2 तिमोथी 3:12 - राना थारु नयाँ नियम

¹² तए अच्छेसे जान्त हए, कि आदमी बे सब जनैके सतामंगे जो ख्रीष्ट येशूके अनुयायीके रुपमे जीबन जीइन चाँहत हएं।

परमेस्वर को सच्चो वचन

¹² सबै जनी जो ईसु मसीह के संग एक भक्ति मैं जीवन जीनो चाहथैं, बाकै सताओ जागो;

2 तिमोथी 3:12 Խաչաձեւ Հղումներ

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

मत्ती 23:34

जहेमारे देखओ, मए तुमर ठिन अगमबक्ता, और बुद्धिमान आदमी और मोशाको नियम कानुन सिखान बारेनके पठामंगो; और तुम बिन मैसे कित्तोनके मार डारैगे और तुम कित्तोनके क्रूसमे टाँगैगे; और कित्तोनके अपनो यहूदी सभाघरमे पैना मरैगे, और एक गाउँसे दुस्रे गाउँमे रब्टाबैगे।

यूहन्ना 16:2

बे तुमके यहूदी सभाघरसे निकार देहएं। पर अइसो समय फिर आबैगो, कि जो कोइ तुमके मार डारैगो बो जा सम्झैगो, कि मए परमेश्वरको सेवा करत हओं।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

यूहन्ना 17:14

मए तुमर सन्देश उनके पुगाएदओ हओं, और संसारके आदमी सन्देशके हेल्हा करीं, काहेकी जैसे मए संसारसे सम्बन्धित नाए हओं, उइसीयए बे फिर संसारसे सम्बन्धित नाए हएं।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

1 कोरिन्थी 15:19

अगर ख्रीष्टमे हमर आसरा सिर्फ जहे जीबनके ताहीं हए, तओ हमर उपर संसारमे कोइ औको तुलनामे सबसे जद्धा दया दिखाओ जान चाहो।

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

2 कोरिन्थी 4:9

सताओ त जात हएं, पर त्यागे नाए जात हएं। प्रहार करके ढल त जात हएं, तहुँफिर नष्ट नाए होत हएं।

1 तिमोथी 2:2

राजनके ताहीं और बे सब आदमीनके ताहीं प्राथना करओ जो सरकारी अधिकारमे हएं, ताकी बे हमके शान्ति और सुरक्षासे रहानमे मदत करएं, ताकी हम परमेश्वरके आराधना करपामएं और दुस्रेनसे हमेसा ठिक ब्यबहार करएं।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 तिमोथी 6:3

अगर कोइ झुठी शिक्षाको उपदेश देतहए, और बहे साच्ची शिक्षामे सहमत नाए होत हएं, जो शिक्षा हमरे प्रभु येशू ख्रीष्ट दइ रहए। और बहे आदेश नाए मानत हएं जो आदेशसे प्रभु येशूको आदर होत कहेसे,

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

1 पतरस 3:14

पर अगर तुम अच्छो काम करोके कारणसे कोइ दुख उठान पणो हए कहेसे, परमेश्वर तुमके आशिष देबैगो। अगमबक्ता, यशैयासे लिखो भओ कता करओ: “तुमके धमकी देन बारे आदमीनसे मतडराओ और आदमी का करंगे कहिके बातमे चिन्ता मत् करओ।”

2 पतरस 3:11

जबकी परमेश्वर नेहात्तओ जे सब चिजनके नाश करदेबैगो, जैसेकी मए अभौफिर कहो हओं, जहेमारे तुमके नेहात्तओ ईश्वरीय तरिकासे ब्यबहार करन चाहो।

प्रकाश 12:4

और बक पुँछ बादर तरेको तिस्रो भागके तानके पृथ्वीमे डारदइ, और बो अजिंगर बैयरके अग्गु ठाणीगओ, ताकी बक बच्चाके जन्मतए खीना खाए जाए।

प्रकाश 7:14

और मए बोसे कहो, “हे स्वामी, मए नाए जानत हओं पर तए जानत हए।” बो मोसे कही, “जे सेते लत्ता पैँधेभए आदमी बेहिं हएं, जौनको मृत्यु कष्टको भयानक समयमे भओ रहए। जे बे आदमी हएं, जौन थुमाके खुनसे अपनएके सफा बनाए लइ हएं।”