2 कोरिन्थी 1:19 - राना थारु नयाँ नियम

¹⁹ काहेकी सिलास, तिमोथी और मए तुमर बीचमे परचार करोभओ परमेश्वरको लौंणा येशू ख्रीष्ट झुठो नाए हए। पर बामे रोज सच्चाई इकल्लो हए।

परमेस्वर को सच्चो वचन

¹⁹ परमेस्वर को लौड़ा ईसु मसीह जोको हमरे जरिये मतलब कि मेरे और सिलवानुस और तीमुथियुस के जरिये तुमरे बीच मैं प्रचार भौ; बामै “हाँ” और “ना” दोनों नाय रहैं। पर बामै “हाँईए, हाँ” भइ;

2 कोरिन्थी 1:19 Խաչաձեւ Հղումներ

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

मत्ती 24:35

बादर और पृथ्वी खतम हुइजएहए, पर मिर कहो बचन सदामानके ताहीं रहाइगो।”

मत्ती 27:40

और कहीं, “ए मन्दिर उजाणन बारो और बोके तीन दिनमे बनान बारो, अपनएके बचा, और परमेश्वरको लौंणा हए तओ, क्रूससे उतरके तरे आएजा।”

मत्ती 27:54

जब कप्तान और जो बोके सँग चौकीदारी करत रहए, तओ भुकम्प और जो कुछ भओ रहए, बो देखके बहुत डराइगए, और कहीं, “नेहात्तओ जा परमेश्वरको लौंणा रहए।”

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

मत्ती 4:3

तओ शैतान परीक्षा करन येशूके ठिन आएके कही, “तुम अगर परमेश्वरको लौंणा हओ कहेसे जा पत्थरके रोटी होए करके आज्ञा करओ, ताकी तुम रोटी खाए पाबओ।”

मर्कूस 1:1

परमेश्वरको लौंणा, येशू ख्रीष्टके बारेमे अच्छो समाचार जा प्रकारसे सुरु होतहए:

लूका 1:35

स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

यूहन्ना 1:34

और मए देखो हओं, और मए तुमसे फिर सच्चो कहात हओं, कि बहे परमेश्वरको लौंणा हए।”

यूहन्ना 1:49

नथानेल येशूसे कही, “गुरुजी, तुम परमेश्वरको लौंणा हओ; तुम इस्राएल देशके राजा हओ।”

यूहन्ना 19:7

यहूदी समुहके अगुवा पिलातसके जबाफ दइके कहीं, “हमर नियम कानुन अनुसार जाके मारन पणैगो, काहेकी जा अपनएके परमेश्वरको लौंणा हओं, कहिके ठोकुवा करत हए।”

यूहन्ना 20:28

जा सुनके थोमा येशूके जबाफ दइके कही, “हे मिर प्रभु, हे मिर परमेश्वर!” और अइसे कहात येशूके पाउँमे पणो।

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

यूहन्ना 6:69

और हम बिश्वास करेहएं, और जाने हएं, कि तुमही परमेश्वरके तरफसे आएभए परमेश्वरको पबित्र सेवक हओ।”

यूहन्ना 8:58

येशू बिनके जबाफ दइके कही, “नेहात्तओ मए तुमसे कहात हओं, अब्राहामको जनम होनसे अग्गुको मए हओं।”

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।

प्रेरित 16:1

पावल और सिलास डर्बी सहर हुइके लुस्त्रा सहरमे आएपुगो। लुस्त्रा सहरमे तिमोथी नाउँ भओ प्रभुमे बिश्वास करन बारो एक चेला बैठत रहए। बोकी अइया फिर प्रभुमे बिश्वास करन बारी यहूदी रहए पर बोको दौवा ग्रीक देशमे बैठन बारो रहए।

प्रेरित 18:5

सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

1 थेसलोनिकी 1:1

मए पावल, सिलास और तिमोथीके घेनसे जा चिट्ठी थेसलोनिके सहरमे रहान बारे मण्डलीके ताहीं लिखरहे हएं। जो दौवा परमेश्वर और प्रभु येशू ख्रीष्टसे सम्बन्धित हए। मए प्राथना करत हओं, कि परमेश्वर तुमर उपर अनुग्रह करए और शान्ति देबए।

2 थेसलोनिकी 1:1

मए पावल, सिलास और तिमोथीके घेनसे, जा चिट्ठी थेसलोनिके सहरमे रहान बारे मण्डलीनके ताहीं हम लिखरहे हएं, जो दौवा परमेश्वर और प्रभु येशू ख्रीष्टसे सम्बन्धित हए।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

हिब्रू 1:11

बे त नाश हुइ जामंगे, पर तुम सदासर्वदा जिन्दा रहे रहाबैगे। बे लत्ता कता पुराने हुइ जामंगे,

हिब्रू 13:8

येशू ख्रीष्ट आज, कल और रोजए दिन एकए हानी होतहए। बा कभी फिर नाए बदल्थए।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

2 पतरस 1:17

हम बाके सँग पबित्र पहाडमे रहएं, जब येशू ख्रीष्ट दौवा परमेश्वरसे आदर और महिमा प्राप्त करी। बो बेला प्रतापमय महिमा, परमेश्वरसे येशूके अइसो कहात अबाज आओ, “जा मिर अपनुवए प्यारो लौंणा हए, जासे मए बहुत खुसी हओं।” हम अपनए फिर स्वर्गसे आओ भओ जा अबाज सुने।

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 1:17

जब मए बाके देखो, तओ तुरन्तए मए बाके पाँओँमे पणिगओ। मए एक मरो भओ आदमी कता हुइगओ। पर बा अपनो दहिना हात अइसे कहिके मिर उपर धरी, “मत डराए, महीँ हओं, जौन सब चिजनको सुरुवात करो। और महीँ हओं, जो सब चिजनके खतम करंगो।”

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

प्रकाश 2:18

येशू मोसे अइसेफिर कही: थिआटीरा सहरके मण्डलीके स्वर्गदूतके जा लिख: जा सन्देश परमेश्वरको लौंणासे हए। जौनको आँखी आगीको ज्वाला कता हए और जौनक पाउँ आगीको भट्टीमे निख्रो भओ फूलके बर्तन कता रहएं। जो मए तोसे कहात हओं बोके सुन: