1 तिमोथी 6:12 - राना थारु नयाँ नियम

¹² युद्धमे एक अच्छे सैनिक हानी, जो लडाइमे कभी हार नाए मानत हए, तोके फिर परमेश्वरमे भरोसा करनके और बाकी आज्ञाके पालन करन नाए छोडनके हए। और कभी फिर नाश नाए होन बारो जीबनके मजबुतसे पकणले, जौनके ताहीं तए बुलाओ गओ हए, और बहुत आदमीके अग्गु, तए स्पष्ट रुपसे कहो रहए, कि तए ख्रीष्टमे भरोसा करत हए।

परमेस्वर को सच्चो वचन

¹² बिस्वास की दौड़ मैं अपनो पहलो जघा बना, और अपने ताहीं अनंत जिंदगी जीत; जौ जिंदगी के ताहीं जौ रहै कि परमेस्वर तुमकै बुलाई, जब तुम भौत से गभन के सामने अपने बिस्वास कै मजबूती से अपनाय।

1 तिमोथी 6:12 Խաչաձեւ Հղումներ

2 कोरिन्थी 6:7

बाको सत्य बचनमे और परमेश्वरको शक्तिमे, हम धार्मिकताके हथियार दाहिना हातमे आक्रमणके ताहीं और दिब्रा हातमे रक्षाके ताहीं प्रयोग करत हएं,

2 कोरिन्थी 9:13

जा देन बारो सेवा तुम सत्य हओ कहिके प्रमाणित करत हए और बहुत आदमी परमेश्वरको प्रसंसा करत हएं। काहेकी तुम ख्रीष्टको अच्छो समाचार सत्य हए कहिके बिश्वास करत हओ। और तुम गरीब बिश्वासीनके और औ बिश्वासीनके खुल्ला मनसे दइके जाके पालन करत हओ।

फिलिप्पी 1:30

और तुमके उइसीयए कष्ट करनके हए, जैसे तुम मोके कष्ट करत देखे हओ। जब मए तुमर सँग फिलिप्पी सहरमे रहओं। और जौन कष्ट तुम अभए सुनरहे हओ, बो मए हबए फिर जेलमे सहिरहो हओं।

कलस्सी 3:15

और बो शान्ति जो ख्रीष्ट देतहए, बोके तुमर विचारमे नियन्त्रण करनके देओ, काहेकी तुम सब एकए शरीरके अंग हओ, और जहेमारे तुमके एकदुस्रेके सँग शान्तिसे रहानके ताहीं बुलाओ गओ हए।

1 थेसलोनिकी 2:12

कि अइसो जीबन जिइयओ, जो परमेश्वरके खुसी करत हए, जो तुमके अपने राज्य और महिमामे बुलातहए।

2 थेसलोनिकी 2:14

परमेश्वर बहे अच्छो समाचारके प्रयोग करी, जौनको हम तुमके बचानके बुलाओट देनके ताहीं तुमर बीचमे परचार करे, ताकी तुम हमरे प्रभु येशू ख्रीष्टको महिमामे सहभागी हुइ पाबओ।

1 तिमोथी 1:18

हे मिर लौंणा तिमोथी, जे बेहीं आदेश हएं जो मए तोके दएरहो हओं; मए तोके बे बातनके याद करनके ताहीं कहात हओं जो बितो भओ समयमे अगमबक्ता कही रहएं, कि जे बात तेरे सँग होमंगे। तोके झुठे गुरुके बिरुद्धमे लडनके ताहीं जे शब्दके एक हथियार हानी प्रयोग करन चाहो।

1 तिमोथी 1:19

तोके ख्रीष्टमे बिश्वास करे रहानके पणो और तोएमे एक शुद्ध बिबेक होन पणो। पर कुछ आदमी अपने शुद्ध बिबेकके त्याग दइ हएं, और बे ख्रीष्टमे बिश्वास करनके अपनी योग्यताके नाश करदइ हएं, ठिक उइसीयए जैसे एक जहाजको ठक्कर होनमे पुरा जहाजके नाश करदेत हए।

1 तिमोथी 4:14

बहे बातके याद कर, जब मण्डलीको अगुवाको समुह अपन हात तिर उपर धरी रहएं और परमेश्वर उनके तिर खास योग्यताके बारेमे बतानके ताहीं सन्देश दइ रहए। बो योग्यताके हेल्हा मत् करए।

1 तिमोथी 6:13

सबके जीबन देन बारो परमेश्वरके और सँगए-सँग हाकिम पन्तियस पिलातसके अग्गु न्यायके ताहीं लाओभओ समयमे मजबुतसे सच्चो बात कहान बारो येशू ख्रीष्टके साक्षी धरके मए तोके जा आज्ञा देत हओं।

1 तिमोथी 6:19

अइसे करके बे अपन अच्छो कामके अपन ताहीं सम्पति कता जोरंगे, जौन भबिष्यमे जाएके स्वर्गमे उनके ताहीं एक मजबुत घरको जग कता होबैगो। और बे सच्चो जीबन पामंगे, जौन जीबन हमेसाके ताहीं रहो रहाबैगो।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

2 तिमोथी 2:2

तए मोके बहुत आदमीनके अग्गु ख्रीष्टके बारेमे सन्देशके सिखात सुनो हए। जहेमारे मए चाँहत हओं, कि तए फिर अन्य बिश्वासीनके सन्देश सिखाए, जोके उपर तए भरोसा करत हए, और बे दुस्रेनके फिर जा सन्देश सिखानके योग्यके होमंगे।

2 तिमोथी 4:7

जैसे एक अच्छो सिपाही युद्धमे कभी फिर हार नाए मानत हए उइसीयए मए फिर ख्रीष्टके ताहीं कर्रो मेहेनत करनके कभु नाए छोडो, मए सब काम पुरा करडारो हओं जौन काम करनके ताहीं येशू ख्रीष्ट मोके दइ रहए। ख्रीष्ट उपरको मिर बिश्वास कभु फिर नाए बदलैगो।

हिब्रू 13:23

तुम जा जानलेओ, कि हमर भइया तिमोथी जेलसे छुटीगओ हए और अगर बो जल्दीए आइगओ तओ मए बोके सँग तुमके भेँट करबामंगो।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

हिब्रू 6:18

जहेमारे परमेश्वर हमके प्रतिज्ञा दइ हए और बा कसम खाइ हए। जे दुई बात परिबर्तन नाए हुइपए हएं। काहेकी जा सम्भब नाए हए, कि परमेश्वर झुट मस्कत हए। जहेमारे हम जो परमेश्वरके ढिँगै सुरक्षा पानके ताहीं आए हएं, हमर अग्गु भओ आसराके प्राप्त करन बडो हौसला पाए सकत हएं।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 यूहन्ना 2:25

और परमेश्वर हमके प्रतिज्ञा करीहए, कि बा हमएं कभी फिर नाश नाए होन बारो जीबन देबैगो।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।