2 कोरिन्थी 7:11 - राना थारु नयाँ नियम

¹¹ देखओ, जा परमेश्वरको इच्छा अनुसारको जा दुख, तुमरमे कैसो-कैसो बदलाओ आओ हए: अइसो उत्सहासे भरो तत्परता, अपनएके निर्दोष बनान बारो इतनो बडो इच्छा, अन्यायके ताहीं क्रोध, समस्याके प्रती अइसो साबधानी, मोके भेँटनके ताहीं इतना बडो इच्छा, सेवाके ताहीं उत्सहा, और गलत काम करन बारेनके अइसो तिब्रता द्वारा तुम जा साबित करेहओ, कि सब बात असल रितिसे करनमे तुम कुछु फिर कमी नाए करेहओ।

परमेस्वर को सच्चो वचन

¹¹ देखौ कि परमेस्वर तुमरी जौ उदासी के संग का करी: जौ तुमकै कितनो आसान बनाए दई है, तुमरी मासुमियत कै साबित करन के ताहीं कितनो उत्सुक है! ऐसो आक्रोस, ऐसो डर, ऐसी भावना, ऐसी भक्ति, गलत काम कै सजा देन कि ऐसी जल्द बाजी! तुम पूरे मामले मैं गलती के बिना खुदकै दिखाए हौ।

2 कोरिन्थी 7:11 Խաչաձեւ Հղումներ

मर्कूस 3:5

बिनको हृदयको कठोरतामे येशू गुस्साइगओ, और बा बिनके सबके देखके बहुत दुखी भओ और लुला हात भओ मनैसे कही, “अपन हात फैला।” बो हात फैलाइ और बक हात अच्छो हुइगओ।

यूहन्ना 2:17

तओ येशूके चेलनके पबित्र-शास्त्रमे लिखो जा बचन याद आइगओ, “तुमर यरूशलेम मन्दिरको भक्ति, मिर भितर आगी जैसो पजरत हए।”

प्रेरित 17:16

पावल, एथेन्स सहरमे सिलास और पावलके असियात पेती बो सहर मूर्तिपुजासे भरो देखके बोको मन बहुत दु:खी भओ।

रोमियों 11:20

जा सत्य हए, बे त अबिश्वासीके कारण काटेगए, पर तुम बिश्वाससे बने रहात हओ जहेमारे घमण्डी मतहोबओ, पर डर मानओ।

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

रोमियों 3:5

पर अगर हमर दुष्ट काम, परमेश्वरको धार्मिकता ठहिराए देतहए, तओ हम का कहामएं? तओ का परमेश्वरके क्रोधित होनो, और हमएं दण्ड देनो गलत हए? कित्नो आदमी अइसियए सोँचत हएं।

1 कोरिन्थी 12:25

परमेश्वर अइसे जहेमारे करी ताकी शरीरके कुछ अंगसे एकदुस्रेन्के सँग लडाइ नाए होए, बल्कि उनके एक-दुस्रेके ताहीं देखभार होन पणो।

1 कोरिन्थी 5:13

पर जो आदमी बिश्वासी नाए हएं उनको न्याय परमेश्वरए करत हए: पर जैसे पबित्र-शास्त्र कहात हए, “बो दुष्ट आदमी तुमर समुहको हिस्सा नाए हुइ पाबैगो।”

1 कोरिन्थी 5:2

तुमके जाके बारेमे दुखए-दुखसे भरजानके रहए और बो आदमी जो बो करी, बोके मण्डलीसे निकार देन रहए, लेकिन जाको बदला तुम घमण्ड महसुस करत हओ।

2 कोरिन्थी 13:7

पर हम परमेश्वरमे प्राथना करत हएं, कि तुम कुछु खराबी मत् करओ। तुमर बीचमे हमर सेवाकाइ सफल भओ दिखानके ताहीं नाए, बल्कि अगर हम अपनए असफल दिखाएसे फिर तुम सच्चो काम करओ कहिके हम चाँहत हएं।

