1 तिमोथी 3:3 - राना थारु नयाँ नियम

³ बो एक दरोहा आदमी या अइसो आदमी नाए होन पणो जो हमेसा लडतए रहात हए। पर बो दयालु और शान्त स्वाभावको आदमी होन पणो। और बाद-बिबाद करन बारो नाए होए और धनको लालची नाए होबए।

परमेस्वर को सच्चो वचन

³ बौ दरुहा या मारपीट करन बारो ना होबै; पर बौ कोमल होबै, ना कि लौड़ा, और ना पैसन को लालची होबै;

1 तिमोथी 3:3 Խաչաձեւ Հղումներ

मत्ती 21:13

येशू बिनसे कही, “अइसो लिखो हए, ‘मिर यरूशलेमको मन्दिरके प्राथनाको घर कहोजाबैगो।’ पर तुम जाके डाँकुको अड्डा बनाए हओ।”

प्रेरित 20:33

मए कोइ आदमीको सोनो, चाँदी, लत्ताको लोभ नाए करो।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

इफिसियों 5:18

और दारु पिइके दरोहा बने मत् रहाओ काहेकी जा आदमीनके असभ्य, अनियंत्रित तरिकासे ब्यबहार करनको कारण बन्त हए बल्कि, पबित्र आत्माके तुम्हएं नियंत्रित करनके देओ।

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

1 तिमोथी 3:8

उइसी करके मण्डलीको सेवा करन बारे, अइसो लोग होन पणो जौनके आदमी आदर करएं, इमान्दार होबए, दारु पिन बारे आदमी नाए होन पणो, और एक अइसो आदमी नाए होन पणो जो धन पानके ताहीं जो फिर करत हए।

2 तिमोथी 3:2

काहेकी आदमी सिरफ अपनएके माया करंगे, धनको लोभ करंगे, अपनएके बडे सम्झंगे, घमण्डी होमंगे, औरेन्के बदनाम करन बारो शब्द मस्कंगे, अइयादौवाको आज्ञा नाए मानंगे, धन्यबाद नाए देन बारे, अपबित्र होमंगे,

तीतुस 1:11

जे अइसे आदमीनके शिक्षा देनके अनुमति मतदिए। काहेकी जब जे बे बातनके सिखात हएं, जो बात नाए सिखानके हए। तओ बे बहुत परिवारनको बिश्वासके नाश करदेत हएं। जे अइसे जाकेमारे करत हएं, ताकी बे धनसम्पति पाए सकएं।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

तीतुस 2:3

अइसियए करके बुढी बैयर अइसो ब्यबहार करएं, जो हर बातमे परमेश्वरके सम्मान देमएं; दुस्रेनके बारेमे खराब बात बत्कान बारी और दारु पिइन बारी नाए होमएं, पर उनके एक अच्छो जीबन जीइनको तरिका सिखन पणो।

तीतुस 3:2

कोइको बदनाम नाए करएं; लडाइ करन बारे नाए होमएं; पर दुस्रे आदमीनके दया दिखान बारे होमएं, और सब आदमीनके सँग मिलनसार होमएं।

हिब्रू 13:5

अपने जीबनके धनके लालचसे अलग रखाओ। तुमर सँग भओ चीजमे सन्तुष्ट रहाओ, काहेकी परमेश्वर अपनए कही हए, “मए तुमके कभीनाए छोडंगो और नाए त्यागंगो।”

याकूब 4:1

तुमर बीचमे लडाइ और झगडा कहाँसे आत हएं? का बेहीं खराब इच्छासे आत हएं, जो तुमर भितर लणत हएं?

1 पतरस 5:2

जैसे बकरेहेरा अपनो भेंणाके रेखदेख करत हए, उइसीयए तुमके फिर सबए आदमीनको रेखदेख करन पणत हए, जौननके परमेश्वर तुमर जिम्मामे दइ हए। जा अपनो इच्छासे करओ, काहेकी बो परमेश्वर, तुम करओ कहिके चाँहत हए। जा कामके अपने मनसे करओ। जा काम रुपैया पानके ताहीं मत् करओ, पर परमेश्वर और आदमीनको सेवा करनको इच्छासे करओ।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

यहूदा 1:11

परमेश्वर बिनके दण्ड देहए! काहेकी बे कयिनके कता अपनो जीबन खराब तरिकासे जीइत हएं, जौन गुस्साके कारण अपनो भइयाको हत्या करी रहए। काहेकी परमेश्वर बक ददाको भेँटी ग्रहण करी रहए। बे बालाम कता हएं, जौन रुपैया पानके ताहीं परमेश्वरके आदमीनके पाप करबानके कोसिस करी। बे कोरह कता नाश होमंगे, जौन परमेश्वर मोशाके दओ भओ अधिकारके बिरुद्ध बिद्रोह करी रहएं।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।