ZEKARIA 7:12 - Biblia Ilagho Jiboie Kwa Wandu Wose

¹² Wikakurisha ngolo rawo sa igho wisesikire sharia, na malagho ghapo agho nereghidumieghe kwa Roho wapo kwa chia ya walodi wa imbiri. Kwa huwo ngajokwa ni machu mabaa.

ZEKARIA 7:12 Խաչաձեւ Հղումներ

2 MALAGHO GHA NGELO 36:13

Sedekia ukamlegha mzuri Nebukadnezari uo oremghemeshereghe kwa irina ja Mlungu. Ukaghilika na kukurisha ngolo yake usemghalukie BWANA, uo Mlungu wa Israeli.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

AYUBU 9:4

Mlungu oko na hikima na ndighi nyingi; ndekuwadie mndungi udimagha kusimana nao.

ZABURI 50:17

Oho kwadazamilwa ni kufundishwa, na kulegha malagho ghapo.

KUFUMA 7:13

Hata huwo saki, Farao ukakurisha ngolo yake, ukalegha kuwisikira Musa na Haruni, sa iji koni BWANA oreghorieghe.

ISAYA 46:12

“Nisikirenyi ini, inyo mkurilo ni ngolo, nisikirenyi inyo muko kula na kukia.

ISAYA 48:4

Ini nakuichi kwaghilikie, na singo yako yakurie sa chuma, na wushu ghwako sa shaba;

ISAYA 6:10

Kurikurishe ngolo ra awa wandu, na madu ghawo ghilemie, na meso ghawo ghisewone; wisechewona na meso ghawo, na kusikira kwa madu ghawo na kughaluka wipate kuboiswa.”

ISAYA 65:12

Nichammbikia kufwa wudenyi na inyo mmbose mchabwaghwa, kwa kukaia iji neremmbangieghe, ndemoredikieghe; hata ndemorenisikireghe iji nerekoghe ngideda; ela morebonyereghe wuwiwi mesonyi kwapo, na kusaghua agho nisereghikundieghe.”

JEREMIA 17:1

“Kaung'a ya Juda eandikwa na kalamu ya chuma, mbari reekotwa aighu ya vibau va ngolo rawo rikaashingwa wudovu ghwa almasi; na aighu ya mbembe ra madhabahu ghawo wori,

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

JEREMIA 42:21

Nani namghoria idime, ela ndemumsikire BWANA Mlungu onyu kwa jingi ja agho unidumie nimghorie.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

EZEKIELI 11:19

Nani nichawibonya wikaie na nia imweri, na kungira roho mbishi andenyi kwawo. Nichainja ija ngolo ikurie sa igho ifume andenyi kwawo, nani nichawineka ngolo esikira,

EZEKIELI 14:5

nipate kurighalua ngolo ra wandu wa Israeli cha kwapo, awo wilaghashiro na kufuma kwapo kwa wundu ghwa iyo milimu yawo.

EZEKIELI 2:4

Wokoni awa ni wandu wishughunukie, sena wighilikie. Ini naawuyakuduma kwa awo wandu, na oho kuchawizera, ‘Bwana MLUNGU waghamba huwu,’

EZEKIELI 36:26

Nichamneka ngolo mbishi, na roho mbishi nichaingira andenyi konyu; nani nichafunya ngolo ikurie sa igho kufuma konyu, na kumneka ngolo inyafue.

ZEKARIA 1:2

BWANA Uwadie-Ndighi-Rose ukamzera Zekaria uwighorie wandu, “Ini BWANA nazamilo ni weke ndeyo nandighi,

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

MATHAYO 13:15

Angu wandu awa wafue vongo, na madu ghawo ndeghisikiragha, na meso ghawo ndeghiwonagha. Ngera si huwo kumangu meso ghawo ghawona, na madu ghawo kumangu ghasikira, kumangu kwa akili rawo watambukilwa, wikanighalukia ini, nani kumangu nawikira.’

MARKO 4:12

eri, ‘Kuzighana, loli wizighane, ela wisakewona anduangi; na kusikira, loli wisikire, ela wisaketambukilwa anduangi. Eri wisecheghaluka, na kulekelwa kaung'a rawo.’”

LUKA 8:12

Mbeu iri rerepotokieghe chienyi ni sa wandu wijisikiragha ijo ilagho, konyuma Mmbiwi wacha na kujiinja ngolonyi kwawo, wisechejirumiria na kukia.

MABONYO GHA WADUMI 28:27

Angu wandu awa wafue vongo, nawo ndewikunde kusikira; meso ghawo waghitungurisha, wisechewona kwa meso ghawo, na kusikira kwa madu ghawo, na kutambukilwa ngolonyi kwawo, wicheghaluka niwiboise.’

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.