2 कोरिन्थी 2:6

तुम मैसे बहुत बिश्वासीनको दओ भओ सजाय बोके ताहीं काफी हए।

2 कोरिन्थी 6:4

पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

2 कोरिन्थी 7:7

बिनको आगमन इकल्लो नाए, बल्कि बो सान्त्वनासे फिर, जौन सान्त्वना तीतस तुमसे पाइ रहएं। मोके भेँटन तुमर बडो इच्छाके बारेमे बे हमसे कहीं। मेरे ताहीं तुमर शोकके बारेमे और मिर घेनको तुमर गहिरो चिन्ताके बारेमे बे बताइं, और अइसियए मए औ जद्धा आनन्दित भओ।

2 कोरिन्थी 7:9

पर अब तुमके दुख भओ कहिके मए खुसी नाए भओ हओं, पर तुमर दुख तुमके पाप करन छोडके परमेश्वर घेन घुमाइ जहेमे मए खुसी भओ हओं। काहेकी तुम परमेश्वरको इच्छा अनुसार दुख भोगे और हमर तरफसे तुमके कुछु नुक्सानी सहन नाए पणो।

2 कोरिन्थी 9:2

काहेकी तुममे, देन बारी चीजमे कित्नो उत्सुकता हए कहिके मए जानत हओं। जाके बारेमे माकेडोनिया परदेशके बिश्वासीनके अग्गु तुमर गर्व करतए मए कहो रहओं, कि पोर सालसे तुम अखैया परदेशके आदमी तयारी कर रहेहओ। तुमर जोससे बिन मैसे बहुतसेनके जोसिलो बनाइ हए।

इफिसियों 4:26

अगर तुम गुस्साए जाबैगे तओ ध्यान देओ, कि तुम पाप नाए करओ। सुनिश्चित करओ, कि दिन खतम होनसे पहिले तुम गुस्सानके बन्द करदेबओ।

इफिसियों 5:11

पापमय कामन्के काम करनमे सहभागी मतहोबओ बल्कि, आदमीनके दिखाबओ, कि जा काम खराब हए।

फिलिप्पी 2:12

जहेमारे हे मेरे प्रिय सँगीउ, जब मए तुमर सँग रहओं, तओ तुम सब परमेश्वरको आज्ञा मानतए रहे। अब मए तुमसे दुर भओ हओं, तहुँफिर तुमके जे बातके मानन पणैगो। और तुम सब जनै डरातए, और लग्लागात बे सब काम करओ जो तुमर ताहीं ठिक हए, जौन तुमके परमेश्वर मुक्ति दइ हए।

1 थेसलोनिकी 4:6

अइसे करके, तुमके अपने बिश्वासी भइयाके बिरुद्धमे पाप नाए करन चाहो, काहेकी प्रभु येशू बोके दण्ड देबैगो, जो अइसे मेलके सब काम करत हएं; जैसेकी हम तुमसे पहिले सफासे कहिदए रहएं और शिक्षा फिर दए रहएं।

1 तिमोथी 5:20

जो आदमी पाप करत हएं, तोके बे आदमीनके सब बिश्वासीनके अग्गु डाँटनके चाहो, ताकी औ बिश्वासी फिर डरामएं।

2 तिमोथी 2:15

कडी मेहेनत कर, ताकी तए अपनएके परमेश्वरके अग्गु अइसो आदमीके रुपमे दिखाए पाबए, जोसे बे ग्रहण करपामएं। एक अइसो कामदार हानी बन, जो अच्छेसे काम करत हए, और जोके अपनो कामके कारण सर्मान नाए पणत हए, और जो सत्यको बचनके सही रितिसे काममे लात हए।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

हिब्रू 4:1

परमेश्वर हमके प्रतिज्ञा करीहए, कि हम विश्रामको ठाउँमे जामंगे। जहेमारे होशियार रहाबओ, तुमर मैसे कोइ फिर प्रतिज्ञा करोभओ विश्रामके ठाउँमे जानके नाए छुटए।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

यहूदा 1:23

औरेनके, न्यायको आगीसे तानके बचाओ। औ आदमी हएं, जौननके तुमके दया दिखानके जरुरी हए, पर सँगए-सँग होसियार फिर होनके हए। बिनको पापमय अभिलाषासे उनको लत्ता अपबित्र बनोगओ सोँचके तुमके उनको सब लत्ता घृणा करन पणैगो।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।