1 तिमोथी 1:19 - राना थारु नयाँ नियम

¹⁹ तोके ख्रीष्टमे बिश्वास करे रहानके पणो और तोएमे एक शुद्ध बिबेक होन पणो। पर कुछ आदमी अपने शुद्ध बिबेकके त्याग दइ हएं, और बे ख्रीष्टमे बिश्वास करनके अपनी योग्यताके नाश करदइ हएं, ठिक उइसीयए जैसे एक जहाजको ठक्कर होनमे पुरा जहाजके नाश करदेत हए।

परमेस्वर को सच्चो वचन

¹⁹ और अपनो बिस्वास और अपनो अच्छो विवेक सपा रख। थोड़ी लोग उनके विवेक की अबाज नाय सुनीं और उनके बिस्वास कै बरबाद कर दई है।

1 तिमोथी 1:19 Խաչաձեւ Հղումներ

मत्ती 6:27

तुम मैसे कौन हए जौन चिन्ता करके अपनी आयु थोरी लम्मी बनाए सकत हए?

1 कोरिन्थी 11:19

का तुमके लगत हए, कि बिभाजनके माध्यमसे दुस्रेनके पता चल जाबैगो, कि तुम मैसे कोइके ठिन परमेश्वरको उपस्थिति हए? नाए, बिरकुल नाए हए।

गलातियों 5:4

तुम जो मोशाको नियम कानुनके पालन करनके धर्मी ठहिरन चाँहत हओ, तुम अपनएके ख्रीष्टसे अलग कररहे हओ, और परमेश्वरको अनुग्रहके स्वीकार करनसे इन्कार करदए हओ।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

1 तिमोथी 3:9

उनके ठिन शुद्ध बिबेक होन पणो जब बे जा बातमे बिश्वास करतए रहात हएं, कि परमेश्वर जो शिक्षा प्रकट करीहए बो शिक्षा सच्चो हए।

1 तिमोथी 6:12

युद्धमे एक अच्छे सैनिक हानी, जो लडाइमे कभी हार नाए मानत हए, तोके फिर परमेश्वरमे भरोसा करनके और बाकी आज्ञाके पालन करन नाए छोडनके हए। और कभी फिर नाश नाए होन बारो जीबनके मजबुतसे पकणले, जौनके ताहीं तए बुलाओ गओ हए, और बहुत आदमीके अग्गु, तए स्पष्ट रुपसे कहो रहए, कि तए ख्रीष्टमे भरोसा करत हए।

1 तिमोथी 6:21

कुछ आदमी झुठे ज्ञानके स्वीकार करलै हएं, और अइसे करके बे अब ख्रीष्टके बारेमे सच्ची शिक्षामे बिश्वास नाए करत हएं। मए प्राथना करत हओं, कि परमेश्वरको अनुग्रह तुम सबके उपर होतए रहाबए।

1 तिमोथी 6:9

पर जो धनी होनके चाँहत हएं बे सब मेलके पाप करनके ताहीं सजिलोसे परीक्षामे पणजात हएं, और एक जानबर हानी फन्दामे फस्जात हएं। आदमी बेहीं चीजके करन चाँहत हएं, जो उनके ताहीं मुरख और खतरनाक हए, और जा इच्छा उनके बर्बादी घेन लैजाबैगो, और नाश करदेबैगो।

2 तिमोथी 2:18

बे सच्चाईमे बिश्वास करन बन्द करदइ हएं। बे कहात हएं, कि परमेश्वर पहिलीयएसे मरे भए बिश्वासीनके अनन्त जीबनके ताहीं मरके जिन्दा हुइगओ हए। परिमाण स्वरुप, बे कुछ बिश्वासीनके ख्रीष्टको शिक्षामे बिश्वास करनसे रोक रहे हएं।

2 तिमोथी 4:4

और बे सच्चो कहानीके नाए सुनंगे, पर झुठी कहानीके सुनन चाहंगे।

तीतुस 1:9

और बे, येशू ख्रीष्टके बारेमे बिश्वासयोग्य सन्देशमे मजबुतसे बिश्वास करन बारे होन पणो, जो हम बोके सिखाए हएं। बिनके अइसे करनके चाहो, ताकी बे दुस्रेनके सही शिक्षाके पालन करनके ताहीं हौसला दइ पामएं, और सँगए-सँग उनके साबित करपामएं, कि बे गलत हएं।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।

प्रकाश 3:8

मोके पता हए तए कैसो कडा मेहेनत करत हए। मोए पता हए, कि तेरे सँग थोरीए शक्ति हए, तहुँफिर मए तोसे कहीभइ बात तए पालन करो हए। तए मोएमे लगातार बिश्वास करेपणे हए, जहेमारे मए तेरे ताहीं एक ढोका खोलंगो जोके कोइ फिर बन्द नाए कर्पएहए।