ZEKARIA 9:9 - Biblia Ilagho Jiboie Kwa Wandu Wose

⁹ Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

ZEKARIA 9:9 Խաչաձեւ Հղումներ

1 WAZURI 1:38

Niko mkohani Zadoku, na mlodi Nathani, na Benaia mwana wa Jehoiada, na walindiri wa mzuri, wikasea wikamjosa Solomoni aighu ya nyumbu iyo erekoghe ikijokwa ni Mzuri Daudi; wikamreda hata Gihoni.

ZABURI 149:2

Israeli ndeboilo ni Muumbi wake; wandu wa Sioni ndewimzumie Mzuri wawo.

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ZABURI 45:1

Nachulwa ni malagho mecha ghemdunga mzuri lumbo; lumi lwapo lwakaia sa kalamu ya mwandiki uko na wuya.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 30:6

Agha ni malagho gha Mlungu aighu ya nyamandu ra Negebu. “Wandu widumilo waidia isanga ja ndengwa andu kuko na shimba ra waka na ra womi, na choka riko na wusungu, na iro riburukagha. Waduka mali rawo na punda, na misigo yawo ya zoghori kwa ngamila, kuwighenjera wandu wisedimagha kuwitesia na ilagho jingi.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 43:11

“Ini, ee, ini ne BWANA; ndeuko mkiri ungi mzima kuchumba ini anduangi.

ISAYA 43:3

Angu ini ne BWANA Mlungu wako, Mlungu Mweli wa Israeli, Mkiri wako. Nichafunya Misri ikaie wukomboli ghwako, na Ethiopia na Seba nichaifunya kwa wundu ghwako.

ISAYA 45:21

Choonyi mghore mashitakio ghenyu worinyi, wipate kughibonyera njama chiaimweri. Nani oreghighorieghe agha konkala uko, nani oreghifunukueghe kokala, Welee, si ini moni BWANA? Hata ndekuwadie mlungu ungi mzima kuchumba ini, Mlungu wa hachi na Mkiri, ndekuwadie ungi kunichumba Ini putu.

ISAYA 52:7

Kwaboie saki kummbona mdumwa ukighenda aighu mighondinyi, kwa wundu ghoeresha malagho mecha; uo uereshagha sere kwa kureda malagho mecha gha kukia; na kughuzera muzi ghwa Jerusalemu, “Mlungu wako wabonya nguma.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 62:11

Olenyi BWANA wamerie kughora hata kutua kwa ndoenyi, Ghorienyi muzi ghwa Jerusalemu, “Ola kukia kwako kwaawuyacha, na malipo gha Mlungu oko nagho kuwilipa wandu wake.”

JEREMIA 30:9

Ela wichamdumikia BWANA Mlungu wawo; na umu wa kivalwa cha Daudi mzuri wawo, uo nichaammbusira kwa wundu ghwawo.

EZEKIELI 21:32

Kuchakorwa sa mbande; bagha yako ichadika aghadi ya isanga, ndekuchaakumbukwa sena anduangi; kwa kukaia ini BWANA najighora ilagho iji.’”

HOSEA 1:7

Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

MIKA 4:8

Na oho, ee Jerusalemu, andu Mlungu orekoghe ukichereshera wandu wake sa mlisha uko mnarenyi, nichakubonya kukaie muzi m'baa ghwa wuzuri ghonyu sa kala.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

ZEKARIA 2:10

BWANA waghamba, “Borenyi na kuzuma ee wandu wa Jerusalemu, angu nichacha kukaia aghadi konyu.”

MATHAYO 1:21

Nao uchava mwana wa womi, na oho kuchammbanga irina jake Jesu, angu nuo uchaawikira wandu wake kufuma kaung'enyi rawo.”

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MATHAYO 2:2

wikakotia, “Oko hao uja mwana uvalo mzuri wa Wayahudi? Angu nyerinyeri yake daiwonie kufuma chia ra mashariki, nesi dacha kumtasa.”

MARKO 11:7

Wikamredia Jesu uo mwana wa punda, wikaala nguwo rawo aighu yake, na Jesu ukasea kidombo aighu kwake.

LUKA 24:27

Niko ukawitambuya maza rose riandikilo kwa wundu ghwake ukizoya na vuo va Musa na va walodi wose.

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

JOHANE 19:15

Wikawusira chwaka rawo, “Mwinje noko! Mwinje noko! Msulubishe!” Pilato ukawizera, “Nimsulubishe Mzuri onyu?” Wakohani wabaa wikatumbulia, “Isi ndediwadie mzuri ungi, ela Kaisari moni.”

WATANYI 10:4

Nao orekoghe na wadawana mirongo idadu awo werejokagha weke punda mirongo idadu; nawo werekoghe na mizi mirongo idadu iwangwagha: Havoth-jairi hata idime; nayo yadakaia andenyi ya isanga ja Gileadi.