1 यूहन्ना 1:1 - राना थारु नयाँ नियम

¹ हम बा आदमीके बारेमे लिखरहे हएं। जो जीबनको बचन हए, जा पुरो संसारको सृष्टि होनसे पहिले बचन रहए, जौनके हम सुने, और जौनके अपनी आँखीसे देखे, और जौनके हम ध्यानसे देखे और हातसे छुए।

परमेस्वर को सच्चो वचन

¹ हम तुमकै जिंदगी के सब्द के बारे मैं लिखथैं, जो सुरुए से अस्तित्व मैं है। हम जाकै सुने हैं, और अपनी आँखी से देखे हैं; हाँ, हम जाकै देखे हैं, और हमरे हात जाकै छुइ हैं।

1 यूहन्ना 1:1 Խաչաձեւ Հղումներ

लूका 1:2

बे ठिक बहे लिखीं, जो हमके बे आदमीनसे बताओ गओ रहए। जौन बे येशूको सेवकाइके सुरुसे देखी रहएं, और जौन पिच्छु परमेश्वरको बचनको सेवक बनिगए।

लूका 24:39

मिर हात और मिर पाँओँके देखओ, मही हओं, मोके छुइके देखओ। काहेकी मरो मनैको आत्मकी बुट्टी और हड्डी नाए होत हएं, पर तुम देखरहे हओ मिर हएं।”

यूहन्ना 19:35

जौन आदमी जा सब देखी, बो गवाही दइ हए, ताकी तुम फिर येशूमे बिश्वास कर पाबओ। और बोकी गवाही सच्चो हए। और बो जान्त हए, कि बो सच्चो बात मस्कत हए।

यूहन्ना 20:27

तओ येशू थोमाके अपनो हात देखाएके कही, “अपनी उँगरी हियाँ लाएके मेरे हातके देख और अपन हात लाएके मेरे कोखमे डार और शंखा करन बन्द कर बल्कि बिश्वास कर, कि मए जिन्दा हुइगओ हओं।”

यूहन्ना 5:26

काहेकी जौन रितिसे दौवा अपने आपमे जीबनको स्रोत हए, उइसी रितिसे बो लौंणाके फिर जीबनको स्रोत बनाइ हए।

यूहन्ना 8:58

येशू बिनके जबाफ दइके कही, “नेहात्तओ मए तुमसे कहात हओं, अब्राहामको जनम होनसे अग्गुको मए हओं।”

प्रेरित 1:3

येशूके दुख उठान और मरनके बाद बहुतसे पक्को प्रमाणसे अपनएके जिन्दा हओं कहिके दिखाइ। और चालिस दिनतक बा अपनो चुनेभए चेलनके दिखाइ देत रहो, और परमेश्वरकी राज्यकी बात करतए रहो।

प्रेरित 4:20

काहेकी हम त अपन आँखीसे देखी और कानसे सुनी बात कहे बिना हम चुप नाए बैठंगे।”

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

1 यूहन्ना 4:14

हम लौंणाके देखे हएं और जहेको गवाही देत हएं, कि दौवा परमेश्वर अपनो लौंणाके संसारके आदमीनके ताहीं मुक्तिदाताके रुपमे पठाइ हए।

1 यूहन्ना 5:7

जे तीन चीज गवाही देत हएं, कि येशू परमेश्वरसे आओ हए:

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

प्रकाश 19:13

बा खुनमे डुबाओ भओ लत्ता पैँधे रहए, और बाको नाउँ “परमेश्वरको बचन” रहए।

प्रकाश 2:8

येशू मोसे अइसेफिर कही, “और स्मुर्ना सहरके मण्डलीके स्वर्गदूतके जा सन्देश लिख: महीँ बा हओं, जो सब चिजनके सुरु करो हओं। महीँ बा हओं, जो सब चिजनके अन्त करंगो और मए एक चोटी मरिगओ रहओं, पर अब मए जिन्दा हुइगओ हओं, और सदादिन जिन्दा रहामंगो। मए जो कहात हओं बोके सुन: