Namba 1 leta po Sos blo Korint 13:12 - Torres Strait Creole (Yumplatok)

¹² Nau yumpla no sestaman samting prapa, i wase yumpla luk wea nugud mira i no prapa klia. Bat apta, yumpla go luk ebriting prapa klia. Demting wea ai sabe nau, i mata lelbet, i no ebriting. Bat wea dat taim bambai, ai go sabe ebriting seimkain wiskain God i sabe mi nau.

Namba 1 leta po Sos blo Korint 13:12 Խաչաձեւ Հղումներ

Zenasis - Stat blo ebriting 32:30

Zekop i bin kole da ples Peniel. Wea Ibrulangus i min ‘pes blo God’. Em bin spik diskain, ‘Ai bin luk God prapa klostuwan, ane ai stil laipwan. God no bin kile mi.’

Matiu tokbaut Zizas 18:10

‘Lugaut, yupla. No tingk dem smolpikinini i nobodi. Ai spik yupla, dempla i gad ol einzel de antap lo eben, ane dem einzel i ebritaim de lo PapaGod blo mi.

Matiu tokbaut Zizas 5:8

God i blese demwan uda i no woribaut ol nadating, bat mata ebritaim wori po meke wok blo God, bikoz dempla i go luk God.

Zon tokbaut Zizas 10:15

Wa, wea seimkainwei tu, PapaGod i prapa sabe mi ane ai prapa sabe PapaGod. Ai meke laip blo mi po ded po dem sip.

Leta po Sos blo Rom 8:18

Dat nadakain bigpaua blo em, wanem em go gibe yumpla apta, i go meke dem atso prom ol trabol wea yumpla i gad nau, prapa nating.

Namba 1 leta po Sos blo Korint 13:11

I wase diskain. Wen ai bin pikinini, ai bin tingk ane tok wase pikinini, bat wen ai bin gro kam big ai bin libe dem pikinini wei nau.

Namba 1 leta po Sos blo Korint 8:3

Bat eniwan uda labe God, wa, God i prapa sabe ane lugaut dempla.

Namba 2 leta po Sos blo Korint 3:18

Ane nau, yumpla ebriwan nomo gad dat klot, i bin tekemaut prom yumpla. So yumpla i go sain brait soe da glori blo da BosLod. Ane wen da Spirit blo God i wok insaid yumpla, yumpla go seinz ane sain mobrait soe da truglori wea i kam prom da BosLod, mo ane mo.

Namba 2 leta po Sos blo Korint 5:7

Yumpla i meke ol samting bikoz prom bilib wea Kraist, no bikoz yumpla bin luk wea ai pas, ane den bilib wea em apta.

Leta po Sos blo Pilipi 3:12

Ai no spik diskain ya, dat laip blo mi i bin pinis meke ebridem samting o dat laip blo mi i prapa stret. Bat ai mata go kip traiad po dat dei wen ai go pinis gede ebriting wanem Kraist Zizas i bin seibe mi po, ane po mi po stap wiskain em wande mi po stap.

Leta prom Zemes 1:23

Bikoz eni pipol uda lisen bat no mekem wanem dem wod blo God i spik, dempla i wase dem pipol uda luk demplaselp wea glas.

Namba 1 leta prom Zon 3:2

Wa mai amenpamle, yumpla ya nau ol pikinini blo God, ane yumpla no sabe wiskain yumpla gobi. Bat yumpla sabe dat wen Kraist i go kambaigen yumpla gobi prapa wase em.

Rebaleisan - end blo ebriting 22:4

Ane dempla ebribodi i go luk pes blo em, ane neim blo em i go stap lo pored blo dempla.