1 कोरिन्थी 14:4 - राना थारु नयाँ नियम

⁴ जो फरक-फरक भाषामे बात करत हए, बो सिरफ अपनुवए बिश्वासके मजबुत करत हए। पर जो भबिष्यबाणी करत हए, बो मण्डलीके सब बिश्वासीनको बिश्वासके मजबुत करत हए।

परमेस्वर को सच्चो वचन

⁴ जो दुसरी भासा मैं बतकाथै, बौ अपनिए बढ़ोतरी करथै; पर जो भविस्यवाँड़ी करथै, बौ पूरी कलीसिया की मदत करथैं।

1 कोरिन्थी 14:4 Խաչաձեւ Հղումներ

मर्कूस 16:17

और जौन आदमी बिश्वास करत हए, बे जे शक्तिशाली चमत्कारके प्रमाणके रुपमे करपामंगे: मिर नाउँमे बे भुतके बाहिर निकारंगे, और मए बिनके नयाँ भाषा मस्कन बारे बनामंगो,

रोमियों 14:19

जहेमारे हमके हमेसा आदमीनके शान्तिमे एकए सँग रहानके ताहीं और एकदुस्रेके बिश्वासमे बलियो होनके ताहीं मदत करन पणत हए।

1 कोरिन्थी 12:10

आत्मा, एक आदमीके चमत्कारको काम करनके शक्ति देतहए; दुस्रेके परमेश्वरको सन्देश मस्कनको बरदान; और कोइ दुस्रे जनैके पबित्र आत्मा ठिनसे आओ भओ और शैतानके ठिनसे आओ भओ बरदानके बारेमे फरक छुट्टयानको क्षमता देत हए। कोइ एक आदमीके फरक-फरक भाषनमे बात करनको बरदान देतहए जौन भाषाके बारेमे बे कभु अध्यान नाए करी हएं; बहे पबित्र आत्मा कोइ दुस्रे जनैनके फरक-फरक भाषामे बोलो भओ भाषक मतलब बतानको क्षमता देत हए। जौन भाषाके बारेमे बे कभु अध्यान नाए करी हएं।

1 कोरिन्थी 12:28

मण्डली या ख्रीष्टके जा शरीरमे, परमेश्वर हमएं बहुत परकारके काम दइ हए: पहिले, बे आदमी हएं जो येशूसे चुनेभए चेला हएं; दुस्रे, बे जो अगमबक्ता हएं जो बाके शब्दन्के मस्कत हएं; तिस्रे, बे आदमी हएं जो सिखात हएं। बाके पिच्छु, बे आदमी हएं जौनन्के बा चमत्कारको काम करनको अधिकार दइ रहए। तओ पिच्छु बो हए जौनके बा चङगाइ करनको अधिकार दइ। तओ फिर बे, जौनन्के दुस्रेन्के मदत करनको बरदान मिलो। तओ फिर बे, जो अगुवा हएं। तओ फिर बे, जौनन्के बरदान प्राप्त भओ पबित्र आत्मा द्वारा दओगओ फरक-फरक भाषा मस्कन बारेनके चुनी हए।

1 कोरिन्थी 13:1

मए आदमीनको मेल-मेलको भाषनमे और स्वर्गदूतको भाषनमे मस्कत हओं; पर मए दुस्रेन्से प्रेम नाए करो कहेसे मए बोलो भओ बात व्यर्थ उँचो आवाजको झाँझके जैसो होबैगो।

1 कोरिन्थी 13:2

और अगर मए परमेश्वरको सन्देशके घोषणा करत हओं, और सब रहस्य और सब ज्ञानके बुझतहओं, और हियाँतककी मोएमे पहाडन्के इतएसे उतए करनको परमेश्वरमे मजबुत बिश्वास हए पर अगर मोएमे प्रेम नाए हए कहेसे मिर बिरकुल कोइ मोल नाए हए।

1 कोरिन्थी 14:12

काहेकी तुम पबित्र आत्मा द्वारा दओ जान बारो खास क्षमतनके ताहीं इतना उत्सुक हओ, जहेमारे बे क्षमतनको इच्छा करओ जो मण्डलीमे बिश्वासीनको बिश्वास मजबुत करत हए।

1 कोरिन्थी 14:22

जहेमारे, फरक-फरक भाषा बोल्नो बिश्वास करन बारेनके ताहीं नाए, पर बिश्वास नाए करन बारेनके ताहीं चिन्हा हए। पर अगमबाणी बोल्नो बिश्वास नाए करन बारेके ताहीं नैयाँ, बल्कि बिश्वास करन बारेनके ताहीं हए।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

1 कोरिन्थी 14:3

लेकिन जो परमेश्वरको सन्देशके परचार करत हए, बो बिश्वासीनके बिश्वासमे मजबुत करन, प्रोत्साहित करन और उनके दिलके सन्तुष्टि देनमे मदत करत हए।

1 कोरिन्थी 14:5

मए चाँहत हओं, कि तुम सब फरक-फरक भाषामे बोलओ। पर जद्धासे-जद्धा तुम अगमबाणी बोलओ कहिके मए चाँहत हओं; काहेकी अगर अन्य भाषा बोलन बारो आदमी बोको ब्याख्या नाए करत हए कि बो मण्डलीमे बिश्वासीनके बिश्वासके पक्को बनानके ताहीं का कहात हए, कहेसे जौन आदमी परमेश्वरको सन्देशके परचार करत हए बो बहुत जद्धा महत्वपुर्ण काम करत हए।