ZEKARIA 8:9 - Biblia Ilagho Jiboie Kwa Wandu Wose

⁹ “Kaienyi na ndighi! Idana mwawuyasikira malagho gha walodi wereghorieghe ingelo msingi ghwa Hekalu yapo ghorezolwagha kuaghwa sena.

ZEKARIA 8:9 Խաչաձեւ Հղումներ

1 MALAGHO GHA NGELO 22:13

Kawona kwariwadia nicha sharia na mafundisho agho BWANA oremlaghirieghe Musa kwa wundu ghwa Israeli, kuchapata mecha. Kaia na ndighi na ngolo mbaa. Kusakeobua hata kusengilo ni kiture chingi.

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

2 MALAGHO GHA NGELO 15:7

Ela inyo kaienyi na ngolo! Msakesilwa ni ndighi, angu mchalipwa mafungu kwa kazi yenyu.”

EZRA 6:14

Vilongozi va Kiyahudi wikachuria kuagha na kuwona nicha kwa kusikira machilo gha Mlodi Hagai na Zekaria mwana wa Ido. Wikameria iaghi jawo sa iji koni werelaghiriloghe ni Mlungu wa Israeli, na kwa malaghiro gha Koreshi, na Dario, na Artashasta wazuri wa Pashia.

ISAYA 35:3

Ibonyerenyi ndighi iyo mikonu itewelekagha, na vitemberu visewadie ndighi.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

HAGAI 1:1

Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.

HAGAI 1:12

Niko Zerubabeli na Joshua na wandu wose wiwurie kufuma wubarishonyi Babuloni, wikabonya seji BWANA Mlungu wawo oreghorieghe. Wereobueghe BWANA Mlungu na kumsikira mlodi Hagai mdumwa wa BWANA.

HAGAI 2:18

Idime ni ituku ja mirongo iwi na inya ja mori ghwa ikenda; ituku msingi ghwa Hekalu ghumerelo. Modezighaniragha agho ghichaakaia kufuma idime.

HAGAI 2:21

“Mzere Zerubabeli, m'baa wa Juda kukaia nalighisa kusughusa mlungunyi na ndoenyi.

ZEKARIA 8:13

Inyo wandu wa Juda na Israeli, kokala waghenyi werewasiranagha njowe kwa kughora ‘Wasi ghorewipatireghe wandu wa Juda na Israeli ndeghukupate oho!’ Ela nichamkira, na awo waghenyi wichazerana, ‘Kupate irasimio jerepatiroghe ni wandu wa Juda na Israeli!’ Kwa huwo mkaie na ngolo msakeobua.”

ZEKARIA 8:18

BWANA Uwadie-Ndighi-Rose ukaghora na ini Zekaria ukighamba,

WAEFESO 6:10

Kutua, kaienyi nandighi andenyi ya Bwana, na kwa ndighi ra kudima kwake.

2 TIMOTHEO 2:1

Idana oho mwanwapo, kaia nandighi kwa chia ya mvono ghuko andenyi ya Kristo Jesu.

JOSHUA 1:6

Kukaie na ndighi na ngolo ya wuing'oni, angu ni oho kuchaawilongoza awa wandu hata wipate ifwa ja jija isanga nereghemieghe kwa weke ndee angu nichawineka.

JOSHUA 1:8

Kusesighe kushoma chuo cha Sharia; kukufundishe aho kio na dime, kupate kukulindia na kubonya ghose sa iji koni maandiko ghighambagha. Kwa chia iyo kuchakaia nicha kwa mighendo yako, sena kuchapata wusimi.