करओ, काहेकी आदमीको जिन्दगी बोको धनसम्पतिके प्रशस्ततामे नाए रहात हए।”

लूका 16:14

फरिसीनको समुह जो धनके लोभी रहएं, जे सब बात सुनके येशूके मजाक उणाइं।

लूका 6:35

पर अपन दुस्मनके प्रेम करओ, और बिनको भलाइ करओ। फिरसे मिलैगो करके आसरा बिना ऋण देओ, तओ तुमर ताहीं बडो इनाम हुइहए, और तुम परमप्रधानके लौंणालौंणीया हुइहओ। काहेकी परमेश्वर गुन नाए मानन बारे और दुष्ट आदमीनके उपर फिर कृपालु हए।

प्रेरित 5:36

काहेकी आजके दिनसे पहिले थूदास फिर मए बडो आदमी हओं करके दाबी करी, और लगभग: चार सओ आदमी बोके पिच्छु लागे। पर बो मरिगओ; और बोके पिच्छु लागन बारे सब तितरबितर भए और सब मरिगए।

रोमियों 11:18

बे कटेभए हँगनके बारेमे घमण्ड मत् करओ। और अगर तुम घमण्ड करैगे तओ जानलेओ, कि तुम जरके नाए बल्कि जर तुमके थामेहए।

2 कोरिन्थी 5:15

ख्रीष्ट सबएके ताहीं मरो, ताकी जीइन बारे आदमी अब उइसो अपनएके खुस बनानके ताहीं इकल्लो नाए जिमएं, पर बे ख्रीष्टके ताहीं जिइमएं। ख्रीष्ट उनके ताहीं मरो और परमेश्वर बाके फिरसे जिन्दा करके पठाइ।

फिलिप्पी 2:21

काहेकी सब अपने स्वार्थके खोजीमे रहात हएं, बे येशू ख्रीष्टसे जुडे भए बातके बारेमे चिन्ता नाए करत हएं।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

2 थेसलोनिकी 2:4

बो दुष्ट आदमी परमेश्वरको बिरोध करैगो और दुस्रे सब चीजके जौनके आदमी आराधना करत हएं, और परमेश्वरके रुपमे बुलात हएं। और बो अपनएके जे सबसे बडो मानैगो। हियाँतककी दुष्ट आदमी परमेश्वरको मन्दिरमे बैठैगो। और बो, आदमीके ठिन अपनएके परमेश्वर हओं कहिके कएहए।

1 तिमोथी 1:20

उन्हीं मैसे हुमेनियस और अलेक्जेन्डर हएं, जौनके मए मण्डली मैसे बाहिर करदओ हओं। और उनके शैतानके शक्तिके हातमे सौँप दओ हओं। ताकी बे सिखएं कि परमेश्वरके बारेमे बदनाम नाए करन पणत हए।

1 तिमोथी 1:9

हम जा फिर जानत हएं, कि मोशाको नियम कानुन धर्मी आदमीनके ताहीं नाए बल्कि बे आदमी जो परमेश्वरको नियम कानुनके अनदेखी करत हएं, और जाको आज्ञापालन नाए करत हएं। और बे आदमी, जो परमेश्वरके आराधना नाए करत हएं, और जो पापी हएं। और बे आदमी, जो अशुद्ध हएं और अपबित्र हएं बे परमेश्वरको आदर नाए करत हएं। और बे आदमी, जो अपने अइयादौवाको और आदमीनको हत्या करत हएं,

1 तिमोथी 3:3

बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

1 तिमोथी 6:10

काहेकी धनको प्रेम सब किसिमको खराबीको जर हए, कुछ आदमी धीरे-धीरे ख्रीष्ट येशूको शिक्षामे बिश्वास करन छोड दइ हएं। काहेकी बे धनके बहुत चाँहत रहएं। और अब अपनए-अपनएके कोइ एक हथियार लैके अँदाओ कता बे बहुत मेलके दुखमे पणे हएं।

1 तिमोथी 6:4

तओ बो बहुत घमण्डी हए और बो कुछ फिर नाए बुझत हए। बल्कि बे शब्दके अर्थके बारेमे दुस्रे-दुस्रे आदमीनके सँग बिबाद और लडाइ करन चाँहत हएं। और जे बातसे गुस्सा, लडाइ और बदनामकी बात और खराब शंखा पैदा होत हएं।

