2 तिमोथी 2:3 - राना थारु नयाँ नियम

³ जैसे एक सिपाही धिरज हुइके युद्धको मैदानमे कठिनाइसे सहे करत हए, उइसी तोके फिर कठिनाइसे सहान पणैगो, जैसे हम ख्रीष्ट येशूके ताहीं दुख सहात हएं।

परमेस्वर को सच्चो वचन

³ ईसु मसीह के एक बफादार सैनिक के रूप मैं, दुख को अपनो हिस्सा लै लियौ।

2 तिमोथी 2:3 Խաչաձեւ Հղումներ

प्रेरित 23:31

बहे रात सिपाही, रोमको सेनापतिको दओगओ आदेशके पालन करीं। बे पावलके यरूशलेम सहरसे लैगए और बोके एन्टिपाट्रिस सहरमे लियाइं।

1 कोरिन्थी 13:7

प्रेम करन बारे कभी हार नाए मन्त हएं, सब बातको आसरा करत हएं, बे हमएं परमेश्वरमे अपनो बिश्वास बनाए रहानमे सक्षम बनात हएं, कठिनाइ और पीडासे होतए धैर्यसे स्थिर रहात हएं।

1 कोरिन्थी 9:7

कोइ फिर सैनिक जो सेनामे काम करत हए अपनो तलफसे अपनए नाए तिरत हए। कोइ कभी फिर अंगुर खाए बिना एक अंगुरको बारी नाए लगात हए। कोइ फिर आदमी दुध पिइके बिना, भेंणीनको रेखदेख नाए करत हए।

2 कोरिन्थी 1:6

अगर हम दुख पातहएं, तओ जा तुमरी सान्त्वना और उद्धारको ताहीं हए और अगर हम सान्त्वना पातहएं, तओ जा तुमरी सान्त्वनके ताहीं हए; जोको प्रभावसे तुम धिरजके साथ बे दुखके सहिलेत हओ, जौनके हम फिर सहात हएं।

1 तिमोथी 1:18

हे मिर लौंणा तिमोथी, जे बेहीं आदेश हएं जो मए तोके दएरहो हओं; मए तोके बे बातनके याद करनके ताहीं कहात हओं जो बितो भओ समयमे अगमबक्ता कही रहएं, कि जे बात तेरे सँग होमंगे। तोके झुठे गुरुके बिरुद्धमे लडनके ताहीं जे शब्दके एक हथियार हानी प्रयोग करन चाहो।

2 तिमोथी 1:1

मए, पावल जा चिट्ठीके लिखरहो हओं। परमेश्वर मोके जाकेमारे चुनी, कि मए ख्रीष्ट येशूसे चुनो भओ चेला बनओं। ताकी मए जा सन्देशके परचार करपामओं, कि परमेश्वर नाश नाए होन बारो जीबन दइके प्रतिज्ञा करीहए, जो येशू ख्रीष्टमे बिश्वास करनसे आत हए।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

2 तिमोथी 3:11

आदमी मोके सताइं, जौनको कारण मए बहुत पिर सहो, और तए अइसे भयानक चीजके बारेमे जानत हए, जो आदमी मेरे सँग पिसिदिया परदेशको एन्टिओखिया सहरमे, आइकोनियन सहरमे और लुस्त्रा सहरमे सताइं और कैसे मए हुवाँ सतावटके सहो, और बे सबसे प्रभु मोके बचाइ।

2 तिमोथी 4:5

जैसो फिर कठिनाइ आएसे फिर तोके शान्त रहान पणैगो और दुख उठान पणैगो, अच्छो समाचार परचार करनके ताहीं तोके कडी मेहेनत करन पणैगो, और जो परमेश्वर तोके दइ हए, बो कामके पुरा करन पणैगो।

फिलेमोन 1:2

और हमरी बिश्वासी बहिनीया अप्फिया और हमर बिश्वासी सँगी अर्खिप्पस, जो एक योद्धाके जैसो परमेश्वरको सेवा करत हए, और बहे मण्डलीमे जो तुमर घरमे इकट्ठा होत हएं।

हिब्रू 10:32

सुरुको दिनके सम्झओ जब तुम ख्रीष्टके बारेमे सुरुक चोटी सिखे रहओ। याद करओ, कि तुम कैसे इमान्दार रहे, जबकी डर लगन बारो दुख रहए।

हिब्रू 11:27

राजाको गुस्सासे नाए डराएके बिश्वासए द्वारा बो मिश्रदेश छोडी, काहेकी कठिनाइको सामना करनके बाबजुत फिर बो नाए लौटो। काहेकी बोके अइसो लागत रहए, कि बो अदृश्य परमेश्वरके देखी होए।

हिब्रू 6:15

अब्राहाम धैर्यसे लम्बो समय तक आसरा लगो। और बो, परमेश्वर प्रतिज्ञा करो भओ आशिष पाइ।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।