1 कोरिन्थी 1:21 - राना थारु नयाँ नियम

²¹ मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

परमेस्वर को सच्चो वचन

²¹ जब परमेस्वर के ग्यान के हानी, दुनिया ग्यान से परमेस्वर कै नाय जानी तौ परमेस्वर कै जौ अच्छो लगो, कि जौ उपदेस की “बेवकूफ” बात से बिस्वास करन बारेन कै बचाबै।

1 कोरिन्थी 1:21 Խաչաձեւ Հղումներ

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

लूका 10:21

बहेबेरा येशू पबित्र आत्मामे हुइके आनन्दसे भरीगओ, और कही, “हे दौवा, बादर और पृथ्वीके परमप्रभु, मए तुमके धन्यबाद चढात हओं, काहेकी तुम जा बात बुद्धिमान और समझदारसे लुकाएके धरे, और बालकाके प्रकट करे। काहेकी, दौवा तुमके जहे ठिक लागो।

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

यूहन्ना 12:31

अब येशूके द्वारा जा संसारको सासक शैतानकी शक्तिके न्याय करनको समय आइगओ हए।

रोमियों 1:28

और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।

रोमियों 11:33

आहा! परमेश्वरको धन, बुद्धि और ज्ञान नेहात्तओ महान हए! कोइ फिर बाको निर्णयको ब्याख्या नाए करपात हए; कोइ फिर बाको डगरके नाए समझ पातहए!

1 कोरिन्थी 1:18

जब आदमी जा सन्देश सुनत हएं, कि ख्रीष्टको मृत्यु क्रूसमे भओ, तओ बे मैसे कोइ-कोइ जा सोँचत हएं, कि जा सन्देश व्यर्थ हए। जौन आदमी अइसो सोँचत हएं बे नरक घेन जाएरहेहएं। पर हमरे ताहीं जौन बो सन्देशमे बिश्वास करत हए, जा परमेश्वरके आदमीनके अपनो शक्तिसे बचानको तरिका हए।

1 कोरिन्थी 1:23

पर हम जा परचार करत हएं, कि ख्रीष्ट हमके हमर पापसे छुटकारा देनके ताहीं क्रूसमे मरो। यहूदीनके ताहीं जा ठेस लगन बारो बात भओ और गैर-यहूदीनके ताहीं जा मुरख बात ठहिरो।

1 कोरिन्थी 1:24

पर बे, जौनन्के परमेश्वर अपने आदमी होनके ताहीं बुलाइ हए चहुँ यहूदी होए चहुँ ग्रीक भाषा मस्कन बारे होएं, ख्रीष्ट परमेश्वरको शक्ति और परमेश्वरको ज्ञान हए।

1 कोरिन्थी 1:25

परमेश्वरको जा मुरख योजना आदमीनको सबसे ज्ञानवान योजनासे फिर ज्ञानवान हए, और परमेश्वरको कमजोरी फिर आदमीनको शक्तिसे जद्धा मजबुत हए।

1 कोरिन्थी 1:27

बल्कि, परमेश्वर अइसे आदमीनके चुनी, जौनके संसार मुरख सम्झत हए, ताकी बे आदमीनके सरमबाए देबए जो सोँचत हएं, कि बे ज्ञानवान हएं। और परमेश्वर अइसे आदमीनके चुनी जो निर्बल हएं, ताकी उनके सरममे पारए जो बलवान हएं।

1 कोरिन्थी 11:32

पर अगर प्रभु हमके अइसियए दण्डित कर रहो हए कहेसे बा हमके सुधार रहो हए, ताकी न्यायके दिनके द्वारा हमके संसारके आदमीनके सँग दोषी नाए ठहिराबए।

1 कोरिन्थी 2:14

पर परमेश्वरको आत्मा नाए होन बारे आदमी, पबित्र आत्माको शिक्षाके ग्रहण नाए करत हए, काहेकी बे आदमीनके नजरमे मुरखके बात हएं, और एक आदमी अपनो आत्मिक जाँच तब्ही कर सकत हए, जब बोमे परमेश्वरको आत्मा रहात हए।

1 कोरिन्थी 4:10

आदमी हमके मुरख सम्झत हएं काहेकी हम ख्रीष्टके बारेमे परचार करत हएं, पर गल्तीसे तुम सोँचत हओ, कि तुम बहुत बुद्धिमान बिश्वासी हओ! बहुत सारे आदमी सोँचत हएं, कि हमरे ठिन कोइ अधिकार नाए हए। पर तुम घमण्डसे कहात हओ, कि तुमर ठिन परमेश्वरको शक्ति हए। आदमी हमर सम्मान नाए करत हएं पर बे तुमर सम्मान करत हएं।

1 कोरिन्थी 6:2

नेहात्तओ तुम जानत हओ, कि भबिष्यमे परमेश्वरके पबित्र आदमी जा संसारके आदमीनके न्याय करंगे। और जब तुम संसारके आदमीनको न्याय करत हओ कहेसे का तुम अपन बीचमे भए छोटे-छोटे मामलाके फैसला करन योग्यके नाए हओ?

गलातियों 1:15

पर परमेश्वर मोएमे अपनो लौंणा प्रकट करनके पक्का करी जोमे मए गैर-यहूदीनमे परमेश्वरको लौंणाको अच्छो समाचार परचार करओं, परमेश्वर मिर जनम होनसे पहिलीयए मोके चुनलै और अपनो अनुग्रहसे बुलाए लइ।

गलातियों 4:8

बिते समयमे जब तुम परमेश्वरके नाए जानत रहओ, तुम बे चिजनके कमैया रहओ, जो ईश्वर नाए हएं।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

कलस्सी 1:19

काहेकी दौवा परमेश्वरको खुसी जहेमे हए, कि परमेश्वरको पुरो सृष्टि ख्रीष्टमे बास करए।

हिब्रू 1:14

स्वर्गदूतनको उदेश्य का हए तओ? बे त परमेश्वरको सेवा करन बारे इकल्ले हएं। परमेश्वर बिनके मुक्ति पान बारेनके रेखदेख करनके ताहीं पठात हए।

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

याकूब 4:4

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।

याकूब 5:15

और बिश्वासको प्राथनासे रोगी बचजाबैगो, और प्रभु बोके चंगाइ करैगो; अगर बो पाप करीहए कहेसे परमेश्वर बोके क्षमा करैगो।

याकूब 5:20

तओ तुमके जा पता होनके चाहो, कि जौन पापी आदमीके, पाप छोडके परमेश्वर घेन घुमनके सहेयोग कहेसे बो एक प्राणके अनन्त मृत्युसे बचात हए और परमेश्वर बोको बहुत पापनके क्षमा करदेबैगो।