2 तिमोथी 3:4

औरेन्के धोखा देन बारे, मनपरी करतए घमण्डसे फुलन बारे, अभिमानी और परमेश्वरको आराधना करन बारे नाए बल्कि मोज-मजाके प्रेम करन बारे होमंगे।

याकूब 2:8

अगर तुम नेहात्तओ “अपनो परोसीसे अपनए कता प्रेम करियओ,” करके लिखो भओ पबित्र-शास्त्रको सबसे महत्वपूर्ण नियम कानुनके पालन करत हओ कहेसे तुम ठिक काम करत हओ।

याकूब 4:16

पर अब तुम अपनो घमण्डी योजनाके बारेमे घमण्ड करत हओ। अइसे घमण्ड करनो अच्छो नाएहए।

याकूब 4:6

पर बा हमके अइसो खराब लालचके बिरुद्ध उठनके ताहीं औ फिर जद्धा अनुग्रह देतहए। जहेमारे पबित्र-शास्त्रमे लिखो हए, “परमेश्वर घमण्डीनको बिरोध करत हए, पर नम्र आदमीनके अनुग्रह करत हए।”

1 पतरस 5:5

उइसीयए जवान आदमीउ, बुढेनके अधीनमे बैठओ। तुमके सब नम्रतासे एकदुस्रेनके मदत करन पणत हए। काहेकी पबित्र-शास्त्रमे लिखो हए, “परमेश्वर घमण्डीनके बिरोध करत हए, पर नम्र आदमीनके बा अनुग्रह करत हए।”

2 पतरस 2:10

बा पक्कए बे झुठे गुरुनके दण्ड देबैगो, जौन अपनो दुष्ट, लाज लगन बारो इच्छा अनुसार करत हएं और बिनके उपर परमेश्वरको अधिकार भओ इन्कार करत हएं। बे हठी और अहंकारी होत हएं। बे स्वर्गमे भए महिमित प्राणीनके बारेमे अपमान करनके डरात नाए हएं।

2 पतरस 2:12

पर जे झुठे गुरु जंगली जानबर कता हएं। जे जानबर कैसे सोँचत हए करके नाए जानत हएं, और बे केबल पकणके मारन उदेश्यसे इकल्लो बने होत हएं। जे आदमी, जो बिनको दिमाकमे आत हए बहे करत हएं, और बे नाए बुझीभइ बातको फिर अपमान करत हएं। बे नेहात्तओ नष्ट होमंगे।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।

प्रकाश 13:1

मए एक राक्षसके समुन्दर मैसे निक्रत देखो, जौनके सात मुण और दश सिंग रहएं। और बक हर सिंगमे एक मुकुट रहए और बक हर मुणमे परमेश्वरके बिरुद्धमे बदनामको नाउँ रहएं।

प्रकाश 16:11

बिनको दुख और घाओ-खटिराके कारणसे बे स्वर्गको परमेश्वरके बदनाम करीं। पर उनको अवस्था अइसो होएसे फिर बे पाप करन छोडके परमेश्वर घेन नाए घुमीं। और बे जो गलत काम करत रहएं, बे कामके करन नाए छोडीं।

प्रकाश 16:21

मेँहेमे बादरसे आन बारे बणे-बणे पत्थर आदमीनके उपर गिरे, सबए पत्थरको बजन लगभग पचास-पचास किलोके रहएं। जहे कारण बे परमेश्वरको अपमान करीं, काहेकी बिनके परमेश्वरको पठाओ भओ बिपत्तिसे बहुत दुख सहान पणो।

प्रकाश 16:9

आदमी जा तेज गर्मिसे जरिगए, और बे परमेश्वरके बदनाम करीं, काहेकी बाके इकल्लो बो बिपत्तीके उपर अधिकार दओगओ रहए। तहुँफिर बे पाप करन छोडके परमेश्वर घेन नाए घुमीं, और अभौफिर बे परमेश्वरके महिमा देन इन्कार करीं।