2 थेसलोनिकी 3:1 - राना थारु नयाँ नियम

¹ अन्तमे हे मेरे बिश्वासी ददाभइयओ, हमर ताहीं प्राथना करे करओ, ताकी हम जल्दीयए हर ठिहामे प्रभु येशू ख्रीष्टके बारेमे सन्देशके फैलाए पामएं और आदमी जामे उइसी बिश्वास करएं जैसे तुम करे हओ।

परमेस्वर को सच्चो वचन

¹ आखरी मैं, हमरे भईय्यौ और बहेनियौ, हमरे ताहीं प्रार्थना करौ, कि प्रभु को संदेसो तेजी से फैलै और बड़ाँईं के संग मिलत रहबै, जैसे कि तुमरे बीच भौ।

2 थेसलोनिकी 3:1 Խաչաձեւ Հղումներ

मत्ती 9:38

जहेमारे फसलके ताहीं प्रभुसे प्राथना करओ, ताकी बो और जद्धा आदमीनके परमेश्वरके राज्यके बारेमे बतानके पठान सिकए।”

लूका 10:2

येशू बिनसे कही, “फसल त बहुत हए, पर खितहरा थोरी हएं। जहेमारे फसलके ताहीं प्रभुसे प्राथना करओ, ताकी बा अपन फसलमे खेतहरा पठाएदेबए।

प्रेरित 12:24

पर परमेश्वरको बचन फैलतए गओ और बिश्वासीन्को संख्या बढतए गओ।

प्रेरित 19:20

अइसे प्रभुको बचन शक्तिशाली रुपसे फैलतए और बढतए गओ।

प्रेरित 6:7

और परमेश्वरको बचन फैलतए गओ और यरूशलेम सहरमे चेलनको संख्या बहुत बढतए गओ। और बहुत यहूदी पुजारी फिर येशू ख्रीष्टमे बिश्वास करन बारो शिक्षाके स्वीकार करीं।

रोमियों 15:30

हे मेरे बिश्वासी ददाभइयओ; मए तुमके हमर प्रभु येशू ख्रीष्टके नाउँसे बिन्ती करत हओं, कि तुम मेरे ताहीं परमेश्वरसे प्राथना करके मेरे कष्टमे सामिल होबओ। पबित्र आत्मा द्वारा तुमर प्रति मिर प्रेमको कारण अइसो करओ।

1 कोरिन्थी 16:9

काहेकी अभौफिर हियाँपर बहुतसे आदमी हएं जो परमेश्वरको बचन सुनन चाँहत हएं, और मिर हियाँ रहान बहुत बडो मौका हए। हियाँतककी, हियाँपर परमेश्वरके कित्ने दुस्मन फिर हएं।

2 कोरिन्थी 1:11

और तुम फिर मिल्के प्राथना द्वारा हमके मदत कररहे हओ। अइसे प्राथना करत पेती हमर ताहीं चढाए भए बहुत प्राथनाके जबाफमे परमेश्वर हमके अनुग्रह करैगो और बहुत आदमी हमर ताहीं धन्यबाद देमंगे।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

कलस्सी 4:3

और जाके सँगएसँग हमरे ताहीं फिर प्राथना करत रहाओ, कि परमेश्वर हमएं बचन सुनानको मौका देबए, और हम ख्रीष्टको बो रहस्यके बारेमे व्याख्या करपामएं, जौनके कारण मए पावल अभए जेलमे हओं, काहेकी मए जा सन्देशके परचार करो।

1 थेसलोनिकी 1:5

काहेकी हमर येशू ख्रीष्टके बारेमे सच्चो अच्छो समाचार तुमर ठिन केबल बोलिमे नाए आओ, पर पबित्र आत्माके शक्तिसे पुरा रुपमे पक्का हुइके आओ हए। तुमके पता भओ हए, कि जब हम तुमर सँग रहएं तओ हमर जीबन कैसो रहए।

1 थेसलोनिकी 1:8

काहेकी तुमर हियाँसे केबल माकेडोनिया परदेश और अखैया परदेशमे इकल्लो प्रभुको बचन नाए सुनाओ गओ, पर हर ठाउँमे जहाँ हम जात हएं, हुवाँ हम आदमीनके, परमेश्वरमे भओ तुमर बिश्वासके बारेमे हमके बतात पात हएं। जहेमारे, हम दुस्रे जनैनके तुमर बारेमे कुछ फिर बतानको जरुरी नाए हए।

1 थेसलोनिकी 2:1

हे मेरे बिश्वासी ददाभइयओ, तुमर सँगको हमर भेँट लाभदायक रहए। जा त तुमके पतए हए।

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

1 थेसलोनिकी 4:1

हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

1 थेसलोनिकी 5:17

निरन्तर प्राथना करतए राहओ।

1 थेसलोनिकी 5:25

हे मेरे बिश्वासी ददाभइयओ, हमरे ताहीं प्राथना करओ।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।