Rebaleisan - end blo ebriting 21:18 - Torres Strait Creole (Yumplatok)

¹⁸ Ane da stonwol ya ol i bin mekem prom da nais ston zaspa, ane da siti i bin mata gold ebriwei, wea em i klia raittru wase klin glas.

Rebaleisan - end blo ebriting 21:18 Խաչաձեւ Հղումներ

Rebaleisan - end blo ebriting 21:11

Ane da siti i bin pulap lo dat sainilait blo God. Em i prapa sain wase wan nais ston wea i kolem zaspa. Em i klia raittru wase klin glas.

Rebaleisan - end blo ebriting 21:19

Ane dem paundeisan blo da stonwol, ol i luk prapa gud bikoz ol gad tuelb olkain nais ston pas lo dempla. Da namba wan ston lo em i bin zaspa, namba tu i bin sapaia, namba tri i bin agat, namba po i bin emaral,

Rebaleisan - end blo ebriting 21:21

Ane dem tuelb geit ya, ol i bin mekem prom ol perl. Ebridem geit i bin mekem prom wan big perl, ane da mein rod ya insaid lo dis siti i bin mekem prom mata gold wea em i klia raittru wase klin glas.

Rebaleisan - end blo ebriting 4:6

Ane prant lo da tron, ai bin luk samting wase solwata wea i sain wase glas. Nau ai bin luk po laipsamting i stanap raun lo da tron. Ol dem laipsamting, dempla i gad ai ebriwea lo dempla, prant ane baik.