1 थेसलोनिकी 5:21 - राना थारु नयाँ नियम

²¹ सब सन्देशको जाँच करओ। जा जाननके ताहीं, कि बे भबिष्यबाणी परमेश्वरके घेनसे हए या नाए हए। अच्छे सन्देशके स्वीकार करओ और पालन करओ।

परमेस्वर को सच्चो वचन

²¹ और सब बातन कै परख कै ब्याख्या करौ: जो अच्छी हैं उनकै पकड़े रहाबौ

1 थेसलोनिकी 5:21 Խաչաձեւ Հղումներ

लूका 12:57

तुमके अपनए फैसला करन चाहो, कि तुमर ताहीं का करन ठिक हए।

यूहन्ना 15:4

तुम मोएमे रहाओ, और मए तुमरमे रएहओं। जैसी अंगुरको हँगा रुखामे नाए रहिके फरा नाए फराए पातहए, उइसीयए तुम फिर अगर मोएमे नाए रएहओ कहेसे तुम फिर कुछु नाए करपए हओ।”

यूहन्ना 8:31

येशू अपने उपर बिश्वास करन बारे यहूदीनसे कही, “अगर तुम मिर बचनमे बने रहाबैगे तओ तुम नेहात्तओ मिर चेला हुइजएहओ।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

प्रेरित 17:11

हुवाँके यहूदी, थेसलोनिके सहरके आदमीनसे बहुत जद्धा असल रहएं। बे परचार एकदम अच्छो मानके सुनीं। पावलकी कही, बात मिल्त हए कि नाए मिल्त हए कहिके बे रोजए पबित्र-शास्त्र पढके जात रहएं।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

रोमियों 12:9

दुस्रेन्से प्रेम करनको दिखावा नाए करन पणत हए, खराब बातके घृणा करओ; जो अच्छो हए, बोके लगातार करतए रहाओ।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

1 कोरिन्थी 2:11

आदमीनको बारेमे सब चीज जानन बारो बहेको भितरको आत्मा हए। और कौन जान पाबैगो? अइसियए करके परमेश्वरको आत्मा इकल्लो परमेश्वरको सब बात जानत हए।

गलातियों 6:10

जहेमारे जहाँ तक मौका मिलए, हम सब आदमीनके सँग भलाइ करएं; खास करके सँगी बिश्वासीनके ताहीं।

इफिसियों 5:10

जा सिखनके कोसिस करओ, कि का चीज हए जो परमेश्वरके खुसी करत हए।

फिलिप्पी 1:10

ताकी तुम सबसे ठिक चीजके छानपाबओ, और उनके स्वीकार करके ख्रीष्टके लौटके आनतक शुद्ध और निर्दोष होतए रहाबओ।

फिलिप्पी 3:16

जहेमारे हमके उइसो सच्चाईके अनुसार काम करन चाहो, जौनके परमेश्वर पहिलीयसे हममे प्रकट करीहए।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

1 थेसलोनिकी 5:15

जा याद करओ, कि कोइसे फिर खराबको बदला खराब नाए करए; बल्कि तुमके हमेसा एकदुस्रेके ताहीं और सबके ताहीं भलो काम करनके कोसिस करन पणो।

1 थेसलोनिकी 5:22

सब मेलके खराबीसे दुर रहाओ।

2 थेसलोनिकी 2:15

जहेमारे हे मेरे बिश्वासी ददाभइयओ, बिश्वासमे स्थिर रहाओ; और बेहीं सन्देशमे बिश्वास करत रहाओ, जो हम तुमके सिखाए रहएं जब हम तुमरसँग रहएं या जब हम चिट्ठी पठाए रहएं।

2 तिमोथी 1:15

तए जानत हए, कि एशिया परदेशमे रहान बारे कोइ बिश्वासी मोके छोड दइ हएं, जौन मैसे फुगेलस और हर्मोगेनस हएं।

2 तिमोथी 3:6

जे मैसे कुछ आदमी पुरे परिवारके धोखा देत हएं और मुरख स्त्रीनमे नियन्त्रण करनके पाए जात हएं, जौनको दिल पापमे हए और सब मेलके चाहानाके अधिनमे हएं।

2 तिमोथी 4:14

अलेक्जेन्डर जो लोहोरा रहए बो मोके बहुत तरिकासे मोके चोट पुगाइ हए। प्रभु बोके बोको दुष्ट कामके अनुसार बदला देबैगो।

हिब्रू 10:23

हम जो आसरा करेहएं बोके मजबुतसे पाकणे रहमएं, काहेकी बाको करोभओ प्रतिज्ञा बा पुरा करैगो कहिके हम परमेश्वरमे बिश्वास करपामएं।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।