1 तिमोथी 3:2 - राना थारु नयाँ नियम

² जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

परमेस्वर को सच्चो वचन

² जहो जरूरी है कि नेता निर्दोस, और एकै बईय्यर को लोगा होनो चाहिए, सांतचित्त, खुद मैं नियंतरित और व्यवस्थित होबै; और हितुअन को आदर भाव करन बारो, और सिखान मैं अच्छो होनो चाहिए;

1 तिमोथी 3:2 Խաչաձեւ Հղումներ

लूका 1:6

और बे दुनए परमेश्वरके अग्गु धर्मी रहएं, और परमप्रभुको सब आज्ञा और धार्मिक बिधि-बिधानमे निर्दोष हुइके नेँगत रहएं।

लूका 2:36

आशेरको कुलमे फनुसलकी लौंणीया हन्ना नाउँकी एक बुढी अगमबक्ता रहए, जो कुमारी अवस्थामे बेहा करके सात बर्ष इकल्लो अपने लोगा सँग रहेपाइ।

रोमियों 12:13

प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

फिलिप्पी 2:15

ताकी तुम निर्दोष और सिद्ध हुइके खराब और भ्रष्ट पिढीके आदमीनके बीचमे परमेश्वरको निष्‍कलङ्क सन्तान हुइ पाबओ, और जीबनको बचन सुनाएके तुम जा संसारके आदमीनके बीचमे बादरको तारा हानी चम्कन पणैगो।

1 तिमोथी 3:12

मण्डलीको सेवा करन बारे आदमीनके अपनी बैयरके अग्गु बफादार होन पणो, अपने बालकनके सँगए-सँग अपने परिवारके और बाँकी सब परिवारको बन्दोबस्त करत होए और उनको रेखदेख करत होए।

1 तिमोथी 3:8

उइसी करके मण्डलीको सेवा करन बारे, अइसो लोग होन पणो जौनके आदमी आदर करएं, इमान्दार होबए, दारु पिन बारे आदमी नाए होन पणो, और एक अइसो आदमी नाए होन पणो जो धन पानके ताहीं जो फिर करत हए।

1 तिमोथी 4:3

बे झुठे आदमी सिखात हएं, कि बेहा करनो और कोइ-कोइ मेलको खानु खान गलत हए। पर परमेश्वर जा सब खानु बिश्वासीनके ताहीं बनाइ हए, जो परमेश्वरके धन्यबाद दइके खानु खानको सच्चो सन्देशके जानत हएं।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

1 तिमोथी 5:22

कोइके उपर हात धरके, बोके एक मण्डलीके रेखदेख करन बारो सेवकके रुपमे मत् छान। जब तक बे अपनएके ख्रीष्टमे बिश्वासयोग्य साबित नाए करदेएं। अगर तए अइसो करैगो कहेसे बोको पापके ताहीं तए फिर जिम्मेबार होबैगो; अनैतिक बातसे अपनएके दुर धर।

1 तिमोथी 5:9

जो कोइ बिधुवाकी उमर साठी बर्षसे जद्धी हए कहेसे तए बोके बिधुवनकी सुचीमे धरन सकत हए। और बोके इकल्लो, जो अपन लोगासे बफादार रहए।

2 तिमोथी 2:24

और प्रभुके दासके लडाइ करन बारो नाए होनचाहो, पर बोके सबके सँग दयालु होनके चाहो, परमेश्वरको बचनके स्पष्ट रितिसे सिखानमे सक्षम होनके पणो और आदमीनके सँग धिरज करन पणो।

तीतुस 2:2

बुढे मनै अपनए-अपनएके नियन्त्रण करपान बारे होन पणतहए, अइसो ब्यबहार करनके चाहो ताकी आदमी बोके सम्मान करएं, और दुस्रे जनैनसे समझदारसे ब्यबहार करन बारो होन पणतहए। परमेश्वरमे उनको बिश्वास मजबुत होन पणतहए, दुस्रे आदमीनसे सच्चाईसे प्रेम करन बारो होन पणतहए और सहनको क्षमता होन पणतहए।

हिब्रू 13:2

याद करओ, परदेशीनके फिर पाहुननके रुपम सत्कार करन पणत हए। काहेकी अइसियए कोइ-कोइ बिना पता पाएके स्वर्गदूतन्के स्वागत करी हएं।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

1 पतरस 4:9

आदमीनके तुमर घरमे स्वागत करओ और कोइ गुनासो नाए करके अइसे करे करओ।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।