1 यूहन्ना 2:22 - राना थारु नयाँ नियम

²² झुठ कौन हए? झुठ बहे हए, जौन येशू ख्रीष्ट मुक्ति देन बारो राजा नाए हए कहिके अस्वीकार करत हए। और ख्रीष्ट बिरोधी बहे हए; जो दौवा परमेश्वरके और लौंणाके अस्वीकार करत हए।

परमेस्वर को सच्चो वचन

²² फिरौंकी, झूठो कौन है? जे बे हैं जो कहथैं कि ईसु मसीहा नाय है। ऐसे आदमी मसीह के दुस्मन हैं, बे दऊवा और लौड़ा दोनों कै नाय अपनाथैं।

1 यूहन्ना 2:22 Խաչաձեւ Հղումներ

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 24:5

काहेकी बहुत जनै मिर नाउँमे ‘मए ख्रीष्ट हओं’ कहात आमंगे, और आएके बहुतनके बहकामंगे।

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

1 यूहन्ना 1:6

अगर हम कएहएं, कि परमेश्वरके सँग हमर संगती हए, पर फिरसे बहे खराब काम करत हएं कहेसे हम झुठ मस्कत हएं, और सत्य शिक्षा अनुसार नाए जीइत हएं।

1 यूहन्ना 2:18

हे बलकाओ, ख्रीष्टके लौटके आनके ताहीं जा अन्तिम समय हए। और जैसे तुम सुने हओ, कि ख्रीष्टके बिरोधी आन बारे हएं, बाके अनुसार अभौफिर बहुतसे ख्रीष्टके बिरोधी आइगए हएं; जासे हम जानत हएं, कि जा अन्तिम समय हए।

1 यूहन्ना 2:23

लौंणाके अस्वीकार करन बारेनके दौवा परमेश्वर फिर अस्वीकार करत हएं; जौन लौंणाके मानैगो, बोके दौवा परमेश्वर फिर मानैगो।

1 यूहन्ना 2:4

जो कोइ जा कहात हए, “मए बाके जनिगओ हओं,” पर बाकी आज्ञाके नाए मानत हए कहेसे बो ठग रहो हए, और बो परमेश्वरके सच्चाईके अनुसार नाए जीइत हए।

1 यूहन्ना 4:20

अगर कोइ कहाए, “मए परमेश्वरसे प्रेम करत हओं,” पर अपनो सँगी बिश्वासीके प्रेम नाए करत हए कहेसे बो ठग रहो हए। जौन, अपना देखसकन बारो सँगी बिश्वासीके प्रेम नाए करपात हए कहेसे, नाए देखपान बारो परमेश्वरके कैसे प्रेम करपाबैगो।

1 यूहन्ना 4:3

येशू, अइसो आदमी भओ कहिके नाए मानन बारे आत्मा परमेश्वरको आत्मा नाए हए। जा आत्मा ख्रीष्ट बिरोधीसे आओ हए। बो आबैगो कहिके तुम सुने हओ, और बो हबए संसारमे आइगओ हए।

1 यूहन्ना 5:1

जौनके जा बिश्वास हए, कि येशूए ख्रीष्ट हए, बे सब परमेश्वरके सन्तान हएं। और जो कोइ दौवा परमेश्वरके प्रेम करत हए, बो लौंणाके फिर प्रेम करत हए।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।

प्रकाश 3:9

बे आदमी जौन शैतानको एक समुहके सदस्य हएं, बे दाबी करत हएं कि बे यहूदी हएं पर बे सच्चे यहूदी नाए हएं और बे ठगरहे हएं। मए अइसो करंगो, कि बे आएके तेरे चरणमे पणके ढोगंगे। और मए तोके प्रेम करत हओं कहान बारी बात बे पता पामंगे।