2 कोरिन्थी 4:12 - राना थारु नयाँ नियम

¹² पर जाको अर्थ जा हए, कि हम लगातार मृत्युको सामना कर रहे हएं। पर जाको परिणाम जा हए, कि तुमके अनन्त जीबन प्राप्त भओ हए।

परमेस्वर को सच्चो वचन

¹² ऐसे करकै मौत तौ हमरे ऊपर असर डारथै और जिंदगी तुमरे ऊपर।

2 कोरिन्थी 4:12 Խաչաձեւ Հղումներ

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

1 कोरिन्थी 4:10

आदमी हमके मुरख सम्झत हएं काहेकी हम ख्रीष्टके बारेमे परचार करत हएं, पर गल्तीसे तुम सोँचत हओ, कि तुम बहुत बुद्धिमान बिश्वासी हओ! बहुत सारे आदमी सोँचत हएं, कि हमरे ठिन कोइ अधिकार नाए हए। पर तुम घमण्डसे कहात हओ, कि तुमर ठिन परमेश्वरको शक्ति हए। आदमी हमर सम्मान नाए करत हएं पर बे तुमर सम्मान करत हएं।

2 कोरिन्थी 12:15

मए तुमर आत्माके ताहीं अपनएके और मेरे सँग भए सब चीज देनके ताहीं खुसी होमंगो, ताकी तुम परमेश्वरको अनुसरण कर्पाबओ। मए तुमके बहुत प्रेम करत हओं। पर अइसो लागत हए, कि तुम मोके थोरी प्रेम करत हओ।

2 कोरिन्थी 13:9

काहेकी हम बिश्वासमे कमजोर हएं और तुम बिश्वासमे बलियो हओ कहेसे हम आनन्दित होत हएं। तुमर बिश्वासको प्रगतीके ताहीं हम प्राथना करत हएं।

2 कोरिन्थी 4:11

काहेकी हम जिन्दा हएं तहुँफिर येशूके ताहीं सब दिन मृत्युके खतरामे हएं, ताकी येशूको जीबन हमर मरणसील शरीरमे प्रकट होबए।

2 कोरिन्थी 4:13

पर हम परचार करन निरन्तरता देमंगे, काहेकी हम फिर पबित्र-शास्त्रको लेखक कता बिश्वास करे हएं, धर्मशास्त्रको लेखक कही रहए, “मए परमेश्वरमे बिश्वास करत हओं, जहेमारे मए बोलो।”

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

फिलिप्पी 2:30

काहेकी इपाफ्रोडिटस ख्रीष्टके कामके ताहीं अपनो प्राणके कष्टमे डारके मरनमे आइगओ रहए, ताकी इपाफ्रोडिटस बे तरिकासे मिर मदत करपाबए जो तुम नाए करपाएरहे हओ, काहेकी तुम बहुत दुर हओ।

1 यूहन्ना 3:16

येशू ख्रीष्ट हमर ताहीं अपनो प्राण दइ। जहेमारे हम प्रेमके बुझे हएं और हमके फिर अपने बिश्वासी ददाभइयनके ताहीं अपनो प्राण देन पणत हए।