2 कोरिन्थी 1:12 - राना थारु नयाँ नियम

¹² हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

परमेस्वर को सच्चो वचन

¹² हम बिस्वास और एक साफ मन के संग कह सकथैं कि हम अपने सबै ब्यवहारन मैं परमेस्वर को वरदान पवित्रता और इमानदारी के गभा रहैं। हम परमेस्वर के अनुग्रह और किरपा पर निर्भर हैं, अपने सरीर के ग्यान मैं ना। जहे बहे है कि हम खुदकै दुनिया के सामने, और खासकर कै तुमरे घाँईं करे हैं।

2 कोरिन्थी 1:12 Խաչաձեւ Հղումներ

प्रेरित 23:1

पावल यहूदी सभाघर घेन एक नजर लगाएके देखी, और कही, “ददाभइयओ, आजके दिनतक परमेश्वरको दृष्टिमे मए शुद्ध बिबेकसे जीबन बिताओ हओं।”

प्रेरित 24:16

जहेमारे परमेश्वरमे और आदमीनमे मए सदादीन शुद्ध बिबेक धरन कोसिस करत हओं।

रोमियों 9:1

मए ख्रीष्टमे सच्चो बात कहात हओं, झुठ नाए मस्कत हओं, और मिर बिबेक फिर पबित्र आत्मामे गवाही देतहए,

1 कोरिन्थी 1:17

काहेकी ख्रीष्ट मोके बप्तिस्मा देनके ताहीं नाए बल्कि अच्छो समाचार सुननके पठाइ हए, और जब मए अच्छो समाचारके परचार करत हओं, तओ मए मस्कनके ताहीं अपनो सिप प्रयोग नाए करत हओं। नत्, आदमी मिर उपर सिर्फ मेरे सिपके कारण मोके बिश्वास करते, और बे क्रूसमे ख्रीष्टको मृत्युकी शक्ति नाए जन्ते।

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

1 कोरिन्थी 2:13

और जहेमारे हम जे बातनके औरे आदमीनके बतात हएं, जो बात हम परचार करत हएं बो बात आदमीनको बुद्धी नाए सिखाइ हए, बल्कि पबित्र आत्माको सिखाओ भओ शिक्षा मस्कत हएं और पबित्र आत्मा भए बारेनके इकल्लो हम आत्माके सच्चे बातनके बुझात हएं।

1 कोरिन्थी 4:4

काहेकी मिर बिबेक मोके कछु बातमे दोषी नाए ठाहिरात हए, पर जासे मए निर्दोष नाए ठहिरत हओं, काहेकी मिर न्याय करन बारो परमेश्वर हए।

1 कोरिन्थी 5:8

तओ आओ हम निस्तार तेवहार मनात हएं। निस्तारके समयमे, यहूदी अपने घरसे सब खमिरके फेक देत हएं। उइसीयए, हमके बिश्वासी बननसे पहिले हम जौन तरिकासे ब्यबहार करत रहएं, बो कामके करन बन्द कर देन चाहो। बो निस्तारके समयमे, यहूदी रोटी खाइं, जोमे कोइ खमिर नाए रहए। उइसीयए, हमके ब्यबहार करन चाहो। काहेकी परमेश्वरके आदमीनके अइसो ब्यबहार करन चाहो जैसे हमरे जीबनमे कोइ मेलको फिर खराब ब्यबहार नाए हए। जोको मतलब, हमरे दिलमे धोखासे फिर खराब बात छिपन नाए चाहो, बल्कि इमान्दारीसे ख्रीष्टको अनुसरण करन चाहो।

2 कोरिन्थी 1:17

का मए अइसे करत पेती स्थिरता नाए दिखाओ? का मए अपनो योजना बनात पेती संसारके आदमीन कता अभए “हाँ-हाँ” और पिच्छु “नाए-नाए” कहान बारो हओं?

2 कोरिन्थी 11:3

पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 8:8

जा मए तुमर ताहीं आज्ञा नाए बनाओ हओं, बल्कि औरे आदमी मदत करनके कित्नो इच्छुक हएं, और औरेनको जोससे तुलना करके तुमर प्रेम फिर सच्चो हए कहिके साबित करनके ताहीं मए जा कहो हओं।

गलातियों 6:4

हर आदमी अपनो कामके जाँच करएं, कि “का हम अच्छे हएं?” अगर बो अच्छो काम करीहए, कहेसे बो अपनो काममे घमण्ड कर सकत हए। पर बोके अपनो कामको तुलना दुस्रे आदमीनसे नाए करन चाहो।

इफिसियों 6:14

जहेमारे परमेश्वरको सच्चाईके अपनो करह्याँओँमे बेल्टके कता बाँधलेओ और जैसे लोहाके बनेभए कबच कोइ सैनिककी लडाइमे रक्षा करत हए, उइसीयए जब शैतान तुममे हमला करए तओ तुमर धर्मी ब्यबहार तुमर रक्षा करैगो।

फिलिप्पी 1:10

ताकी तुम सबसे ठिक चीजके छानपाबओ, और उनके स्वीकार करके ख्रीष्टके लौटके आनतक शुद्ध और निर्दोष होतए रहाबओ।

1 थेसलोनिकी 2:10

तुम अपनए साक्षी हओ, और परमेश्वर फिर साक्षी हए, कि तुम सब बिश्वासीनके सँग हमर स्वभाब कित्नो सच्चो, धर्मी और निर्दोष रहए।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

तीतुस 2:7

तोके हर बातमे उदाहरणके रुपके अच्छो काम करन चाहो, जो देखके दुस्रे आदमी हमेसा पालन करपामएं; जब तए बिश्वासीनके परमेश्वरके बारेमे सिखात हए, तओ तोके अच्छे उदेश्यके साथ सिखान पणो, और अइसे करके सिखा, कि आदमी तोके आदर करएं।

हिब्रू 13:18

हमर ताहीं प्राथना करतए रहाओ, काहेकी हमके जरुर पता हए, कि हमर बिबेक शुद्ध हए, और हम हर समय सही काम करन चाँहत हएं।

याकूब 4:6

पर बा हमके अइसो खराब लालचके बिरुद्ध उठनके ताहीं औ फिर जद्धा अनुग्रह देतहए। जहेमारे पबित्र-शास्त्रमे लिखो हए, “परमेश्वर घमण्डीनको बिरोध करत हए, पर नम्र आदमीनके अनुग्रह करत हए।”

1 पतरस 3:16

पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।