1 तिमोथी 6:16 - राना थारु नयाँ नियम

¹⁶ और सिरफ बहे इकल्लो हए, जो हमेसाके ताहीं जिन्दा हए, और बा इतनो चम्कन बारो उजियारोमे रहात हए, कि कोइ फिर बाके ढिँगै नाए आए पातहए। और नए बाके कोइ आदमी देखी हएं, और नए कभी देख पामंगे। बाकी महिमा और शक्ति सदा दिन रहाबए। आमेन।

परमेस्वर को सच्चो वचन

¹⁶ बौ अकेलो अमर है; बौ ऐसे उजिते मैं रहथै कि कोई बासे मिल नाय सकथैं, बाकै कोई कहु ना देखो; कोई बाकै कहुए ना देख सकैगो। बाकी इमानदारी और अनंत ताकत है! आमीन।

1 तिमोथी 6:16 Խաչաձեւ Հղումներ

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

यूहन्ना 14:9

येशू बिनसे कही, “फिलिप! इत्तो दिनतक मए तुमर सँग रहो, तहुँफिर तुम मोके नाए चिनपाए? जौन मोके देखो हए, बो मिर दौवाके फिर देखडारी हए। मोके देखके फिर, तए मोसे काहे दौवाके दिखाएदे कहात हए?”

यूहन्ना 6:46

दौवा परमेश्वरके कोइ आदमी नाए देखी हए, महीँ इकल्लो हओं, जो परमेश्वरके घेनसे आओ हओं, जो बाके देखो हओं।

यूहन्ना 8:58

येशू बिनके जबाफ दइके कही, “नेहात्तओ मए तुमसे कहात हओं, अब्राहामको जनम होनसे अग्गुको मए हओं।”

इफिसियों 3:21

बाको महिमा मण्डलीमे और ख्रीष्ट येशूमे सदा दिन बहुत पुस्तातक होतए रहाबए। आमेन।

फिलिप्पी 4:20

हाम्रो परमेश्वर दौवाकी महिमा सदासर्वदा होतए रहाबए। आमेन।

कलस्सी 1:15

कोइ परमेश्वरके नाए देख पातहए, पर जब परमेश्वरको लौंणा आदमी बनो, बा आदमीनके परमेश्वरके अग्गु प्रकट करी। और परमेश्वरसे सृष्टि भओ सब चीजके उपर बाके ठिन सबसे बडो अधिकार हए।

1 तिमोथी 1:17

अब अनन्तकालको राजा और नाए देखमिलन बारो एकए परमेश्वरके सदासर्वदा आदर और सम्मान होतए रहाबए। आमेन।

हिब्रू 13:8

येशू ख्रीष्ट आज, कल और रोजए दिन एकए हानी होतहए। बा कभी फिर नाए बदल्थए।

याकूब 1:17

काहेकी हरेक असल बरदान और हरेक असल दान हमर दौवा परमेश्वरके घेनसे आतहए, जौन स्वर्गमे सब बादरमे भओ ज्योतिके सृष्टि करी। परमेश्वर हमेसा एकए हानी रहात हए, और बो छाहीं हानी नाए बद्लत हए।

1 यूहन्ना 1:5

जो समाचार हम येशूसे सुने, और तुमके सुनात हएं, बो जा हए; कि परमेश्वर उजियारो हानी अच्छो और सिद्ध हए, और बामे अइसो कुछ फिर दुष्टता नाए हए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

1 यूहन्ना 4:12

कोइ कभु परमेश्वरके नाए देखी हए। पर हम एक-दुस्रेनके प्रेम करे कहेसे परमेश्वर हमर भितर रहात हए और बाको प्रेम हमरमे सिद्ध बनो होत हए।

यहूदा 1:25

बा एकए परमेश्वर हए और हमर प्रभु येशू ख्रीष्ट हमर ताहीं करोभओ काम द्वारए बा मुक्ति दइ हए। येशू ख्रीष्ट हम्रो प्रभु आदमीनके आदर और प्रसंसा देन बारो बनाबए। बे जा बुझ पामएं, कि बाके ठिन पहिलीएसे, आज और सदादिन शक्ति और अधिकार हए। आमेन।

प्रकाश 1:6

बा हमके अइसो आदमी बनाए दइ हए, जौनको परमेश्वर उनको राजा हए और बा हमएं अपनो दौवा परमेश्वरके ताहीं पुजारी बनाए दइ हए। बाके आदर और अधिकार हर दिन और हर समय मिलतए रहाबए। आमेन।

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

प्रकाश 21:3

तओ मए परमेश्वरको सिंहासनसे बडो स्वरसे मस्कनडटो एक अबाज सुनो, “देखओ, अबसे परमेश्वर मानब जातिनके अपनो बासस्थान बनाबैगो। और बे बाके प्रजा होमंगे और बा अपनए बिनके अपने आदमीनके रुपमे स्वीकार करैगो और बे फिर बाके अपनो परमेश्वरके रुपमे स्वीकार करंगे।

प्रकाश 22:5

हुवाँ फिरसे कभी रात नाए हुइहए, और जो आदमी हुवाँ रहात हएं, बिनको डगर उजियारो करनके ताहीं दियाको कोइ जरुरत नाए हुइहए। नए बिनके उजियारो देनके ताहीं सूर्यको जरुरत हुइहए, काहेकी परमेश्वरए आदमीनके उजियारो देतहए। और जे आदमी जो हुवाँ बैठत हएं सदामानके ताहीं राज्य करंगे।

प्रकाश 4:11

“हे हमर प्रभु परमेश्वर, तुम सब चिजनके सृष्टि करे। तुमर इच्छा अनुसार बे बने गए और बे अस्तित्वमे हएं। तभीमारे तुम महिमा, आदर और शक्ति पानके लायक हओ।”

प्रकाश 7:12

“आमेन! हमर परमेश्वर, हम हमेसा तुमर महिमा करत हएं, तुमके धन्यबाद और सम्मान देत हएं! हम मान्त हएं, कि तुम पुरा रितिसे ज्ञानवान हओ, और शक्तिसाली हओ, जो हमेसाके ताहीं सब कामनके करनमे योग्य हओ! आमेन!”