2 कोरिन्थी 10:18 - राना थारु नयाँ नियम

¹⁸ काहेकी अपनो तारिफ अपनए करन बारो आदमी स्वीकार नाए करोजात हए, पर जौनको तारिफ प्रभु करत हए, बो प्रभुको नजरमे असल होतहए।

परमेस्वर को सच्चो वचन

¹⁸ काहैकि जौ बे लोगन के ताहीं है जिनकै प्रभु अच्छी तरह से समझथैं जो बास्तव मैं अपनाओ जाथै, ना बे लोग जो खुद के बारे मैं अच्छो सोचथैं।

2 कोरिन्थी 10:18 Խաչաձեւ Հղումներ

लूका 16:15

येशू बिनसे कही, “तुम अपनएके आदमीनके अग्गु सही दिखातहओ, पर परमेश्वर तुमर मनके जानत हए, काहेकी जो चीज आदमीनको नजरमे खास मानो जाबैगो, बो चीज परमेश्वरको नजरमे तुच्छ मानो जाबैगो।

यूहन्ना 12:43

काहेकी बिनके त परमेश्वरसे जद्धा आदमीनसे पान बारो प्रसंसा अच्छो लगत रहए।

प्रेरित 2:22

“इस्राएल देशके ददाभइयओ, मिर बात सुनओ। परमेश्वर येशू द्वारा तुमर बीचमे शक्तिशाली चमत्कारको काम करके अचम्मेको चिन्हा दिखाइ कहिके तुमके पतए हए। बे चिन्हनसे परमेश्वर, नासरतको येशूके अपनए पठाओ हओं कहिके प्रमाण दइ।

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

रोमियों 16:10

अपेल्लेसके, जो जा स्पष्ट करीहए, कि बो ख्रीष्ट प्रति कित्नो इमान्दार हए, बोके फिर नमस्कार हए। अरिस्तोबुलसको परिवारके नमस्कार हए।

रोमियों 2:29

एक सच्चो यहूदी बो हए जौनको हृदय परमेश्वरमे ठिक हए। मोशाको कानुन मानन इकल्लो सच्चो खतना नैयाँ, पर सच्चो खतनाको मतलब, परमेश्वरको आत्मासे हृदय बदल्नो हए। अइसे आदमी, आदमीनसे नाए बल्कि परमेश्वरसे प्रसंसा पात हएं।

1 कोरिन्थी 11:19

का तुमके लगत हए, कि बिभाजनके माध्यमसे दुस्रेनके पता चल जाबैगो, कि तुम मैसे कोइके ठिन परमेश्वरको उपस्थिति हए? नाए, बिरकुल नाए हए।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

2 कोरिन्थी 10:12

अपनी तारिफ अपनए करन बारे कोइ-कोइ आदमी सँग हम अपनएके एकए दर्जामे धरन नाए चाँहत हएं, और अपनएके बिनके सँग जाँचन हम सहास नाए करत हएं। पर बे अपनए-अपनएके एक-दुस्रे सँग नापके देखत पेती और जाँचत पेती बे मुरख बन्जात हएं।

2 कोरिन्थी 13:7

पर हम परमेश्वरमे प्राथना करत हएं, कि तुम कुछु खराबी मत् करओ। तुमर बीचमे हमर सेवाकाइ सफल भओ दिखानके ताहीं नाए, बल्कि अगर हम अपनए असफल दिखाएसे फिर तुम सच्चो काम करओ कहिके हम चाँहत हएं।

2 कोरिन्थी 3:1

का फिरसे हम अपनो तारिफ करन लागे हएं? का कोइ-कोइके चाहो कता हम तुमके और तुमसे दुस्रेके सिफारिसको चिट्ठी देखा पणैगो?

2 कोरिन्थी 5:12

तहुँफिर हम अपनो तारिफ तुमर अग्गु नाए करत हएं, बल्कि हम अपने बारेमे तुमके गर्व करनको मौका देत हएं। ताकी तुम उनके जबाफ दइ पाबओ, जो आदमीके ह्रदयके बातमे नाए, पर बाहिरी काममे घमण्ड करत हए।

2 कोरिन्थी 6:4

पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

2 तिमोथी 2:15

कडी मेहेनत कर, ताकी तए अपनएके परमेश्वरके अग्गु अइसो आदमीके रुपमे दिखाए पाबए, जोसे बे ग्रहण करपामएं। एक अइसो कामदार हानी बन, जो अच्छेसे काम करत हए, और जोके अपनो कामके कारण सर्मान नाए पणत हए, और जो सत्यको बचनके सही रितिसे काममे लात हए।

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।