2 तिमोथी 2:5 - राना थारु नयाँ नियम

⁵ अइसियए जब एक आदमी दुस्रेके बिरुद्ध दौडमे भाग लेतहए, तओ अगर बो दौडको नियमके पालन नाए करत हए, तओ कोइ फिर बोके इनाम नाए देबैगो।

परमेस्वर को सच्चो वचन

⁵ एक दौड़ को खिलाड़ी दौड़ मैं हिस्सा लेथै, जबले कि बौ नियमन को पालन नाय करै, इनाम नाय पाय सकथै।

2 तिमोथी 2:5 Խաչաձեւ Հղումներ

लूका 13:24

“परमेश्वरके राज्यमे तागतसे भितर घुसन मुस्किल हए, काहेकी मए तुमसे कहात हओं, कि बहुतसे आदमी भितर घुसन कोसिस करंगे, पर भितर घुस नाए पएहएं।

फिलिप्पी 1:15

कुछ आदमी त डाह और दुस्रेके सँग लडाइ करके ख्रीष्टके बारेमे अच्छो समाचारके परचार करत रहएं। और कोइ आदमी ख्रीष्टके बारेमे अच्छो समाचारको परचार करनके अच्छो मनसे मेरी मदत करत रहएं।

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

हिब्रू 12:4

तुमके पापके तागतनके बिरुद्धमे लडत पेती अपनो खुन बहाएदेनतक त नाए लडन पणो हए।

हिब्रू 2:7

तुम कुछ समयके ताहीं आदमीके स्वर्गदूतसे हम महत्वपूर्ण बनाए। तुम बोके राजा कता महिमा और आदरको मुकुट पैँधाए दए।

हिब्रू 2:9

पर सच्चाई जा हए, कि कुछ समयके ताहीं, येशू स्वर्गदूतसे कुछ छोटो करोगओ। परमेश्वरको अनुग्रहसे येशू संसारके सब आदमीनके ताहीं कष्ट भोगी और मरो। जहेमारे परमेश्वर येशूके महिमा और आदर दइ।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

1 पतरस 5:4

जब येशू ख्रीष्ट लौटके आबैगो, जो हमर प्रमुक बक्रेहेरा हए, तओ तुमके एक सुन्दर मुकुट देबैगो, जौनको चमक कभी फिर कम नाए होबैगो।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

प्रकाश 4:4

बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।