2 कोरिन्थी 6:4 - राना थारु नयाँ नियम

⁴ पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

परमेस्वर को सच्चो वचन

⁴ लेकिन हर बात मैं परमेस्वर के सेवकन के हानी अपने अच्छे गुड़न कै दिखाथै, बड़ा धीरज से, कलेसन से, दरिद्रता से, परेसानी से,

2 कोरिन्थी 6:4 Խաչաձեւ Հղումներ

लूका 21:19

तुम परमेश्वरमे बिश्वासयोग्य रहाबैगे कहेसे परमेश्वर तुमर जीबनके बचाबैगो।”

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

प्रेरित 2:22

“इस्राएल देशके ददाभइयओ, मिर बात सुनओ। परमेश्वर येशू द्वारा तुमर बीचमे शक्तिशाली चमत्कारको काम करके अचम्मेको चिन्हा दिखाइ कहिके तुमके पतए हए। बे चिन्हनसे परमेश्वर, नासरतको येशूके अपनए पठाओ हओं कहिके प्रमाण दइ।

प्रेरित 20:34

तुम अपनए जान्त हओं, मिर जे हातसे काम करके मिर और मिर सँग होन बारेनको आवश्यकताके पुरा करो रहओं।

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

रोमियों 16:10

अपेल्लेसके, जो जा स्पष्ट करीहए, कि बो ख्रीष्ट प्रति कित्नो इमान्दार हए, बोके फिर नमस्कार हए। अरिस्तोबुलसको परिवारके नमस्कार हए।

रोमियों 3:5

पर अगर हमर दुष्ट काम, परमेश्वरको धार्मिकता ठहिराए देतहए, तओ हम का कहामएं? तओ का परमेश्वरके क्रोधित होनो, और हमएं दण्ड देनो गलत हए? कित्नो आदमी अइसियए सोँचत हएं।

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

1 कोरिन्थी 3:5

अपोल्लोस कौन हए? पावल कौन हए? बे सेवक इकल्ले हएं, जोसे तुम ख्रीष्टमे भरोसा करे। हम मैसे सब आदमी बहे काम करे जो परमेश्वर हमके करनके ताहीं दइ।

1 कोरिन्थी 4:1

आदमीके, हमके ख्रीष्टको सेवक और परमेश्वरको लुको भओ सत्यके प्रकट करन बारो जिम्मेबारी सौँपो गओहए कहिके मानन पणत हए।

1 कोरिन्थी 9:11

हम तुमके परमेश्वरको सन्देशको परचार करेहएं। बेहीं आदमी कता जो पेण लगात हएं, हम तुममे परमेश्वरको सन्देशके बोए हएं। जहेमारे तुमए ताहीं जा सही हए कि तुम हमके हमर दैनिक जरुरतनके ताहीं देओ।

2 कोरिन्थी 11:23

का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

2 कोरिन्थी 11:27

बहुत मेहेनत करो और दुख सहो, और मए कैयौं रात नाए सोओ, भुँखेमे और प्यासेमे, बारम्बार भोखमरीमे, ठण्डी और नंगतामे पणो।

2 कोरिन्थी 11:9

तुमर सँग रहत पेती जब मोके रुपैयाको अभाव पणो रहए मए कोइको बोझ नाए भओ, काहेकी माकेडोनिया परदेशसे आएभए बिश्वासी ददाभइया मिर अभाव पुरा करदइं। तभीमारे कोइ किसिमसे तुमर उपर बोझ पणहए कि कहिके मए अपनएके रोको, और पिच्छु आन बारो दिनमे फिर रोकंगो।

2 कोरिन्थी 12:10

जहेमारे ख्रीष्टके ताहीं कमजोरीनमे, बदनामीनमे, कठिनाइमे, सतावटमे, आफतमे मए सन्तुष्ट रहत हओं। काहेकी जब मए कमजोर होत हओं, तओ मए ख्रीष्टको शक्ति द्वारा मजबुत होत हओं।

2 कोरिन्थी 12:12

नेहात्तओ सच्चे येशूसे चुनेभए चेलाके लक्षण पुरा धैर्यसे, चिन्हा चमत्कार और शक्तिशाली काम द्वारा तुमर बीचमे प्रकट करेगए रहएं।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

2 कोरिन्थी 4:17

हमर दुख अभौफिर थोरीए हएं और लम्बो समय तक नाए रहाबैगो। काहेकी बे दुख अनन्त महिमाके ताहीं होत हए, जौन हम कल्पना करन सिकनसे फिर जद्धा होत हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 4:8

हम चारौ घेनसे दुख त भोगत हएं, पर संकटमे नाए पणत हएं। अन्योलमे त हएं, पर दुखी नाए होत हएं।

2 कोरिन्थी 7:11

देखओ, जा परमेश्वरको इच्छा अनुसारको जा दुख, तुमरमे कैसो-कैसो बदलाओ आओ हए: अइसो उत्सहासे भरो तत्परता, अपनएके निर्दोष बनान बारो इतनो बडो इच्छा, अन्यायके ताहीं क्रोध, समस्याके प्रती अइसो साबधानी, मोके भेँटनके ताहीं इतना बडो इच्छा, सेवाके ताहीं उत्सहा, और गलत काम करन बारेनके अइसो तिब्रता द्वारा तुम जा साबित करेहओ, कि सब बात असल रितिसे करनमे तुम कुछु फिर कमी नाए करेहओ।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

1 थेसलोनिकी 3:7

जहेमारे हे मेरे बिश्वासी ददाभइयओ, हम अपने सब कष्ट और दुखमे हम तुमर बारेमे सुनके उत्साहित भए हएं, कि तुम अभौफिर येशू ख्रीष्टमे बिश्वास कर रहेहओ।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

1 तिमोथी 2:15

पर परमेश्वर बालकाके जनम देनके द्वारा बैयरनके बचाए लेबैगो, जब तक बे लगातार ख्रीष्टमे बिश्वास करतए रएहएं, एकदुस्रे आदमीसे प्रेम करत रएहएं, और शुद्ध और ठिक तरिकासे ब्यबहार करतए रएहएं।

1 तिमोथी 4:6

अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

1 तिमोथी 6:11

पर हे तिमोथी, तए परमेश्वरको सेवा करन बारो आदमी हए, तोके जे सब चिजनके करनसे बचनके हए; पर तए परमेश्वरके अग्गु ठिक ठहिरन बाली बातमे, भक्तिमे, बिश्वासमे, प्रेममे, धिरजमे, नम्र होन बारो बातमे अपनो मन लगा।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 2:24

और प्रभुके दासके लडाइ करन बारो नाए होनचाहो, पर बोके सबके सँग दयालु होनके चाहो, परमेश्वरको बचनके स्पष्ट रितिसे सिखानमे सक्षम होनके पणो और आदमीनके सँग धिरज करन पणो।

2 तिमोथी 4:5

जैसो फिर कठिनाइ आएसे फिर तोके शान्त रहान पणैगो और दुख उठान पणैगो, अच्छो समाचार परचार करनके ताहीं तोके कडी मेहेनत करन पणैगो, और जो परमेश्वर तोके दइ हए, बो कामके पुरा करन पणैगो।

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।