1 कोरिन्थी 14:12 - राना थारु नयाँ नियम

¹² काहेकी तुम पबित्र आत्मा द्वारा दओ जान बारो खास क्षमतनके ताहीं इतना उत्सुक हओ, जहेमारे बे क्षमतनको इच्छा करओ जो मण्डलीमे बिश्वासीनको बिश्वास मजबुत करत हए।

परमेस्वर को सच्चो वचन

¹² तभई तुम्हऊँ जब आत्मा के वरदानन की धुन मैं होबौ, तौ ऐसो जोर दैकै कोसिस करौ कि तुमरे वरदानन की मदत से कलीसिया की बढ़ोतरी होबै।

1 कोरिन्थी 14:12 Խաչաձեւ Հղումներ

रोमियों 14:19

जहेमारे हमके हमेसा आदमीनके शान्तिमे एकए सँग रहानके ताहीं और एकदुस्रेके बिश्वासमे बलियो होनके ताहीं मदत करन पणत हए।

1 कोरिन्थी 12:31

का सबए सँग फरक-फरक भाषाको अर्थ खोलन बारो बरदान होत हए? तओ तुमके इमान्दारीसे सबसे उपयोगी बरदानन्को इच्छा करन चाहो। पर अब मए तुमके सबसे अच्छो डगरके बारेमे बतामंगो।

1 कोरिन्थी 12:7

हम मैसे सबके एक अइसो बरदान दओ जातहए, जो पबित्र आत्माको उपस्थितिके दर्शात हए। ताकी हम अपने सँगी बिश्वासीनके मदत करपामएं।

1 कोरिन्थी 14:1

एक-दुस्रेसे प्रेम करन कोसिस करओ, और आत्मिक बरदानन्के फिर उत्सुकताके साथ इच्छा करओ। खास करके जा, कि भबिष्यबाणी मस्कनको बरदानके ताहीं इच्छा करओ।

1 कोरिन्थी 14:13

जाकेमारे जौन फरक-फरक भाषा बोलए, तओ बो प्राथना करए, कि बो जो कही बोको अर्थ अपनए समझ पाए।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

1 कोरिन्थी 14:5

मए चाँहत हओं, कि तुम सब फरक-फरक भाषामे बोलओ। पर जद्धासे-जद्धा तुम अगमबाणी बोलओ कहिके मए चाँहत हओं; काहेकी अगर अन्य भाषा बोलन बारो आदमी बोको ब्याख्या नाए करत हए कि बो मण्डलीमे बिश्वासीनके बिश्वासके पक्को बनानके ताहीं का कहात हए, कहेसे जौन आदमी परमेश्वरको सन्देशके परचार करत हए बो बहुत जद्धा महत्वपुर्ण काम करत हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।