2 कोरिन्थी 6:9 - राना थारु नयाँ नियम

⁹ कोइ आदमी हमके नामी मानत हएं, पर कोइ आदमी हमके अन्जान मानत हएं। मरे कता होएसे फिर हम जिइए हएं, सजाय पाएसे फिर मारे नाए गए हएं।

परमेस्वर को सच्चो वचन

⁹ हमकै गुमनाम समझो जाथै, जबकी हमकै सबै जानथैं। हमकै मरो भौ जैसो समझो जाथै, पर देखौ हम तौ जिंदे हैं। हमकै सजा भुगतत भौ समझो जाथै, तहुँओं देखौ हम जान से मारे नाय जाथैं;

2 कोरिन्थी 6:9 Խաչաձեւ Հղումներ

प्रेरित 17:18

इपिक्युरी और स्तोइकी कहान बारे दर्शनके कुछ गुरु फिर पावल सँग बादबिबाद करन लागे। बिन मैसे कित्ने कहीं, “जा गबगबान बारो का कहात हए?” और कित्ने जनै कहीं, “जा त नयाँ देबतनको परचार करत हए!” पावल येशूके बारेमे और बा मरे मैसे जिन्दा भओ कहिके अच्छो समाचार परचार करेके कारणसे बे अइसे कहीं।

प्रेरित 19:26

पर बो पावल का कहात हए, तुम अपनए देख रहेहओ और सुनरहे हओ। आदमीको हातसे बनाए भए देवता, देबतए नाए हएं कहात हए। बो हियाँ एफिसस सहरमे इकल्लो नाए हए पर एशिया परदेशमे रहान बारे सबए आदमीनके अपनो बातमे फुलसाएके बहकाए लैगओ हए।

प्रेरित 25:19

तओ बिनको मतभेद बिनको धर्मके बारेमे और मरो येशूके बारेमे रहए; तओ पावल दाबी करत रहए, कि बा हबए फिर जिन्दा हए।

प्रेरित 25:26

जाके बारेमे मोके फिर महाराजाके लिखन बारो बात कुछु नैयाँ। जहेमारे मए जाके तुमर अग्गु लाओ। और खास करके, हे राजा अग्रिपास, तुमर अग्गु लैके आओ हओं। और तुम जाको जाँचबुझ करदए कहेसे मए कुछु लिखन बारी बात पामंगो कि कहिके आसरा करेपणे हओं।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

रोमियों 8:36

जैसे पबित्र-शास्त्रमे लिखो हए, “तेरे ताहीं, हमके हर समय मृत्युको खतरा राहात हए, हम काटन तयार करोभओ भेंणा कता गिनेगए हएं।”

1 कोरिन्थी 11:32

पर अगर प्रभु हमके अइसियए दण्डित कर रहो हए कहेसे बा हमके सुधार रहो हए, ताकी न्यायके दिनके द्वारा हमके संसारके आदमीनके सँग दोषी नाए ठहिराबए।

1 कोरिन्थी 15:31

हे मेरे बिश्वासी ददाभइयओ, मए तुमएं बतात हओं, कि मए हर दिन लगभग मारो जातहओं। मए जो जा कहात हओं जा बस्ताबमे सच हए। जैसेकी जा फिर सच हए, कि मए नेहात्तओकमे खुस हओं काहेकी तुम हमर प्रभु येशू ख्रीष्टमे भरोसा करत हओ।

1 कोरिन्थी 4:9

काहेकी मोके अइसो लागत हए, हम चुनेभए चेलनके परमेश्वर सबसे निचो ठाउँमे धरी हए। परमेश्वरए हमके बाके स्वर्गदूत और जा संसारके आदमी और आदमीनके अग्गु ज्यान सजाय पान बारे आदमीनके हानी तमासा बनाए।

2 कोरिन्थी 11:6

मए सिपालु वक्ता नाए होएसे फिर मोएमे ख्रीष्ट और अच्छो समाचारके बारेमे ज्ञान हए। मए मिर ज्ञान बे सबए बातमे दिखाओ हओं जौन मए सिखो हओं।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 5:11

जहेमारे प्रभुको भय मानके हम आदमीनके सच्चाईमे बिश्वास करन बिन्ती करत हएं। और परमेश्वर हमके पुरा रुपमे जानत हए। और मए आसरा करत हओं, कि तुमर बिबेकमे तुम हमके अच्छेसे चीन्हत हओ।