ZEKARIA 4:6 - Biblia Ilagho Jiboie Kwa Wandu Wose

⁶ Malaika ukanizera nimghorie Zerubabeli agha malagho gha BWANA huwu, “Kuchasima, ela si kwa ndighi ra kiwuda angu kwa ndighi rako, ela kwa Roho wapo.

ZEKARIA 4:6 Խաչաձեւ Հղումներ

KUZOYA 41:16

Josefu ukamzera mzuri, “Si ini ungi, ela Mlungu wadima kumneka mzuri matumbulio mecha.”

1 WAZURI 19:12

Nyuma ya msughusiko ghwa ndoe, ghukacha modo, ela BWANA nderekoghe andenyi ya ghuja modo. Nyuma ya ghuja modo, lukacha lwaka luhorie lwa mboa.

2 MALAGHO GHA NGELO 14:11

Asa ukamlilia BWANA Mlungu wake, “Ee BWANA, ndekuwadie ungi udimagha kutesia aghadi ya awo wiwadie ndighi na wanyonge sa oho. Ditesie ee BWANA Mlungu odu, angu daawuyakusaghika na oho, na kwa irina jako, dacha kulwa na iji izungu ja wandu. Ee BWANA, oho ko Mlungu odu, kusesighe mndungi ukusime.”

EZRA 2:2

Vilongozi vawo werekoghe Zerubabeli, Jeshua, Nehemia, Seraia, Reelaia, Mordekai, Bilshani, Mispari, Bigvai, Rehumu, na Baana. Ughu nigho mtalo ghwa wandu wa womi wa wandu wa Israeli werewurieghe kufuma wubarishonyi.

EZRA 3:10

Nao iji waaghi wazoya kuagha msingi ghwa Hekalu, wakohani wikasoghoda imbiri wirwae maamba ghawo wiko na tarumbeta, na Walawi wa Kichuku cha Asafu, wiko na kayamba wipate kumkasa BWANA sa iji koni Daudi mzuri wa Israeli orefundishireghe.

EZRA 5:2

Niko Zerubabeli mwana wa Shealtieli na Jeshua mwana wa Jehosadaki wikawuya na kuzoya kuagha sena Hekalu iko Jerusalemu, na walodi waja wawi wikawitesia.

ZABURI 33:16

Wusimi ghwa mzuri ndeghuredwagha ni ijeshi jake ibaa, hata ing'oni ndejikirwagha ni ndighi rake nyingi.

MCHILI 9:11

Sena nawonie andenyi ya wurumwengu ughu kukaia, wandu wa iseghe ibaa siwo wangi wisimagha misarigho ngelo rose, na mang'oni sigho ghangi wisimagha wudenyi ngelo rose. Wandu wa hikima ndewipatagha vindo ngelo rose, na wandu wa suku ndewipatagha mali ngelo rose, hata si awo wiko na wuya witalikagha kuchumba anduangi; ela kula mundu wadakwana na mzwana ghwake.

ISAYA 30:1

BWANA waghamba, “Ni bugha kwa awo wana winileghagha, awo wikatishagha mipango iseko yapo; wibonyagha mapatano ghisefumanyagha na kukunda kwapo, wikichuria kaung'a aighu ya kaung'a.

ISAYA 32:15

Maza richakaia huwo hata Mlungu udie Roho wake aighu kodu, na kireti chiwuye mbuwa inorie na kubusa vindo vingi sa msidu.

ISAYA 34:16

Lolenyi andenyi ya chuo cha BWANA mshome, nenyo mchawona kukaia ingi ya iro nyamandu ndeisowekie aho, na kula imu ndeichaasowa mmbao wa womi kwa kukaia momu ghwa BWANA ghwajighorie ilagho ijo, na Roho wake nuo urikwanyagha iro nyamandu.

ISAYA 59:19

Kwa huwo, kufuma magharibi hata mashariki, wandu wichajiobua irina ja BWANA, na wubaa ghwake; kwa kukaia uchacha sa machi gha moda m'baa ghuenjwagha ni kuweta kwa mbeo ifumagha kwa BWANA.

DANIELI 2:34

Hata iji korekoghe kukizighana, Igho ibaa jeredumbukieghe, jisedumbulo ni mkonu ghwa mdamu; jikaipotokia iyo fwana maghunyi kwaro ghiko nusu chuma na nusu wongo, na kughichikanya vipande vipande.

HOSEA 1:7

Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

HAGAI 1:1

Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.

HAGAI 2:21

“Mzere Zerubabeli, m'baa wa Juda kukaia nalighisa kusughusa mlungunyi na ndoenyi.

ZEKARIA 6:12

Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.

MITALO 27:16

“BWANA uo Mlungu wa roho ra wandu wose, ndewike mundu ukaie kilongozi cha wandu,

WAEFESO 6:17

Sena wusenyi kukia sa kofia ya chuma, na Ilagho ja Mlungu sa lufu lwa Roho.

1 PETRO 1:12

Nawo wikafunukuilwa angu ndewerekoghe wikikudumikia weni; ela ni inyo, kwa iro maza rimerie kuereshwa konyu ni awo weremchilieghe Ilagho Jiboie, kwa chia ya Roho Mweli uo oredumiloghe kufuma mlungunyi; na iro maza, weke malaika wakunda nandighi kurizighana.

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”

1 SAMUELI 17:47

na ikwanyiko iji jose jichamanya kukaia, Mlungu ndekiragha kwa kutumia lufu na ifumu. Kwa kukaia wuda ni ghwa BWANA, nao uchamfunya mngie mikonunyi kodu.”